தி.மு.க.வுக்கு புதுரத்தமாக இளைஞர்கள் வரவேண்டும்: முதியவர் மு.க.ஸ்டாலின் பேச்சு

**சிவா** · **சிவா** Mon Feb 06, 2012 7:03 pm

திருவாரூர் மாவட்ட இளைஞரணி நேர்காணல் கூட்டம் இன்று திருவாரூர் பஸ் நிலையம் அருகேயுள்ள யு.பி.மகாலில் நடந்தது. மாவட்ட இளைஞரணி செயலாளர் தாழை.அறிவழகன் தலைமை தாங்கினார். மாவட்ட செயலாளர் பூண்டி கலைவாணன் முன்னிலை வகித்தார். நிகழ்ச்சியில் தி.மு.க. பொருளாளர் மு.க.ஸ்டாலின் கலந்து கொண்டு சிறப்புரையாற்றினார். அப்போது அவர் பேசிதாவது:-

கடந்த 1980-ல் மதுரை ஜான்சிமகாலில் தலைவர் கருணாநிதி தலைமையில் இளைஞரணி கூட்டம் நடந்தது. அன்று முதல் இன்று வரை இளைஞரணி எழுச்சியுடன் உள்ளது. இளைஞரணியில் ஏராளமான பேர் சேர்ந்து கட்சி பணியாற்ற வேண்டும். எத்தனையோ அணிகள் தி.மு.க.வில் இருந்தாலும் அதில் முதல் இடத்தை பெறுவது இளைஞரணி தான்.

தி.மு.க.வுக்கு புது ரத்தமாக இளைஞர்கள் வரவேண்டும். ஆட்சியில் இருந்தாலும், இல்லாவிட்டாலும் தி.மு.க. மக்கள் பணியாற்றி வருகிறது. தி.மு.க.வில் இளைஞர்கள், மாணவர்களை அதிகளவில் சேர்க்க வேண்டும், தமிழ்மொழி. இனத்தை காக்க இந்திமொழி எதிர்ப்பு போராட்டத்தில் கலந்து கொண்டு சாதனை படைத்தோம். எனவே தி.மு.க.வில் இளைஞர்களை கவர செய்து உறுப்பினர்களாக சேர்க்க வேண்டும்.

இவ்வாறு மு.க.ஸ்டாலின் பேசினார்.

அதன்பின்னர் திருவாரூர் மாவட்டம் முழுவதும் வந்திருந்த 30-வயதுக்குட் பட்ட இளைஞரணியினரிடம் மு.க.ஸ்டாலின் நேர்காணல் நடத்தினார்.

மாலைமலர்

அசுரன் · அசுரன் Mon Feb 06, 2012 7:07 pm

ஒருவேளை 60 வயதுக்கு உட்பட்டோரை இளைஞர் என்று சொல்கிறாரோ? புன்னகை

தகவலுக்கு நன்றி சிவா

தி.மு.க.வுக்கு புதுரத்தமாக இளைஞர்கள் வரவேண்டும்: முதியவர் மு.க.ஸ்டாலின் பேச்சு

தி.மு.க.வுக்கு புதுரத்தமாக இளைஞர்கள் வரவேண்டும்: முதியவர் மு.க.ஸ்டாலின் பேச்சு

Re: தி.மு.க.வுக்கு புதுரத்தமாக இளைஞர்கள் வரவேண்டும்: முதியவர் மு.க.ஸ்டாலின் பேச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக