அடிக்கடி சரும பரிசோதனை செய்வது அவசியம் ஓகோ..!

தாமு · தாமு Thu Oct 01, 2009 6:52 am

* நமது சருமத்தை மேம்படுத்திக் கொள்வது என்பது சகஜமான விஷயம். இருபது வயதுக்கு மேற்பட்டவர் என்றால் மூன்று ஆண்டுகளுக்கு ஒரு முறை சரும பரிசோதனை செய்து கொள்ளலாம். 40 வயதுக்கு பிறகு அடிக்கடி சரும பரிசோதனை செய்வது அவ சியம். 25 வயது முதல் 29 வயதுக்குட்பட்ட பெண்களுக்கு சரும கேன்சர் ஏற்பட அதிக வாய்ப்புள்ளது. பொதுவாக அனைவரும் தங்களுடைய உடலில் புதிதாக ஏதாவது கரும் புள்ளிகள் அல்லது தழும்புகள் ஏற்பட்டால் தாமதிக்காமல் மருத்துவரை போய் பார்க்க வேண்டும்.

* உடல் பருமன் என்பது வேறு... அதிக உடல் எடை என்பது வேறு..! உடல் பருமன் என் றால் உடலில் அதிகமான கொழுப்பு இருக்கிறது என்று அர்த்தம். அதிகமான உடல் எடை என்றால் எடை மட்டுமே அதிகம் என்று அர்த்தம். எலும்பு, தசைகள் அல்லது உடலில் எவ்வளவு நீர் இருக்கிறது போன்றவற்றைப் பொறுத்து உடல் எடை அதிகமாகும். நாம் சாப்பிடும் உணவில் அதிக கலோரிகள் இருந்தால் உடல் பருமனாகும். இதனால் சர்க்கரை நோய், இதய நோய், மூட்டு வலி ஏற்படும். மேலும் உடல் பருமனால் புற்று நோயும் வரலாம்!

* உங்களுடைய உறவினர்களில் யாருக்காவது குடல் எரிச்சல் இருந்தால் நீங்களும் பரிசோதனை செய்து கொள்வது நல்லது. ஐம்பது வயதுக்குப் பின்பும் இந்த பரி சோதனையை செய்து கொள்ளலாம். பரிசோதனையை முன்னதாகவே செய்து கொண்டால் நூறு சதவீதம் குணம் பெறலாம். பெருங்குடலில் அசாதாரண வளர்ச்சி இருந்தால் கட் டாயம் பரிசோதனை செய்து கொள்ள வேண்டும். இது புற்று நோயாக மாறுவதற்கு முன் அதை அகற்றி விட வேண்டும். இதற்கு எளிமையான சிகிச்சை முறைகள் உள்ளன.

* 45 வயதுக்கு மேற்பட்டவர்களில் ஏழு பேரில் ஒருவருக்கு சர்க்கரை வியாதி இருக் கிறது. இதற்கு முக்கிய காரணம் உடல் பருமன். அடி வயிறு மற்றும் கைகளில் சேரும் கொழுப்பு ஆகியவை. இது பரம்பரை வியாதி என்றாலும் கர்ப்ப காலத்தில் சில பெண் களுக்கும் ஏற்படுகிறது. மாதவிடாய் நின்ற பிறகு 60 சதவீத பெண்களுக்கு சர்க்கரை நோய் வருவதற்கான வாய்ப்புகள் அதிகம் இருக்கிறது. உடற் பயிற்சியின்மை, புகை பிடித்தல், மது அருந்துதல் ஆகியவை உங்களை சர்க்கரை நோயாளி ஆக்கிவிடும். 40 வயதுக்குப் பின் ஆண்டுக்கு இரு முறையாவது சர்க்கரை நோய்க்கான பரிசோதனை செய்து கொள்வது நல்லது.

* எட்டுப் பெண்களில் ஒருவருக்கு மார்பகப் புற்று நோய் இருக்கிறது. வயது ஆக ஆக இதன் தாக்கம் அதிகம். 40 வயதை எட்டிய பெண்கள் இரண்டு ஆண்டுகளுக்கு ஒரு முறை மேமோகிராபி செய்ய வேண்டும். 50 வயதான பெண்கள் ஆண்டுதோறும் இந்த பரிசோதனையை செய்து கொள்ள வேண்டும். மார்பகப் புற்று நோய்க்கான மேமோகிராபி பரிசோதனையில் சந்தேகத்திற்கிடமாக ஏதாவது இருந்தால் ஊசி மூலம் சோதனையும், பயாப்ஸி அல்லது கட்டியை அகற்றும் சிகிச்சையும் செய்து கொள்ள வேண்டும்.

* பெண்கள் குழந்தை பெறும் வயதை அடைந்தவுடன் அல்லது செக்ஸ் வாழ்க்கைக்கு தகுதியானவுடன் ஒவ்வொரு வருடமும் பாப் ஸ்மியர் சோதனை செய்வது அவசியம். இந்த சோதனை ஒரு நிமிடத்தில் முடிந்து விடும். கர்ப்பப் பை வாயில் இருக்கும் அசா தாரணமான புற்று நோய்க்கு முந்தைய அல்லது புற்று நோய் செல்களை கண்டறிய இது உதவும். சந்தேகத்துக்குரியதாக ஏதாவது இருந்தால் அடுத்த கட்ட சோதனையும் நடத்தப் படும். கர்ப்பப்பை வாய் புற்று நோயைத் தடுக்க சிறுமிகளுக்கும் பெண்களுக்கும் எச்.பி.வி. தடுப்பு ஊசிகளும் பரிந்துரைக்கப் படுகின்றன.

* எஸ்.டி.டி எனப்படும் செக்ஸ் மூலம் பரவும் நோய்களில் இருபது வகைகள் உண்டு. ஒவ்வொன்றிற்கும் வேறுவேறு விதமான அறிகுறிகள் ஏற்படும். சம்பந்தப் பட்டவர்களுக்கு பல ஆண்டுகளாக அந்த நோய் இருப்பதே தெரியாது என்பது இந்த நோயின் விசித்திரம். எஸ்.டி.டி நோய் உள்ளவர்களுடன் உடலுறவு வைத்துக் கொள்ளும்போது இந்த நோய் மற்றவருக்கும் தொற்றுகிறது. மருத்துவ பரிசோதனை மூலமே இது தெரியவரும். இத னால் மலட்டுத் தன்மை, குறையுடன் கூடிய குழந்தைப் பிறப்பு போன்ற பிரச்சினைகள் ஏற் படும். தம்பதிகளில் ஒருவருக்கு இருந்தால் இன்னொருவரையும் இது பாதிக்கும்.

* வயது அதிகரிக்கும்போது அனைவருக்கும் எலும்பு தேயும், வலிக்கும். எளிதில் உடையும் அபாயமும் உள்ளது. மேற்கத்திய நாடுகளுடன் ஒப்பிடும்போது ஆசியப் பெண் களுக்கு எலும்பு அடர்த்தி குறைவால் ஆஸ்டியோபொரோசிஸ் வரும் வாய்ப்பு அதிகம். இதில் மிதமான பாதிப்பைத் தரக்கூடியதற்கு ஆஸ்டியோபீனியா என்று பெயர். மாதவிடாய் நின்றவுடன் பெண் ஹார்மோன் சுரப்பது குறைவானதும் எலும்பின் உறுதி குறையும். இதை சரிகட்ட உடற்பயிற்சியும், கால்சியம் அதிகமுள்ள உணவுகளும் அவசியம். எலும் பின் அடர்த்தியை கண்டறிய டி.இ.எக்ஸ்.ஏ ஸ்கேன் சிறந்தது.

அடிக்கடி சரும பரிசோதனை செய்வது அவசியம் ஓகோ..!

அடிக்கடி சரும பரிசோதனை செய்வது அவசியம் ஓகோ..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக