ஒத்து வராது, ஒத்து வராது -ஒன்றுக்கூட ஒத்துவராது

சதாசிவம் · சதாசிவம் Mon Jan 30, 2012 6:03 pm

மாப்பிள்ளை அப்பாவுக்கு வழுக்கை,
மாப்பிள்ளை ஒத்து வராது
மாப்பிள்ளை உடன்பிறந்தோர் இருவர்
பெரிய குடும்பம், ஒத்து வராது
மாப்பிள்ளை சாப்பாட்டு பிரியராம்,
பெண்ணென்ன சமையல்காரியா ஒத்து வராது
மாப்பிள்ளை வெளிநாட்டில் கைநிறைய ,
பெண்ணை பிரிய முடியாது ஒத்துவராது
மாப்பிள்ளைக்கு முப்பத்தஞ்சு தொடங்கியாச்சு
பொண்ணுக்கு முப்பத்திமூணு தானே, ஒத்து வராது
மாப்பிள்ளைக்கு சனியும் அலுவல் உண்டாம், ஒத்து வராது

கண்ணோரம் கருமை படர்ந்தாச்சு
காதோரம் வெண்மை வளர்ந்தாச்சு
கழுத்தோரம் சதைகள் கணத்தாச்சு
காத்து காத்து கசந்தாச்சு
காதல் காலம் கடந்தாச்சு
வயசு பார்த்து உடைஞ்சாச்சு
செம்பால் தயிராய் திரிஞ்சாச்சு

பத்து வருடம் பார்த்தாச்சு
பார்த்து பார்த்து அலுத்தாச்சு
பாங்க் பூரா சேர்த்தாச்சு
பங்குச் சந்தையிலும் போட்டாச்சு
ஒத்து வராது, ஒத்து வராது
ஒன்றுக்கூட ஒத்துவராது

முதிர்க்கன்னியாய் ஆக்கப்பட்டேன்
முழுபாசத்தால் தாக்கப்பட்டேன்
பெத்த மணம் கல்லு,
இது இன்றைய சொல்லு
குறைந்தது 21,
அதிகபட்சம் அரசு பரிசீலிக்குமா ?
என் பெற்றோருக்காக ....................

மகா பிரபு · மகா பிரபு Mon Jan 30, 2012 6:08 pm

////குறைந்தது 21,
அதிகபட்சம் அரசு பரிசீலிக்குமா ?
என் பெற்றோருக்காக ....................////

நியாயமான கேள்வி. முப்பது நெருங்கினால் யாரும் பெண் கேட்டு வரமாட்டார்கள். அப்புறம் அவர்களின் எதிர்காலம் ?

உதயசுதா · உதயசுதா Mon Jan 30, 2012 6:12 pm

உண்மைதான். ithu போன்றும் பெற்றோர்கள் இருக்கிறார்கள்.
என் தோழிக்கு நெய்வேலி நிலக்கரி சுரங்கத்தில் வேலை செய்பவர் ஒருவர் பெண் கேட்டு வந்தார்.ஆனால் அவர் வரும்போது சட்டை எல்லாம் கருப்பா இருக்கும்.அதை துவைக்கவே என் பொண்ணு கஷ்டபடணும் என்று வேண்டாம் என்று சொல்லி விட்டார்கள். இது போல எத்தனையோ வரன்களை தட்டி கழித்து
கூட படித்த அனைவருக்கும் திருமணம் ஆகி பிள்ளைகளோடு இருக்கும்போது அவள் மட்டும் இன்றும் திருமணம் ஆகாமல் கண்ணீர் வடிக்கிறாள்

மகா பிரபு · மகா பிரபு Mon Jan 30, 2012 6:14 pm

உதயசுதா wrote:உண்மைதான். ithu போன்றும் பெற்றோர்கள் இருக்கிறார்கள்.
என் தோழிக்கு நெய்வேலி நிலக்கரி சுரங்கத்தில் வேலை செய்பவர் ஒருவர் பெண் கேட்டு வந்தார்.ஆனால் அவர் வரும்போது சட்டை எல்லாம் கருப்பா இருக்கும்.அதை துவைக்கவே என் பொண்ணு கஷ்டபடணும் என்று வேண்டாம் என்று சொல்லி விட்டார்கள். இது போல எத்தனையோ வரன்களை தட்டி கழித்து
கூட படித்த அனைவருக்கும் திருமணம் ஆகி பிள்ளைகளோடு இருக்கும்போது அவள் மட்டும் இன்றும் திருமணம் ஆகாமல் கண்ணீர் வடிக்கிறாள்

இதற்கு மேல் ஜாதகம் வேறு தடைக்கல்லாக இருக்கும்.

**கோவிந்தராஜ்** · 20/02/2011

கவிதை அருமை ! சூப்பருங்க

இதற்கு மேல் ஜாதகம் வேறு தடைக்கல்லாக இருக்கும்.

பாசம் <>மோசம் !

**Dr.சுந்தரராஜ் தயாளன்** · 03/09/2011

மிக அருமையான கவிதை தம்பி சதாசிவம்...என் தங்கை மகள் 21 வயதில் அவள் இன்ஜினியரிங் படிக்கும் போதே நிறைய மாப்பிள்ளைகள் வர ஆரம்பித்தனர். உங்கள் கவிதையைப் போலவே வருவோரை எல்லாம் தட்டிக்கழித்து, 60 மாப்பிள்ளைகளுக்குமேல் வந்து போய் விட்டனர். இப்போது அவளுக்கு வயது 29 க்கு மேல் ஆகிறது. மாப்பிள்ளை வருவதே நின்று விட்டது. சோகம்

**சிவா** · **சிவா** Mon Jan 30, 2012 9:20 pm

பெரும்பாலோனோர் வாழ்வின் உண்மை நிலையை அழகாக எழுதியுள்ளீர்கள் சதா! சூப்பருங்க

**கே. பாலா** · **கே. பாலா** Mon Jan 30, 2012 9:42 pm

பெண் சம்பாதிப்பவராக இருந்தால்.....சில பெற்றோர் தட்டிக்கழிப்பதும் ...நடக்கிறது ...மாத மாத ..வரும் பணத்தை இழக்க ..விரும்பாமையும் ஒரு காரணம் இதன் !....சதவீதம் குறைவு என்றாலும்...நடப்பது நிஜம் !
கவிதை அருமை மகிழ்ச்சி

**சிவா** · **சிவா** Mon Jan 30, 2012 9:46 pm

கே. பாலா wrote:பெண் சம்பாதிப்பவராக இருந்தால்.....சில பெற்றோர் தட்டிக்கழிப்பதும் ...நடக்கிறது ...மாத மாத ..வரும் பணத்தை இழக்க ..விரும்பாமையும் ஒரு காரணம் இதன் !....சதவீதம் குறைவு என்றாலும்...நடப்பது நிஜம் !
கவிதை அருமை

சரியாகக் கூறியுள்ளீர்கள் பாலா!

**பிஜிராமன்** · **பிஜிராமன்** Mon Jan 30, 2012 9:46 pm

ச்சே.........எவ்வளவு அருமையாக கூறிவிட்டீர்கள் ஐயா.........மிகவும் அற்புதம்......... மகிழ்ச்சி

Sponsored content · Sponsored content

ஒத்து வராது, ஒத்து வராது -ஒன்றுக்கூட ஒத்துவராது

ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

Re: ஒத்து வராது, ஒத்து வராது -ஒன்றுக்கூட ஒத்துவராது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக