ஈகரை என்றால்...

by **ரா.ரா3275** Thu Feb 09, 2012 6:00 pm

நண்பர்களே...

உங்களோடு ஒரு நிமிடம்...

யதேச்சையாகத்தான் ஈகரையில் இணைந்தேன்-இணைய அனுமதித்தீர்கள்.
நன்றியோடு இன்றுவரை ஈகரையில் இருக்கிறேன்.

ஏதேதோ பேசுகிறார்கள்-எழுதுகிறார்கள்.அப்படி என்ன அதிசயம் இருக்கிறது இந்த தளத்தில்?.
யோசித்து இப்படி நிறைய கேள்விகள் எனக்குள்ளே எழுப்பியிருக்கிறேன்.
ஆனால் எப்போதுமே வெற்றிடமே இருப்பையும் அதன் இறுக்கத்தையும் உணர்த்தும் என்பர்.
என் கேள்விகளுக்கு இப்படித்தான் பதில் கிடைத்தது.

கடந்த சில நாள்களாக என் சொந்த வேலைகள் காரணமாக ஈகரையில் என்னால் இணைந்திருக்க இயலவில்லை.
ஆனால் அது எவ்வளவு பெரிய பேரன்பிழப்பு என்பதை நேற்றும் இன்றும் உணர்ந்தேன்.

ராஜா,சார்லஸ்,மகாபிரபு...என நண்பர்கள் என்னை ஈகரையில் கண்டதும் என்னமாய் விசாரிக்கிறார்கள்!...
இயல்பிலே சற்றே உணர்ச்சிவசப்படும் எனக்கு தனிமடலில் சுந்தரராஜன் அய்யா அவர்கள் விசாரித்ததும்
இன்னும் இளகிவிட்டேன்.

நேரடி தொடர்பின்றியே இந்தப் பேரன்பா?...
நெற்றி தரை தொட நிலத்தை முத்தமிட்டு நன்றி தெரிவிக்கிறேன் நண்பர்களே.
சத்தியமாய் இது ராஜநன்றிதான்.ஆனால் ராஜபக்சே நன்றி அன்று.

ஈகரை எப்போதும் ஈரமான கரை.இதில் எங்கும் இல்லை கறை.
இப்படி ஒரு இணைப்பைத் தந்த தாய்த்தமிழுக்குத் தலைவணங்குகிறேன்.

நன்றி நன்றி நன்றி...

by **ஜாஹீதாபானு** Thu Feb 09, 2012 6:07 pm

நிஜம் தான் ரா ரா மகிழ்ச்சி

முற்றிலும் உண்மை எனக்கும் தொடர்ந்து லீவ் வந்தால் ஏதோ ஒன்று குறைந்தது போல் தோணும்

by **சிவா** Thu Feb 09, 2012 6:14 pm

இதே அன்புதான் என்னை இங்கு மூன்று வருடங்களாக தொடர்ந்து இரவு பகலாக இணைந்திருக்க வைத்துள்ளது!

உங்களின் மன உணர்வை அறியத் தந்தமைக்கு நன்றி ரரா!

by **ரா.ரா3275** Thu Feb 09, 2012 6:14 pm

ஜாஹீதாபானு wrote:

நிஜம் தான் ரா ரா முற்றிலும் உண்மை எனக்கும் தொடர்ந்து லீவ் வந்தால் ஏதோ ஒன்று குறைந்தது போல் தோணும்

அந்த ஒன்றிலேதான் இன்றும் இருக்கிறது-நாளையும் இருக்கிறது.
நன்றி ஜாகீதாபானு அவர்களே.

by உதயசுதா Thu Feb 09, 2012 6:16 pm

சிவா wrote:இதே அன்புதான் என்னை இங்கு மூன்று வருடங்களாக தொடர்ந்து இரவு பகலாக இணைந்திருக்க வைத்துள்ளது!

பொய் சொல்லாதீங்க சிவா. இங்கே உங்களை பார்ப்பதே அரிதாக இருக்கிறது .இதுல இரவு,பகலா இருக்கிறாராமா

by உதயசுதா Thu Feb 09, 2012 6:18 pm

நீங்க சொல்லி இருக்கிறது முற்றிலும் உண்மை ரா.ரா.
நீங்க சொல்லி இருக்கும் முகம் அறியா அன்புதான் என்னை இங்கு பிணைத்து வைத்துள்ளது.இரண்டு நாள் தொடர்ந்தார் போல வரவில்லை என்றால் போனில் விசாரிக்கும் உறவுகளும்,ஒரு பிரச்சினை என்றால் உடனடியா என்ன தீர்வு சொல்ல முடியும் என்று பார்க்கிற அன்பு நெஞ்சங்களும் நிறைந்த இடம் இது.

by **ரா.ரா3275** Thu Feb 09, 2012 6:18 pm

சிவா wrote:இதே அன்புதான் என்னை இங்கு மூன்று வருடங்களாக தொடர்ந்து இரவு பகலாக இணைந்திருக்க வைத்துள்ளது!

உங்களின் மன உணர்வை அறியத் தந்தமைக்கு நன்றி ரரா!

பேரன்புப் பெருவெளிக்குச் சொந்தக்காரன் தமிழன் என்பதில்
நாமெல்லோரும் கர்வம் கொள்வதே நமக்கு கௌரவம் சிவா.
ஈகரையை அமைத்த உங்கள் இதயக் கரைகளில் அன்பினலைகள் அடித்துக்கொண்டே இருக்கும்.என்றும்-என்றென்றும்.
நன்றி சிவா.

by **சிவா** Thu Feb 09, 2012 6:19 pm

உதயசுதா wrote:
சிவா wrote:இதே அன்புதான் என்னை இங்கு மூன்று வருடங்களாக தொடர்ந்து இரவு பகலாக இணைந்திருக்க வைத்துள்ளது!

பொய் சொல்லாதீங்க சிவா. இங்கே உங்களை பார்ப்பதே அரிதாக இருக்கிறது .இதுல இரவு,பகலா இருக்கிறாராமா

மூட் அவுட்னா, லாகின் செய்யாமல் இங்குதான் இணைந்திருப்பேன்.

by பாலாஜி Thu Feb 09, 2012 6:20 pm

உதயசுதா wrote:
சிவா wrote:இதே அன்புதான் என்னை இங்கு மூன்று வருடங்களாக தொடர்ந்து இரவு பகலாக இணைந்திருக்க வைத்துள்ளது!

பொய் சொல்லாதீங்க சிவா. இங்கே உங்களை பார்ப்பதே அரிதாக இருக்கிறது .இதுல இரவு,பகலா இருக்கிறாராமா

இப்பவெல்லாம் சில காலமாக சிவா மற்றும் ராஜா அவர்களையும் இங்கு பார்ப்பது அரிதாக உள்ளது . என் தங்கை உதயசுதா சொல்லுவதை ஆமோதிக்கின்றேன் ..

by **ரா.ரா3275** Thu Feb 09, 2012 6:20 pm

உதயசுதா wrote:நீங்க சொல்லி இருக்கிறது முற்றிலும் உண்மை ரா.ரா.
நீங்க சொல்லி இருக்கும் முகம் அறியா அன்புதான் என்னை இங்கு பிணைத்து வைத்துள்ளது.இரண்டு நாள் தொடர்ந்தார் போல வரவில்லை என்றால் போனில் விசாரிக்கும் உறவுகளும்,ஒரு பிரச்சினை என்றால் உடனடியா என்ன தீர்வு சொல்ல முடியும் என்று பார்க்கிற அன்பு நெஞ்சங்களும் நிறைந்த இடம் இது.

நான் எப்போதும் அலட்சியக்காரன்.என்னை இப்படி இளக்கிவிட்டது ஈகரை.
நன்றி உமா அவர்களே.