பழைய ஸ்ரீதேவியும் அவரது புதிய கொள்கையும்

**பிரசன்னா** · **பிரசன்னா** Mon 6 Feb 2012 - 13:32

பழைய ஸ்ரீதேவியும் அவரது புதிய கொள்கையும்
on Monday, February 6, 2012 | 0 Comment

பழைய ஸ்ரீதேவியும் அவரது புதிய கொள்கையும் Sridevi02

குஷ்புவுக்கு ரசிகர்கள் கோவில் கட்டி கொண்டாடினார்கள் என்றால் ஸ்ரீதேவிக்கு லட்சக்கணக்கான இந்தி ரசிகர்கள் மனக்கோவில் கட்டி ஆராதித்து வருகிறார்கள். ஆத்தா நான் பாஸாயிட்டேன் என்று 16 வயதில் கும்மாளம் போட்டவர் இப்போது ஆத்தாவாகவே மாறி தோல் சுருங்கினால் கூட அவரது ரசிகர் வட்டாரம் நிலை குலையாது போலிருக்கிறது. திருமணத்திற்குப் பிறகு "குடும்பம்தான் முக்கியம்" என்று போலிவுட்டுக்கு டாட்டா காட்டிய ஸ்ரீதேவியை அண்மையில் 'இங்கிலிஷ் விங்கிலிஷ்' படத்தின் தயாரிப்பாளர் எப்படியெல்லாமோ பேசி அப்படத்தில் நடிக்க வைத்துள்ளார்.

ஆனால் இப்படத்தில் நடித்து முடித்த பிறகு, தனக்கு ரசிகர்களிடம் உள்ள புகழையும் பெயரையும் வைத்து சமுதாயத்திற்கு ஏதாவது செய்ய வேண்டும் எனும் முடிவுக்கு வந்துள்ளாராம் ஸ்ரீதேவி.மேற்படி படத்தில் ஸ்ரீதேவிக்கு நியூயார்க்கில் வசிக்கும் இல்லத்தரசி வேடம். இவ்வாறு திருமணத்திற்குப் பிறகு வெளிநாடுகளில் குடும்பம் நடத்தச் செல்லும் இந்தியப் பெண்கள் அந்நாடுகளில் உள்ள மொழி, கலாச்சாரம், பண்பாடு ஆகியவற்றைப் புரிந்து கொள்ள முடியாமல் தடுமாறுகிறார்கள். இந்தத் தடுமாற்றம் அவர்களுக்கு கடும் மன அழுத்தத்தை தருகிறது. இதனால் வாழ்க்கையே வெறுத்துப் போன பெண்களும் உண்டு.

"இப்படிப் பணம், வசதி எல்லாம் இருந்தும் வாழ்க்கையையே தொலைத்துவிட்டதைப் போல் முடங்கிக் கிடக்கும் பெண்களுக்கு பூஸ்ட் கொடுக்கப் போகிறார் ஸ்ரீதேவி. இதற்காக விரைவில் அவர் வெளிநாட்டு வாழ் இந்தியப் பெண்களுக்காக இணையம் வழி ஆலோசனை மையம் ஒன்றை நடத்த தீர்மானித்துள்ளார்" என்கிறார்கள் விவரம் அறிந்தவர்கள்.
இந்த டிஜிட்டல் ஆலோசனை மையத்தின் கதாநாயகி ஸ்ரீதேவி என்றால், இவருக்கு பல்வேறு துறைகளைச் சேர்ந்த பிரபல நிபுணர்கள் உதவியாகச் செயல்படுவார்களாம்.

குடும்பப் பிரச்னை தொடங்கி, அழகுக் குறிப்பு, தொழில் நடத்தி முன்னேறுவதற்கான குறிப்புகள், கம்யூனிட்டி பிஹேவியர் எனப்படும் வெகுஜன தொடர்புக்கான ஆலோசனைகள், மன அழுத்தத்தில் இருந்து விடுபடுவதற்கான எளிய பயிற்சிகள் என சகலவித ஆலோசனைகளும் ஸ்ரீதேவியிடம் கிடைக்கும்.

இந்த டிஜிட்டல் ஆலோசனை மையத்தை துவங்குவதற்கான முதல்படியாக விரைவில் பேஸ்புக், டிவிட்டர் போன்ற இணையதளங்களில் தன் பெயரில் கணக்கு தொடங்கப் போகிறாராம் ஸ்ரீதேவி. இதன் வழி வெளிநாட்டு வாழ் இந்தியப் பெண்கள் சமூகம் ஒன்றை நடத்தப் போகிறார். உலகின் எந்த மூலையிலும் வசிக்கும் இந்தியப் பெண்கள் இதில் உறுப்பினராகச் சேரலாம். அவர்கள் ஸ்ரீதேவியுடன் நேரடியாக உரையாடலாம்.

"தன் குடும்பம், தன் குழந்தைகள் என சிறிய வட்டத்திற்குள் தனக்கென ஒரு அழகான, சிறிய உலகத்தை அமைத்துக் கொண்டு வாழ்ந்த ஸ்ரீதேவி இப்போது புதிய பரிமாணத்துடன் சமுதாயத்திற்கான பங்களிப்பை தர முன்வந்திருக்கிறார். அவர் வழங்கப்போகும் ஆலோசனைகள் பல பெண்களின் வாழ்க்கையை ஆரோக்கியமாக மாற்றி அமைக்கும். இதற்கு நாங்களும் முடிந்த பங்களிப்பைச் செய்வோம்" என்கிறார் இங்கிலிஷ் விங்கிலிஷ் படத்தின் தயாரிப்பாளர்.

யப்பா, யாராவது இவங்களுக்கு ஒரு டாக்டர் பட்டத்தை வெட்டுங்கப்பா...

தகவல் பகிர்வு :தமிழ் வாரஇதழ் செய்திகள் :ARRKAY BLOGSPOT-:

பழைய ஸ்ரீதேவியும் அவரது புதிய கொள்கையும்

பழைய ஸ்ரீதேவியும் அவரது புதிய கொள்கையும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக