பழனியில் நாளை தைப்பூசத் தேரோட்டம்

**இளமாறன்** · **இளமாறன்** Mon Feb 06, 2012 12:25 pm

பழனி தைப்பூசத் திருவிழாவையொட்டி நாளை (செவ்வாய்க்கிழமை) தைப்பூசத் திருத்தேரோட்டம் நடைபெற உள்ளது.

பழனி முருகன் கோவில் தைப்பூசத் திருவிழா கடந்த 1 ந் தேதி கொடியேற்றத்துடன் தொடங்கியது. விழாவில் முக்கிய நிகழ்ச்சிகளான முத்துக் குமார சுவாமி, வள்ளி தெய்வானை திருக்கல்யாணம் இன்று நடைபெறுகிறது. இன்று காலை 9.15 மணிக்கு முத்துக்குமாரசுவாமி, வள்ளி தெய்வானையுடன் தந்தப்பல்லக்கில் புறப்பாடு நடைபெற்றது.

இரவு 7 மணிக்கு மேல் 8 மணிக்குள் சிம்ம லக்கனத்தில் முத்துக்குமாரசுவாமி, வள்ளி தெய்வானை திருக்கல்யாணம் நடைபெறுகிறது. தொடர்ந்து இரவு 8.30 மணிக்கு முத்துக்குமாரசுவாமி, வள்ளி தெய்வானையுடன் மணக்கோலத்தில் வெள்ளித்தேரில் எழுந்தருளி நான்கு ரத வீதிகளில் உலா நடைபெறும்.

நாளை(செவ்வாய்க்கிழமை) தைப்பூசம் ஆகும். நாளை காலை 5 மணிக்கு மேல் 6 மணிக்குள் முத்துக்குமாரசுவாமி, வள்ளி தெய்வானையுடன் சண்முக நதியில் எழுந்தருளி பக்தர்களுக்கு தீர்த்தம் வழங்கும் நிகழ்ச்சி நடைபெறும். காலை 10.30 மணிக்கு மேல் 12 மணிக்குள் மேஷ லக்னத்தில் முத்துக்குமார சுவாமி, வள்ளி தெய்வானையுடன் தேரில் எழுந்தருள்கிறார். மாலை 4.35 மணிக்கு நான்கு ரத வீதி களில் திருத்தேரோட்டம் நடைபெறுகிறது.

தைப்பூசத் திருக்கல்யாணம், வெள்ளித்ரோட்டம், திருத் தேரோட்டத்தைக் காண பல்வேறு மாவட்டங்களைச் சேர்ந்த லட்சக்கணக்கான பாதயாத்திரை பக்தர்கள் பழனியில் குவிந்து வருகின்றனர். தைப்பூசத் திருவிழாவை முன்னிட்டு பழனி நகர் விழாக்கோலம் பூண்டுள்ளது.

நக்கீரன்

**ராஜா** · **ராஜா** Mon Feb 06, 2012 12:28 pm

பழனியில் நாளை தைப்பூசத் தேரோட்டம்

பழனியில் நாளை தைப்பூசத் தேரோட்டம்

Re: பழனியில் நாளை தைப்பூசத் தேரோட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக