Toshiba 3D Laptop தோஷிபா வழங்கும் 3டி லேப்டாப்!

by **பிரசன்னா** Wed Feb 01, 2012 1:02 pm

தோஷிபா வழங்கும் 3டி லேப்டாப்!

2011ம் ஆண்டு 3டி புரட்சிக்கு வித்திட்ட ஆண்டு என்று கூறினால் மிகையாகாது. 3டி தொழில் நுட்பத்தின் மூலமாக மக்களுக்கு ஒரு வகையான த்ரில் அனுவத்தைக் கொடுக்க முடியும் என்பது நிரூபிக்கப்பட்டது.

Toshiba 3D Laptop தோஷிபா வழங்கும் 3டி லேப்டாப்! 1327983747341

Toshiba 3D Laptop தோஷிபா வழங்கும் 3டி லேப்டாப்! 1327983747341

இந்த 3டி தொழில் நுட்பம் நாளடைவில் கெட்ஜெட் துறையிலும் தடம் பதித்தது. அவ்வாறு 3டி தொழில் நுட்பத்தில் வந்த கெட்ஜெட்டுகளுக்கு மக்களிடம் நல்ல வரவேற்பும் இருந்தது.

அவ்வாறு 3டி தொழில் நுட்பத்தில் வந்து வெற்றிகரமாக இயங்கிக் கொண்டிருக்கும் லேப்டப் தோஷிபா கோஸ்மியோ எப்755 ஆகும். இந்த லேப்டாப் மொபைல் 3டி பயனாளிகளை மையமாக வைத்தே வந்தன. ஆனாலும் இவை கேம்களை அவ்வளவாக சப்போர்ட் செய்வதில்லை. அதனால் இந்த லேப்டாப் புதிய தொழில் நுட்பங்களால் அப்டேட் செய்யப்பட்டு விரைவில் வெளிவர தயாராக இருக்கிறது.

இந்த அப்டேட் செய்யப்பட்ட் தோஷிபா கோஸ்மியோ எப்755 3டி லேப்டாப் என்விடியா ஜிஇபோர்ஸ் 3டி க்ராபிக்ஸ் ப்ராசஸிங் யூனிட்டுடன் வருகிறது. அதனால் இது கண்டிப்பாக 3டி கேம்களை சப்போர்ட் செய்யும். மேலும் இந்த லேப்டாப் க்ளாசஸ் ப்ரீ 3டி வீடியோ கேமிங் பொழுதுபோக்கை வழங்குகிறது.

அதனால் இந்த லேப்டாப்பை இயக்கும் போது எந்தவித தனியான கண்ணாடியும் தேவைப்படாது. வீடியோ கேம் பிரியர்களுக்கு மட்டுமல்லாது 3டியை விரும்புவோர் அனைவருக்கும் இந்த லேப்டாப் ஒரு வரப்பிரசாதமாக இருக்கும். மேலும் தோஷிபா சர்வீஸ் ஸ்டேசன் யூட்டிலிட்டியில் இருந்து பதிவிறக்கம் செய்தால்தான் இந்த 3டி க்ளாஸ் ப்ரீ கேமிங் வசதியைப் பெறமுடியும் என்ற வதந்தியும் இருக்கிறது.

இந்த தோஷிபா லேப்டாப்பின் முக்கிய சிறப்புகளைப் பார்த்தால் இது ஆக்டிவ் லென்ஸ் கொண்டு 1080பியை சப்போர்ட் செய்யும் 15.6 இன்ச் டிஸ்ப்ளேயைக் கொண்டிருக்கிறது. இதன் ப்ராசஸர் இன்டல் ஐ5 அல்லது ஐ7 ப்ராசஸர் ஆகும். இதில் என்விடிய ஜிஇபோர்ஸ் க்ராபிக்ஸ் யூனிட்டும் உண்டு.

இதன் மெமரியைப் பார்த்தால் 1ஜிபி கொண்ட டிடிஆர்3 மெமரி ஆகும். அதுபோல் இந்த லேப்டாப் 8ஜிபி வரையுள்ள ரேமைக் கொண்டுள்ளது. மேலும் இது 750ஜிபி அளவுள்ள சேமிப்பு வசதியையும் கொண்டிருக்கிறது. இதில் ப்ளூரே டிஸ்க்குகளை வேண்டும் என்றால் தேர்ந்து எடுத்துக் கொள்ளலாம். அதுபோல் எச்டி 1080பி வீடியோவை சப்போர்ட் செய்யும் வசதியுடன் எச்டிஎம்ஐ 1.4 போர்ட்டும் உள்ளது.

மேலும் இந்த கோஸ்மியோ லேப்டாப் 3டி படங்களை நகர்த்துவதற்காக ஒரு சிறப்பான சாப்ட்வேரையும் வழங்கும் என்று சொல்லப்படுகிறது. செயல்திறனைப் பொருத்தவரை இந்த லேப்டாப் மிக பக்காவாக இருக்கும். வாடிக்கையாளர்களின் 3டி தேவையை இந்த லேப்டாப் நிறைவு செய்யுமா என்ற பொறுத்திருந்துதான் பார்க்க வேண்டும்.

Toshiba 3D Laptop | Satellite A665-3DV 15.6" Widescreen PC
http://us.toshiba.com/computers/laptops/satellite/A660/A665-3DV/

தகவல் பகிர்வு - தமிழ் வாரஇதழ் செய்திகள்