அமீர் போனால் எனக்கென்ன? பார்த்திபன் ஆவேசம்

**பிரசன்னா** · **பிரசன்னா** Tue 7 Feb 2012 - 17:45

அமீர் போனால் எனக்கென்ன? பார்த்திபன் ஆவேசம்
on Tuesday, February 7, 2012 | 0 Comment

அமீர் போனால் எனக்கென்ன? பார்த்திபன் ஆவேசம் Parthiban05

"ஒரு வழியாக 'வித்தகன்' வெளியாகிவிட்டது. பிறகென்ன?" என்று கேட்டால், "விரைவில் வைக்கப் போறேன் ஆப்பு" என்கிறார் ராதாகிருஷ்ணன் பார்த்தீபன். (வேறு யாருமில்லைங்க, நம்ம இயக்குநர் பிளஸ் நடிகர் ஆர். பார்த்திபன்தான். இனிமேல் தன்னை இப்படித்தான் அழைக்க வேண்டும் என்று எல்லோருக்கும் வேண்டுகோள் விடுத்துள்ளாராம். நியூமராலஜி?)

இவர் அடுத்து நடிக்கும் படத்தின் பெயர்தான் 'ஆப்பு'. கூடவே 'அவுட்சோர்ஸிங்' என்றசப் டைட்டுலும் வைத்திருக்கிறார்கள். ஒரே சமயத்தில் தமிழ், தெலுங்கு என இரு மொழிகளிலும் தயாராகப் போகும் இப்படத்திற்கான கதை, திரைக்கதையை எழுதப் போவது பார்த்திபன். இயக்கப் போவது புதுமுக இயக்குநராம். (பார்த்திபனே இயக்குவார் என்றும் கூறுகிறார்கள்.)

"திரைக்கதை அமைக்கும் பணி கிட்டத்தட்ட முடிந்துவிட்டது. படத்தில் ப்ருத்விராஜையும் ப்ரியாமணியையும் முக்கிய வேடங்களில் நடிக்க வைக்க திட்டமிட்டேன். ஆனால் இருவருமே பிஸியாக இருக்கிறார்கள். ஒருவேளை அவர்களால் நடிக்க முடியாவிட்டால் வேறு யாரையாவது ஒப்பந்தம் செய்ய வேண்டும்."

அவுட்சோர்சிங் என்ற சப் டைட்டில் எதற்கு?
"இன்றைய நாகரிக சமூகத்தில் நிலவும் பிரச்சினைகளை அலசும் கதை இது. அவுட்சோர்சிங் என்றதும் உங்களுக்கு தகவல் தொழில்நுட்பத் துறை நினைவிற்கு வருகிறது என்றால் நீங்கள் கதைக்குள் நுழைந்துவிட்டீர்கள் என்று அர்த்தம். அத்துறையில் சில தீய சக்திகளும் ஊடுருவி உள்ளன. அத்தகைய சத்திகளை தோலுரித்துக் காட்டப் போகிறேன்."

'அன்னக்கொடி கொடிவீரனும்' படத்தில் அமீர் நடிக்காவிட்டால்?
"அதைப் பற்றி நான் ஏன் யோசிக்க வேண்டும். ஒருவேளை மீண்டும் என்னை நடிக்க அழைத்தாலும் போகமாட்டேன். முதலில் இருந்த நிலைமை வேறு, இப்போதுள்ள நிலைமை வேறு" என்று கறாராக வருகிறது பார்த்திபன் ... ஸாரி... பார்த்'தீ'பனின் பதில்.

தகவல் பகிர்வு - தமிழ் வாரஇதழ் செய்திகள், ARRKAY.BLOGSPOT: -: