போராடு

கவினா · கவினா Fri Jan 27, 2012 4:38 pm

கழுதையைபோலே உழைக்கின்றோம் - ஒரு
கந்தைக்குள்ளே பிழைக்கின்றோம்.
எழுதிய தீர்ப்பு இதுதானென்று
மனசுக்குள்ளே நினைக்கின்றோம்.
உழுது களைத்து உறங்கச் சென்று
மறுநாள் காலை எழுகின்றோம்.
எழுதிய தீர்ப்பை மாற்றியெழுதென
ஆண்டவனிடத்தில் அழுகின்றோம்.

அழுவதினால் தொழுவதினால்
ஆண்டவன் காலில் விழுவதினால்
எழுதிய தீர்ப்பு மாறிடுமோ?
இளைத்தவர் வாழ்க்கை தேறிடுமோ?
புழுதியில் முளைத்த புல்லும் கூட
போராட்டத்தால் விளைந்ததடா
விழுவதிலில்லை வித்தையடா.
வீதியிலிறங்கு வெற்றியடா.

அசுரன் · அசுரன் Fri Jan 27, 2012 5:58 pm

ஒருவேளை குதிரை போல உழைத்தால் இன்னும் முன்னுக்கு வரலாம். கவிதை மிக அருமை சுந்தரபாண்டி. மடிவதில் இல்லை வெற்றி! மீண்டும் எழுவதில்தான். நல்ல விழிப்புணர்வு கவிதை. பாராட்டுகள்

யினியவன் · யினியவன் Fri Jan 27, 2012 6:06 pm

கழுதையைபோலே உழைக்காதே - ஒரு
கந்தைக்குள்ளே பிழைக்காதே
எழுதிய தீர்ப்பு இதுதானென்று
மனசுக்குள்ளே நினைக்காதே.
உழுது களைத்து உறங்கச் சென்று
மறுநாள் காலை எழுகின்றோம்.
எழுதிய தீர்ப்பை மாற்றியெழுதென
ஆண்டவனிடத்தில் அழாதே.

எழுச்சிக் கவிதை மிக நன்று சு பா.

முதல் பத்தி இப்படி இருந்தா இன்னும் நல்லாருக்குமோன்னு ஒரு தோணல். தவறாக கருத வேண்டாம். உங்கள் கவிதைகள் அனைத்தும் மிக நன்று.

கவினா · கவினா Thu Feb 02, 2012 6:37 pm

அசுரன் wrote:ஒருவேளை குதிரை போல உழைத்தால் இன்னும் முன்னுக்கு வரலாம். கவிதை மிக அருமை சுந்தரபாண்டி. மடிவதில் இல்லை வெற்றி! மீண்டும் எழுவதில்தான். நல்ல விழிப்புணர்வு கவிதை. பாராட்டுகள்

நன்றி நண்பரே

வாஞ்சையுடன் சுந்தரபாண்டி

கவினா · கவினா Thu Feb 02, 2012 6:42 pm

கொலவெறி wrote:கழுதையைபோலே உழைக்காதே - ஒரு
கந்தைக்குள்ளே பிழைக்காதே
எழுதிய தீர்ப்பு இதுதானென்று
மனசுக்குள்ளே நினைக்காதே.
உழுது களைத்து உறங்கச் சென்று
மறுநாள் காலை எழுகின்றோம்.
எழுதிய தீர்ப்பை மாற்றியெழுதென
ஆண்டவனிடத்தில் அழாதே.

எழுச்சிக் கவிதை மிக நன்று சு பா.

முதல் பத்தி இப்படி இருந்தா இன்னும் நல்லாருக்குமோன்னு ஒரு தோணல். தவறாக கருத வேண்டாம். உங்கள் கவிதைகள் அனைத்தும் மிக நன்று.