மதுரை பெண்ணை மணந்த அய்யப்பன்

சபரிமலையில் பிரம்மச்சாரியாக வீற்றிருக்கும் அய்யப்பன், தமிழக எல்லையில் உள்ள ஆரியங்காவு திருத்தலத்தில் மனைவியுடன் காட்சி தருகிறார். இதற்கு காரணமாக கூறப்படும் வரலாற்றுக்கதை...

ஒருமுறை மதுரையைச் சேர்ந்த சவுராஷ்டிர வகுப்பினர், திருவிதாங்கூர் மகாராஜா அரண்மனைக்கு தேவையான துணிகளை நெய்து, அங்கு எடுத்துச் சென்றனர். இவ்வாறு சென்ற வியாபாரிகளில் ஒருவர், ஆரியங்காவு கணவாய் வழியே சென்றார். அவருடன் அவரது மகள் புஷ்கலாவும் உடன் சென்றாள்.

காட்டுப்பாதை கடினமாக இருந்ததால், தன் மகளை அங்குள்ள மேல்சாந்தியின் (பூஜாரி) இல்லத்தில் தங்க வைத்துவிட்டு, தான் திரும்பி வரும் வரை பார்த்துக் கொள்ளும்படி கூறிவிட்டு திருவிதாங்கூர் சென்று விட்டார்.

மேல்சாந்தி இல்லத்தில் தங்கியிருந்த புஷ்கலா சாஸ்தாவை (அய்யப்பன்) முறையாக வழிபட்டு வந்தாள். நாளடைவில் சாஸ்தாவை தன் காதலனாகவே நினைக்கத் துவங்கி விட்டாள். சாஸ்தாவும் அவளை ஆட்கொள்ள முடிவெடுத்தார்.

இதற்கிடையில், திருவிதாங்கூர் சென்று திரும்பிக் கொண்டிருந்த வியாபாரியை மத யானை ஒன்று விரட்டியது. அப்போது இளைஞன் ஒருவன் அங்கே தோன்றி யானையை அடக்கி அவரைக் காப்பாற்றினான். அவனுக்கு நன்றி தெரிவித்த வியாபாரி, அந்த இளைஞனுக்கு என்ன வேண்டுமெனக் கேட்டார்.

அதற்கு அந்த இளைஞன், "உங்கள் மகளை எனக்கு திருமணம் செய்து தருவீர்களா?''எனக் கேட்டான். ஏதாவது பொருளுதவி செய்யலாம் என்று பார்த்தால் இவன் நம் மகளையே கேட்கிறானே... என்று அந்த வியாபாரி யோசித்தாலும், தன்னுயிர் காத்த அவனுக்கு அதைவிட பெரிய பரிசு வேறு என்ன இருக்க முடியும்? என்று நினைத்தார்.

அந்த இளைஞனுக்கு தனது மகளை திருமணம் செய்து வைக்க சம்மதித்த வியாபாரி, அதுபற்றி இளைஞனிடம் கூறினார். ஆனால், திடீரென்று அவன் மறைந்து விட்டான்.

இதைக்கண்டு அதிசயித்த வியாபாரி, ஆரியங்காவு வந்து சேர்ந்தார். அங்குள்ள சாஸ்தா கோவிலுக்குச் சென்றார். அங்கே தான் பார்த்த இளைஞனின் உருவில் சாஸ்தா காட்சி கொடுப்பதைக் கண்டு மெய் சிலிர்த்தார்.

தொடர்ந்து அந்த வியாபாரி, தன் ஊர் மக்களை வரவழைத்து, திருவிதாங்கூர் சமஸ்தானத்து அதிகாரிகளுடன் பேசி மகளின் திருமணத்தை நிச்சயித்தார். சாஸ்தாவும் நேரில் எழுந்தருளி புஷ்கலாவை ஆட்கொண்டார்.

இந்த திருமண நிகழ்ச்சி இப்போதும், மார்கழி மாதத்தில் இத்தலத்தில் நிகழ்த்தப்படுகிறது. மதுரையில் இருந்து சவுராஷ்டிர இனத்தவர் தங்கள் குல பெண்ணுக்கு சீதனம் எடுத்துச் சென்று திருக்கல்யாணத்தை நடத்தி வைக்கின்றனர்.

பகிர்வுக்கு நன்றி அண்ணா(இந்த செய்தி எல்லாம் உங்களுக்கு எங்க கிடைக்குது )

பகிர்வுக்கு நன்றி

பிள்ளையார் கூட சில இடங்களில் திருமணம் ஆகியும் சில இடங்களில் ஆகாமலும் இருக்கிறாரே அது ஏன் சிவா

வடமாநிலங்களில் திருமணம் ஆகிவிட்டது. தமிழகத்தில் இன்னு ஆகவில்லை.

இளமாறன் wrote:பகிர்வுக்கு நன்றி

பிள்ளையார் கூட சில இடங்களில் திருமணம் ஆகியும் சில இடங்களில் ஆகாமலும் இருக்கிறாரே அது ஏன் சிவா

என்னைப் போல்தான்! சில இடங்களில் திருமணமாகி, சில இடங்களில் இன்னும் திருமணம் ஆகாதது போல்.

சிவா wrote:

இளமாறன் wrote:பகிர்வுக்கு நன்றி

பிள்ளையார் கூட சில இடங்களில் திருமணம் ஆகியும் சில இடங்களில் ஆகாமலும் இருக்கிறாரே அது ஏன் சிவா

என்னைப் போல்தான்! சில இடங்களில் திருமணமாகி, சில இடங்களில் இன்னும் திருமணம் ஆகாதது போல்.

இது வேறயா

மகா பிரபு wrote:வடமாநிலங்களில் திருமணம் ஆகிவிட்டது. தமிழகத்தில் இன்னு ஆகவில்லை.

மயிலாடு துறை இரயில் நிலையத்திற்கு அருகில் திருமண கோலத்துடன் அவரை பார்த்தாக நினைவு

சிவா wrote:

இளமாறன் wrote:பகிர்வுக்கு நன்றி

பிள்ளையார் கூட சில இடங்களில் திருமணம் ஆகியும் சில இடங்களில் ஆகாமலும் இருக்கிறாரே அது ஏன் சிவா

என்னைப் போல்தான்! சில இடங்களில் திருமணமாகி, சில இடங்களில் இன்னும் திருமணம் ஆகாதது போல்.

பகிர்வுக்கு நன்றி ...

இளமாறன் wrote:

மகா பிரபு wrote:வடமாநிலங்களில் திருமணம் ஆகிவிட்டது. தமிழகத்தில் இன்னு ஆகவில்லை.

மயிலாடு துறை இரயில் நிலையத்திற்கு அருகில் திருமண கோலத்துடன் அவரை பார்த்தாக நினைவு

வடமாநிலத்தில் திருமணம் முடித்து இங்கு வந்து செட்டில் ஆகி இருப்பார்.