அதிபரானார் ஒபாமா: கோலாகல பதவியேற்பு விழா

வாஷிங்டன்: அமெரிக்க புதிய அதிபர் பதவியேற்பு விழா கோலாகலமாக பிரார்த்தனையுடன் துவங்கியது. விழாவில் பிரபல குரு ஒருவர் பிரார்த்தனை செய்து துவக்கி வைத்தார். தொடர்ந்து சிறப்பு இன்னிசை நிகழ்ச்சி நடந்தது.



இரவு இந்திய நேரப்படி 10.30க்கு துணை அதிபராக ஜோபிடன் பதவியேற்றார். அவருக்கு நீதிபதி ஜான்பால் ஸ்டீவன் பதவிப்பிரமாணம் செய்து வைத்தார். தொடர்ந்து வயலினில் புகழ்பெற்ற கலைஞர் மற்றும் பைப் வாத்திய இசை நிகழ்ச்சி நடந்தது. இசையை ஒபாமா உற்று நோக்குடன் கவனித்து ரசித்தார்.



தொடர்ந்து இந்திய நேரப்படி 10 .40 மணிக்கு பராக் ஒபாமா அதிபராக பதவிப்பிரமாணம் செய்து கொண்டார். முன்னதாக பராக் ஒபாமா இந்திய நேரப்படி இரவு 9. 40 மணிக்கு பதவியேற்பு நடக்கும் மைதானத்திற்கு புஷ்சுடன் வந்தார். முன்னதாக வெள்ளை மாளிகை சென்றார். அவருக்கு புஷ் மனைவி லாராவும் புஷ்சும் இணைந்து வரவேற்றனர். வெள்ளை மாளிகையில் இரு குடும்பத்தினரும் தேநீர் விருந்தில் பங்கேற்றனர்.பிளேர் ஹவுசிலிருந்து கறுப்பு நிற காரில் ஏறி பதவியேற்க புறப்பட்ட ஒபாமா . செல்லும் வழியில் செயிண்ட் ஜார்ஜ் சர்ச்சுக்கு சென்று வழிப்பட்டார். ஆலயத்தில் நடந்த சிறப்பு பிரார்த்தனையில் கலந்து கொண்டார். அவருடன் மனைவி மிஸ்சிலா ‌கைகோர்த்தப்படி வந்தார். ஆலயத்தில் சிறப்பு இன்னிசை நடந்தது. அவரது காருக்கு முன்னும் பின்னும் பாதுகாப்பு படை அதிகாரிகள் கொண்ட கார்கள் சிவப்பு விளக்கை சிமிட்டியப்படி புறப்பட்டு செல்கிறது.



இவர் அமெரிக்காவின் முதல் ஆப்ரோ-அமெரிக்க அதிபராவார். பதவி ஏற்பு விழாவை முன்னிட்டு அமெரிக்கா விழாக்கோலம் பூண்டுள்ளது.



இந்திய நேரப்படி இரவு 10.20 மணிக்கு பதவி ஏற்பு விழா துவங்கியது. வெள்ளை மாளிகை பதவி ஏற்பு விழாவில் 20 லட்சத்திற்கும் மேற்பட்ட மக்கள் கலந்து கொள்வார்கள் என எதிர்பார்க்கப்படுகிறது. பதவி ஏற்பு விழாவிற்கு முன் பாரக் ஒபாமா தனது குடும்பத்தினருடன் செயின்ட் ஜான் சர்ச்சிற்கு சென்றார். பின்னர் வெள்ளை மாளிகைக்கு சென்று அங்கு புஷ்சுடன் தேநீர் அருந்தினார். விடை கொடுத்த பின் பதவி ஏற்பு விழா நடக்கும் இடத்திற்கு சென்றார். முதலில் துணை அதிபர் ஜோ பிடன் பதவி ஏற்ற பின் ஒபாமா ஒரு கையை மேலே உயர்த்தியும் மற்றொரு கையை பைபிள் மீது வைத்தும் பதவி ஏற்றார் தலைமை நீதிபதி ஜான் ராபர்ட்ஸ் பதவி ஏற்பு பிரமாணம் செய்து வைத்தார்.



அமெரிக்காவின் புதிய அதிபர் பதவி ஏற்பதை முன்னிட்டு வெள்ளை மாளிகையில் உள்ள கட்டில், நாற்காலி, தரை விரிப்புகள் உள்பட அனைத்துமே புதிதாக மாற்றப்பட்டுள்ளன. ஆப்ரோ-அமெரிக்கரான ஒபாமா இன்று நடைபெறும் கோலாகல பதவி ஏற்பு விழாவில் அதிபராக பதவி ஏற்கிறார். இதையடுத்து அவர் வெள்ளை மாளிகையில் தனது குடும்பத்தினருடன் குடியேறுவார். இதற்கு முன் இருந்த மாளிகையின் உள் அலங்காரங்கள் மற்றும் பொருட்கள் அனைத்தும் ஒபாமா குடும்பத்திற்கு ஏற்றபடி மாற்றப்பட்டுள்ளன. வெள்ளை மாளிகையில் குடியேறுவதற்காக வரும் ஒபாமா குடும்பத்தினரின் பொருட்கள் 3 லாரிகளில் கொண்டு வரப்படுகிறது. இந்த பொருட்களை எடுத்து வைக்கும் பணி இன்று துவங்குகிறது. இதற்காக பல முறை ஒத்திகை பார்க்கப்பட்டுள்ளது. மொத்தம் 6 மணி நேரத்திற்குள் இந்த பணி நிறைவு பெறும். இந்த பணியை வெள்ளை மாளிகையில் இருக்கும் 93 பணியாளர்கள் ஈடுபட உள்ளனர்.