மருமகள் எரித்துக்கொலை : மாமியார் கைது

வேளாங்கண்ணி அருகே செம்பியன்மகா தேவி மெயின்ரோட்டை சேர்ந்தவர் இளைய ராஜா (32). விவசாயி. இவரது மனைவி சித்ரா(26). இவர்களுக்கு திருமணமாகி 8 ஆண்டுகளாகிறது. 3வயதில் ஹாஜாகவுரி என்ற பெண் குழந்தை உள்ளது.

இளையராஜா, மனைவி குழந்தையுடன், தனது தந்தை சின்னதம்பி(60), தாய் பார்வதி(58), தம்பி கார்த்திகேயன், அவரது மனைவி அனிதா ஆகியோருடன் ஒரே வீட்டில் கூட்டு குடும்பமாக வசித்து வருகிறார்.

இதனால் மாமியார் மற்றும் கொழுந்தனார் மனைவியுடன், சித்ராவுக்கு அடிக்கடி தகராறு ஏற்படும். இதனால் சித்ரா தனிக்குடித்தனம் வரும்படி கணவரிடம் வற்புறுத்தி வந்தார்.

இதுதொடர்பாக நேற்றிரவும் குடும்பத்தில் தகராறு ஏற்பட்டது. அப்போது சித்ராவை அவரது கணவர் மற்றும் குடும்பத்தார் அடித்து உதைத்துள்ளனர்.

மாமனார், மாமியார் சேர்ந்து சித்ராவின் உடலில் மண்ணெண்ணெயை ஊற்ற கணவர், அவரது தம்பி ஆகியோர் தீ வைத்ததாகக் கூறப்படுகிறது. சித்ராவின் அலறல் சத்தம் கேட்டு ஓடி வந்த அக்கம்பக்கத்தினர் அவரை மீட்டு நாகை அரசு மருத்துவமனையில் சேர்த்தனர்.

நாகை குற்றவியல் நடுவர் நீதிமன்ற (ஜே.எம்.2) நீதிபதி கோதண்டராமனிடம் சித்ரா கொடுத்த மரணவாக்குமூலத்தில், கணவர், மாமனார், மாமியார், கொழுந்தனார், அவரது மனைவி ஆகியோர் சேர்ந்து தன்மீது மண்ணெண்ணெயை ஊற்றி தீவைத்தனர். அவர்கள் மீது நடவடிக்கை எடுக்கவேண்டும் என தெரிவித்தார்.தொடர்ந்து தீவிர சிகிச்சை பெற்று வந்த சித்ரா, சிகிச்சை பலனின்றி நள்ளிரவு இறந்தார்.

இதுகுறித்து வேளாங்கண்ணி போலீஸ் இன்ஸ்பெக்டர் செந்தில் மற்றும் போலீசார் வழக்கு பதிந்து சித்ராவின் கணவர் இளையராஜா, மாமியார் பார்வதி, கொழுந்தனாரின் மனைவி அனிதா ஆகியோரை கைதுசெய்தனர். மேலும் தலைமறைவான மாமனார், கொழுந்தனாரை தேடிவருகின்றனர்.

நக்கீரன்

மாமனார், மாமியார் சேர்ந்து சித்ராவின் உடலில் மண்ணெண்ணெயை ஊற்ற கணவர், அவரது தம்பி ஆகியோர் தீ வைத்ததாகக் கூறப்படுகிறதுஇதுபோன்ற மிருகங்கள் நடமாடும் ஊரில் நாமளும் நடமாடிக்கொண்டிருக்கிறோம்

அட பாவிகளா

அட பாவிகளா. இவங்களுக்கு தண்டனை வெறும் சிறை தண்டனையாக இருக்க கூடாது. குற்றம் நிரூபிக்க பட்டால் இவங்களுக்கு இவங்களையும் எரித்து கொல்லும் தண்டனை கொடுக்க வேண்டும். அப்ப தான் ஒரு உயிர் எரியும்போது படும் வேதனையும்,வலியும் இந்த மிருகங்களுக்கு புரியும்

இது போன்ற குற்றங்களுக்கு உடனடி தண்டனை கொடுக்கப்பட வேண்டும் , அப்போ தான் மற்றவர்கள் பயப்படுவார்கள்