ஓடிப்போனது ராமதாஸ் கட்சி ! விஜயகாந்தும் சந்தேகம் !

by **பிரசன்னா** Mon Feb 06, 2012 12:00 pm

ஓடிப்போனது ராமதாஸ் கட்சி ! விஜயகாந்தும் சந்தேகம் !
on Monday, February 6, 2012 | 0 Comment

ஓடிப்போனது ராமதாஸ் கட்சி ! விஜயகாந்தும் சந்தேகம் ! Gallerye_005641260_400058

சங்கரன்கோவில் இடைத்தேர்தலில் அ.தி.மு.க., - தி.மு.க., - ம.தி.மு.க., போட்டியிடுவது உறுதியாகியுள்ள நிலையில், ராமதாஸ் கட்சி போட்டியிடாமல், "ஜகா' வாங்கியுள்ளது. விஜயகாந்த் கட்சியும் முடிவெடுக்க முடியாமல் தடுமாறுவதால், போட்டியிடுமா என்பது சந்தேகமே. திருநெல்வேலி மாவட்டம், சங்கரன்கோவில் தொகுதியில் அ.தி.மு.க., சார்பில் வெற்றி பெற்று, அமைச்சரான கருப்பசாமி கடந்த அக்டோபர் மாதம் மரணமடைந்தார். அவரது மறைவிற்குப் பின், அடுத்த ஆறு மாதத்தில் இடைத்தேர்தலை தேர்தல் கமிஷன் நடத்தி முடிக்க வேண்டும். இதன்படி, ஏப்ரல் 22ம் தேதிக்குள்ளாக சங்கரன்கோவில் தொகுதி இடைத்தேர்தல் நடக்கவுள்ளது. இடைத்தேர்தலுக்கான தேதி அறிவிக்கப்படாத நிலையில், சங்கரன்கோவில் நகராட்சித் தலைவர் முத்துச்செல்வியை கடந்த மாதமே வேட்பாளராக அதிரடியாக அறிவித்த ஆளுங்கட்சி, தன் தேர்தல் பணியைத் துவங்கிவிட்டது.

தி.மு.க., - ம.தி.மு.க., ஜரூர்: சங்கரன்கோவில் இடைத்தேர்தலில் போட்டியிடுவது குறித்த

ஆலோசனையை நேற்று முன்தினம் தி.மு.க., தலைமை நடத்தியது. இந்த ஆலோசனையைத் தொடர்ந்து, தேர்தலில் போட்டியிடுவதை உறுதி செய்த தி.மு.க., தலைவர் கருணாநிதி, வரும் 13ம் தேதிக்குள் விருப்ப மனுக்களை தி.மு.க.,வினர் தாக்கல் செய்யலாம் என, அறிவித்துள்ளார்.அதன் தொடர்ச்சியாக, நேர்காணல் நடத்தி வேட்பாளரை இறுதி செய்து, ஒரு வார இடைவெளியில் அறிவிக்க தி.மு.க., திட்டமிட்டுள்ளது. கட்சித் தலைமை வேட்பாளரை அறிவிக்காவிட்டாலும், போட்டியிடுவது உறுதி என்பதால், தி.மு.க., தரப்பிலும் தேர்தல் பிரசாரத்தை கிராம அளவில் துவங்கியுள்ளனர். சங்கரன்கோவில் தொகுதியில் ம.தி.மு.க.,விற்கு கணிசமான செல்வாக்கு உண்டு என்பதால், அக்கட்சியின்நிர்வாகிகள், தேர்தல் அலுவலகத்தை துவக்கி, ஏற்கனவே பிரசாரத்தில் ஈடுபட்டு வருகின்றனர். உள்ளாட்சித் தேர்தல் தந்த தெம்பால், சங்கரன்கோவில் இடைத்தேர்தலை எதிர்கொள்ள ம.தி.மு.க., தயாராகியுள்ளது.

உதிரி கட்சிகள்:தி.மு.க., கூட்டணியில் உள்ள காங்கிரஸ் இடைத்தேர்தலில் போட்டியிடாமல் தி.மு.க.,விற்கு ஆதரவு கொடுத்து ஒதுங்க

வாய்ப்புள்ளது. பா.ஜ.,வைப் பொறுத்தவரையில் லோக்சபா தேர்தல் கூட்டணிக்கு அச்சாரமாய், அ.தி.மு.க.,விற்கு ஆதரவளிக்கும் வகையில் போட்டியிடாமல் இருக்கலாம்.இந்த சூழ்நிலையில், அரியலூர் மாவட்டம் ஜெயங்கொண்டத்தில் நடந்த, பா.ம.க., நிர்வாகி இல்லத் திருமண விழாவில் பங்கேற்ற, அக்கட்சியின் நிறுவனர் ராமதாஸ், "கச்சத்தீவை மீட்க வேண்டும் என்பதில் தமிழகத்தில் உள்ள எந்த கட்சிக்கும் மாற்றுக் கருத்து கிடையாது. ஆனால், எப்படி மீட்கப் போகிறோம் என்பதை ஆளும் கட்சி கூற வேண்டும். சங்கரன்கோவில் இடைத்தேர்தலில் பா.ம.க., போட்டியிடாது' என்றார். இதன் மூலம் இடைத்தேர்தலில்போட்டியிடாமல், "ஜகா' வாங்கியுள்ளது ராமதாஸ் கட்சி.

விஜயகாந்த் ஆலோசனை: கவர்னர் உரை மீதான விவாதத்தில், "திராணி இருந்தால், இடைத்தேர்தலில் தனித்து வேட்பாளரை நிறுத்துங்கள்' என்று விஜயகாந்திற்கு நேரடியாக முதல்வர் ஜெயலலிதா சவால் விடுத்தார். அதனால், "சங்கரன்கோவிலில் கட்டாயம் போட்டியிட வேண்டும்' என்று விஜயகாந்திடம் அவரது கட்சி எம்.எல்.ஏ.,க்கள் வற்புறுத்தியுள்ளனர். ஆனால், "மாவட்ட நிர்வாகிகளை கூட்டி விவாதித்து முடிவெடுக்கலாம்' என, விஜயகாந்த் தெரிவித்துள்ளார். இதனால், விஜயகாந்த் கட்சி, இடைத்தேர்தலில் போட்டிடுமா என்பது சந்தேகமே.

தகவல் பகிர்வு :தமிழ் வாரஇதழ் செய்திகள் :ARRKAY BLOGSPOT-: