இரண்டும் முத்தங்கள் தான் - பிஜிராமன் !!!

**பிஜிராமன்** · **பிஜிராமன்** Wed Feb 01, 2012 3:57 pm

First topic message reminder :

மோகம் எனவொருவன் மோதியே செல்கின்றான்
தாகம் நிறைந்ததனால் தத்தளிக்கும் காதலரின்
நண்பனும் ஆகியதால் நச்சென்று, பூவிதழும்
கண்ணமும் சங்கமிக்கும் காமன் இருப்பிடத்தில்
கொண்டவன்நான் தந்தேன் குளிர்ச்சியாய் ஓர்முத்தம்
என்னிதழ் பட்டதுமே என்துடிப்பும் நின்றுயரே
சென்றதுபார் நீர்த்துளி போல்

நீயெனைத் தொட்டகணம் நின்றது என்முடிகள்
தூயவள் தொட்டதனால் துள்ளலும் உண்டாகி
தேன்தனில் உள்ளசுவை தீண்டலில் கண்டேனே
தேன்தனைத் திண்ணத் திகட்டிடுமே, உன்தொடுதல்
என்னுள் தரும்சுவையோ என்றும் திகட்டாதே
என்னருகில் நீயிருக்க எத்தீங்கும் அண்டவிடா(து)
நன்மையை நன்கு தரும்

காதல் ரகசியங்கள் காதிலே கூறயென்
காதிலுன் மூச்சதன் காற்றிட்ட வெட்பம்
மதியில் புகுந்தங்கு மாற்றங்கள் செய்த
சதியினால் நீக்காதில் செய்திட்ட சத்தத்தை
என்னுள்ளே வார்த்தையாய் ஏற்ற முடியவில்லை
சன்னதி சென்றுகாணும் சந்தோஷம் தந்திடும்
பொன்னிறையை கண்டேன் இனிது

புதுத்துளிர்மேல் நீர்த்துளியும் பூவிதழால் காதல்
ததும்பதரும் முத்தமும் ஒன்று