ஐரோப்பிய நாடுகளில் கடும் பனிப்பொழிவு: 66 பேர் பலி

by hega Wed Feb 01, 2012 9:43 pm

ஐரோப்பிய நாடுகளில் கடும் பனிப்பொழிவு: 66 பேர் பலி

கிழக்கு, மத்திய ஐரோப்பிய நாடுகளில் நிலவும் கடுமையான பனிப்பொழிவுக்கு இதுவரை பெண்கள், முதியோர் உட்பட 66 பேர் பலியாகி உள்ளனர்.

உக்ரைன் நாட்டில் தான் பனியின் பாதிப்பு அதிகம் உள்ளது. கடந்த 5 நாட்களில் மட்டும் 30 பேர் உயிரிழந்துள்ளனர். இவர்கள் தெருக்களில் வசிப்பவர்கள்.

கடும் பனிப்பொழிவையொட்டி, தெருக்களில் வசிக்கும் மக்களுக்காக 1500 முகாம்கள் திறக்கப்பட்டுள்ளன. அங்கு சூடான டீ, உணவு வழங்கப்படுகிறது. 600 பேர் உடல்நலம் பாதிக்கப்பட்டு வைத்தியசாலையில் சேர்க்கப்பட்டுள்ளனர்.

போலந்து நாட்டில் குளிருக்கு 21 பேர் பலியாகி உள்ளனர். இவர்களில் பலர் புளு, நிமோனியா காய்ச்சலால் இறந்துள்ளனர். ருமேனியாவில் 8 பேரும், பல்கேரியாவில் 5 பேரும், செர்பியாவில் 2 பேரும் குளிருக்கு உயிரிழந்துள்ளனர்.

சாலைகள், தண்டவாளங்களில் பனி படர்ந்து கிடப்பதால் கிழக்கு ஐரோப்பிய நாடுகளில் போக்குவரத்து கடுமையாக பாதிக்கப்பட்டுள்ளது. இதனால் சமையல் எரிவாயு, உணவுப் பொருட்கள் கிடைக்காமல் மக்கள் அவதிக்கு ஆளாகி உள்ளனர்.

பள்ளிகள், கல்வி நிறுவனங்கள் மூடப்பட்டுள்ளன. மின்சார சேவை பாதிப்படைந்துள்ளது. மக்கள் வீட்டுக்குளேயே முடங்கி கிடக்கும் நிலைக்கு தள்ளப்பட்டுள்ளனர். பனியில் சிக்கிய வாகனங்களை இராணுவ வீரர்கள் மீட்டு வருகின்றனர். கடும் பனி மூட்டம் காரணமாக விமான சேவையும் பாதிக்கப்பட்டுள்ளது.

http://www.newsonews.com/view.php?203608E220eZnBd34eaUmOlH4cbdQMAAcddcAKMQUdbc4JlOmae42dBnZ2e022E80602

by **சிவா** Wed Feb 01, 2012 10:34 pm

காணொளி பார்த்தேன், மிகக் கடுமையான பனிப்பொழிவுதான். வயதானவர்கள், நோயாளிகள், குழந்தைகளுக்கு பெரும் சிரமமாக இருக்கும்.

தற்பொழுது இந்தியாவிலும் வழக்கத்திற்கு மாறாக இரவில் குளிர் அதிகமாக உள்ளதாம்.

by அசுரன் Wed Feb 01, 2012 11:23 pm

சிவா wrote:காணொளி பார்த்தேன், மிகக் கடுமையான பனிப்பொழிவுதான். வயதானவர்கள், நோயாளிகள், குழந்தைகளுக்கு பெரும் சிரமமாக இருக்கும்.

தற்பொழுது இந்தியாவிலும் வழக்கத்திற்கு மாறாக இரவில் குளிர் அதிகமாக உள்ளதாம்.

ஆமாம் சிவா! போன வாரம் ஊட்டி போயிருந்தேன். குளிரில் மாட்டிக்கிட்டு ரொம்பவே அவதிபட்டேன்.. தாங்க முடியல.. எலும்புவரை சென்று வலியெடுத்தது.

by **இளமாறன்** Thu Feb 02, 2012 1:23 am

இன்னும் 2 வாரங்கள் இந்த பணி குளிர் இருக்குமென எதிர்பார்க்க படுகிறது ... இப்பொழுது என் வீட்டின் வெளியில் - 4° சி காலை - 8 சி1

தாங்க முடியவில்லை குளிர் அழுகை