எல்லா நாளும் நல்ல நாளே... தேவையான தகவல்கள்

by **பிரசன்னா** Wed 1 Feb 2012 - 12:31

First topic message reminder :

எல்லா நாளும் நல்ல நாளே...

சென்ற வாரம் நான் என் சகோதரி வீட்டிற்கு சென்றிருந்தேன். அங்கு உணவருந்தி ஓய்வெடுத்த பின் அவர்கள் நீண்ட நாட்களாக ஒரு வீட்டுமனை வாங்க வேண்டும் எனக் கூறி வந்ததை நினைவுபடுத்தினேன். எனக்குத் தெரிந்த ஒருவர் நல்ல இடத்தில் ஒரு வீட்டுமனை இருப்பதாகவும் விலையும் சற்று சகாயமாகவுள்ளதாகவும் கூறினார். அதைப் போய் இன்று பார்த்துவிட்டு வரலாம் என்று கூறினேன். உடனே என் சகோதரி இன்று வேண்டாம் அண்ணே என்றாள். நான் ஏன்? இன்று விட்டால் மனை கிடைக்காமல் போகலாம் வேகமாக விற்று வருவதாகக் கேள்விப் பட்டேன். இன்று ஏன் வேண்டாம் என்கிறாய்? எனச் சகோதரியைக் கேட்டேன். அவர் இன்று அஷ்டமி, நாளை நவமி என்றாள்.ஆகையால் நாளை மறுநாள் போய் பார்க்கலாம் என்று சொன்னார்.

நான் அஷ்டமி, நவமி என்றால் என்ன? ஏன் கூடாது என்பதற்குக் காரணம் என்ன? என்று கேட்டேன். அதற்கு என் சகோதரி எனக்கு விளக்கம் தெரியாது அண்ணே, ஆனால் எல்லோரும் அவை நல்ல நாட்கள் இல்லை என்பதால் நானும் கூறினேன் என்று கூறினார்.

நான் சிரித்துக் கொண்டே அஷ்டமி, நவமியில் நீங்கள் சாப்பிடுவதில்லையா? ரயில், பஸ், விமானம் ஆகியவை ஓடுவதில்லையா? மருத்துவமனை, வங்கிகள் மற்றும் அலுவலகங்கள் செயல்படுவதில்லையா? அவசர அறுவை சிகிச்சையைத் தவிர்க்கிறோமா? என்று கேட் டேன்.

அதற்கு என் சகோதரி போங்க அண்ணா நீங்க எப்போதும் இப்படித் தான் எடக்கு முடக்காகப் பேசுவீர்கள் என்று கேலி செய்தார். நான் இல்லையம்மா இதற்கு விளக்கம் கூறுகிறேன். நாம் ஓரளவு படித்தவர்கள் எதையும் அறிவுப்பூர்வமாக சிந்தித்துத் தெரிந்து கொள்ள வேண்டாமா? என்று கேட் டேன். மைத்துனரும், என் சகோதரியும் நீங்கள்தான் விளக்குங்களேன் என்றார்கள்.

நான் பின்வரும் விளக்கத்தைக் கூறினேன்.

ஒரு மாதத்திற்கு அமாவாசை, ஒரு பவுர்ணமி வரும். அந்த இரு நிகழ்ச்சிகளும் பூமி மற்றும் சந்திரனின் சுழற்சியால் ஏற்படுவதை நீங்கள் அறிவீர்கள். நாட்களைச் சுட்டிக்காட்ட அமாவாசையிலிருந்து அல்லது பவுர்ணமியிலிருந்து எத்தனையாவது நாள் என்று குறிப்பிட்டுக் காட்டவே பிரதமை முதல் சதுர்த்தசி வரை 14 நாட்களுக்கும் பெயரிட்டிருக்கிறார்கள். பெயர் தமிழில் வைத்திருந்தால் விளங்கும். சமஸ்கிருதம் ஆதிக்கத்தில் இருந்தபோது தமிழ் வருடங்களின் பெயரை கூட பொருள் தெரியாத வடமொழியில் அல்லவா வைத்து விட்டார்கள்? நாமும் அதை மாற்ற மனமின்றி வைத்துக் கொண்டு திண்டாடுகிறோம். அதே போல் தான் நாட்களின் பெயர்களும் பின்வருமாறு வடமொழியில் உள்ளன என்று விளக்கினேன்.

1. பவுர்ணமி, அமாவசைக்கு அடுத்த நாள் பிரதமை பிரதமர் என்றால் முதல்வர் என்று பொருள். அதுபோல் பிரதமை என்றால் முதல் நாள்.

2. துவிதை என்றால் இரண்டாம் நாள் தோ என்றால் இரண்டு. துவிச் சகர வண்டி என்று சைக்கிளைக் கூறுவது தங்களுக்கு தெரியும்.

3. திரிதியை என்றால் மூன்றாம் நாள் திரி என்றால் மூன்று அல்லவா?

4. சதுர்த்தி என்றால் நான்காம் நாள் சதுரம் நான்கு பக்கங்கள் கொண் டது.

5. பஞ்சமி என்றால் அய்ந்தாம் நாள் பாஞ்ச் என்றால் அய்ந்து எனப் பொருள்.

6. சஷ்டி என்றால் ஆறாம் நாள்.

7. சப்தமி என்றால் ஏழாம் நாள். சப்த ஸ்வரங்கள் என ஏழு ஸ்வரங்களைக் கூறுவதில்லையா?

8. அஷ்டமி என்றால் எட்டாம் நாள். அஷ்டவக்கிரம் என்று எட்டு கோணல்களைக் கூறுவதையும் அஷ்ட லட்சுமி என்றெல்லாம் கூறக் கேட்டிருக்கிறோம்.

9. நவமி என்றால் ஒன்பதாம் நாள் நவ என்றால் ஒன்பது என்றும் நவ கிரகங்கள் என்பதும் தங்களுக்குத் தெரியும்.

10. தசமி என்றால் பத்தாம் நாள் தஸ் என்றால் பத்து அல்லவா? தாரம் என்ற கடவுளின் அவதாரங்களைக் கூறக் கேட்டிருக்கிறோம்.

11. ஏகாதசி என்றால் பதினொன் றாம் நாள் ஏக் என்றால் ஒன்று தஸ் என்றால் பத்து இரண்டின் கூட்டுத் தொகை பதினொன்று.

12. துவாதசி என்றால் பன்னிரண் டாம் நாள் தோ/துவி என்றால் இரண்டு தஸ் என்றால் பத்து எனவே இதன் கூட்டுத்தொகை பன்னிரண்டு ஆகும்.

13. திரியோதசி என்றால் பதிமூன் றாம் நாள் திரி என்றால் மூன்று + தஸ் என்றால் பத்து ஆகப் பதிமூன்று.

14. சதுர்த்தசி என்றால் பதினான்காம் நாள் சதுர் (சதுரம்) என்றால் நான்கு அத்தோடு தஸ் என்ற பத்து சேர்த்தால் பதினான்கு என ஆகும்.

சதுர்த்தசிக்கும் அடுத்தது பவுர்ணமி அல்லது அமாவாசை ஆகி விடும். இப்படி நாட்களைக் சுட்டிக் காட்ட வைத்த பெயர்களில் என்ன வேறுபாடு இருக்கிறது? அமாவாசை அல்லது பவுர்ணமிக்குப் பிறகு வரும் எட்டாம் நாளும் ஒன்பதாம் நாளும் கெட்டவை என்பதற்கு ஏதேனும் அறிவியல் பூர்வமான விளக்கம் இருந்தால் கூறுங்கள். என் சகோதரியும் மைத்துனரும் வாயடைத்துப் போயினர். இந்த விளக்கம் கண்டு அவர்கள் மிகத் தெளிவு பெற்றனர்.

நான் மேலும் கூறினேன். அட்சய திரிதியையில் தங்கம் வாங்க அறியாத மக்கள் தங்கக் கடைக்கு ஓடுவதும் அறியாமையே என்றேன். என் சகோதரி மிகவும் ஆர்வமாக இதற்கும் விளக்கம் கூறுங்கள் அண்ணா என்று கேட்டுக் கொண்டாள். க்ஷயம் என்றால் தேய்வு (-க்ஷயரோகம் = எலும்புருக்கு நோய் அக்ஷயம் என்றால் வளர்ச்சி அதாவது வளர்பிறையில் அமாவாசையிலிருந்து மூன்றாம் நாள் திரிதியை என்று ஏற்கெனவே விளக்கிக் கொண்டோம். அதாவது வளர்பிறையில் மூன்றாம் நாள் இதில் என்ன சிறப்பு இருக்க முடியும்? இது தங்க வியாபாரிகள் சேர்ந்து செய்த விற்பனை உத்தியே ஆகும் என்று விளக்கம் கூறினேன்.

மக்கள் எப்படி அறியாமையில் மூழ்கிப் போயிருக்கிறார்கள் என்று அனைவரும் பரிதாபப்பட்டோம். பிறகு அன்றே மூவரும் சென்று வீட்டு மனையைப் பார்வையிட்டு இடம் பிடித்திருந்ததால் முன் பணம் செலுத்தி பத்திர நகல்களை வாங்கி வந்தோம். அஷ்டமி, நவமி பார்த்துத் தாமதம் செய்திருந்தால் இந்த வாய்ப்பு கிட்டுமா என்று மகிழ்ந்தோம்.

“செய்யும் வேலைகளின் வெற்றி தன்னை நம்பி இல்லை, கடவுளை நம்பித்தான் இருக்கிறது“ என்று நினைத்து உருவாக்கப்பட்ட “நல்ல நேரம்,கெட்ட நேரம்“ என்ற பயங்கள் உலகெங்கும் மனிதனை ஆட்டிப்படைக்கின்றன.(நம் நாட்டில் கொஞ்சம் அதிகம்)

இந்திய அளவில் உள்ள பஞ்சாங்கங்களின்படி ஒரு மாதத்திற்கு எவ்வளவு கெட்ட நேரம் வருகிறது என்று கணக்கிட்டுப்பார்ப்போம்.

வாரத்தில் செவ்வாய்,சனி நல்ல காரியம் துவங்கக்கூடாது(10 நாட்கள்).
மாதத்தின் அஷ்டமி,நவமி நன்மைக்கு உகந்தது அல்ல(4நாட்கள்).
பாட்டிமுகம் நாளில் நல்லது செய்வது நல்லதில்லை(2 நாட்கள்).
ஒரு மாதத்தில் வரும் ராகு காலம், எமகண்டம்,குளிகை இவற்றின் கூட்டுத்தொகை (3 முக்கால்) தவிர கௌரி பஞ்சாங்கத்தின் படி நன்மை செய்ய தகாத நாட்கள் 2 நாட்கள்.

ஆக மொத்தத்தில் ஒரு மாதத்தில் 21 முக்கால் நாட்கள் நாம் நல்லது செய்ய பயந்தால் எப்படி உருப்பட...எப்படி முன்னேற...?

என்று தணியும் நம் மக்களிடம் நிரம்பியுள்ள அறியாமையின் மோகம்?

தேவையான தகவல் இமெயிலில் இருந்து...

by **சிவா** Wed 1 Feb 2012 - 13:04

பிரசன்னா wrote:
உங்களிடம் நிறயா நகைசுவை ((நக்கல் நையாண்டி) உணர்வு இருக்கிறது தல வாழ்த்துகள்....

நக்கல் நையாண்டி - அனைவரிடமும் வராது, நெருக்கமான நண்பர்களிடம் மட்டும்.

by உதயசுதா Wed 1 Feb 2012 - 13:07

சிவா wrote:
உதயசுதா wrote:எம்.எல்.எம் : மாஸ்டர் ஆஃப் லேபர் மானேஜ்மென்ட்
பி.ஜி.டி.சி.ஏ:போஸ்ட் கிராஜூவேட் டிப்ளோமா இன் கம்ப்யூட்டர் இன் அப்ளிகேஷன்

வாவ்....!!! பாராட்டுக்கள் சுதா.

(இதுவரை உங்களை எட்டாம் கிளாஸ் பெயில் என்று நினைத்திருந்தற்கு மன்னித்துக் கொள்ளுங்கள் )

மன்னிக்கனும் சிவா. இதுல பாராட்ட ஒன்றும் இல்லை.இதெல்லாம் விரும்பி படிச்சது இல்லை. என் மாமா துபாயில் இருந்து திரும்பி வந்து என்னை கல்யாணம் பண்ணும் வரை பெத்தவங்ககிட்ட இருந்து தப்பிக்க படிச்சது.ஆனா அந்த படிப்புகளையும் முழுமனதோடு படித்து முதல் வகுப்புல பாஸ் பண்ணி இருக்கேன்.அவ்வளவுதான்

by **சிவா** Wed 1 Feb 2012 - 13:10

உதயசுதா wrote:
மன்னிக்கனும் சிவா. இதுல பாராட்ட ஒன்றும் இல்லை.இதெல்லாம் விரும்பி படிச்சது இல்லை. என் மாமா துபாயில் இருந்து திரும்பி வந்து என்னை கல்யாணம் பண்ணும் வரை பெத்தவங்ககிட்ட இருந்து தப்பிக்க படிச்சது.ஆனா அந்த படிப்புகளையும் முழுமனதோடு படித்து முதல் வகுப்புல பாஸ் பண்ணி இருக்கேன்.அவ்வளவுதான்

திறமையானவர்கள் அனைவரிடமும் இருக்கும் தன்னடக்கம் இதுதான். வாழ்வில் சிறந்தோங்க வழிவகுக்கும் குணம் இது! சூப்பருங்க

by **பிரசன்னா** Wed 1 Feb 2012 - 13:23

சிவா wrote:
பிரசன்னா wrote:
உங்களிடம் நிறயா நகைசுவை ((நக்கல் நையாண்டி) உணர்வு இருக்கிறது தல வாழ்த்துகள்....

நக்கல் நையாண்டி - அனைவரிடமும் வராது, நெருக்கமான நண்பர்களிடம் மட்டும்.

சூப்பர்

அளவான / பக்குவமான நக்கல், நையாண்டி, நகைசுவை உணர்வு அனைவருக்கும் வராது... அதனால் தான் வாழ்த்துகள் என்று சொன்னேன் ... மகிழ்ச்சி

by **பிரசன்னா** Wed 1 Feb 2012 - 13:25

உதயசுதா wrote:
சிவா wrote:
உதயசுதா wrote:எம்.எல்.எம் : மாஸ்டர் ஆஃப் லேபர் மானேஜ்மென்ட்
பி.ஜி.டி.சி.ஏ:போஸ்ட் கிராஜூவேட் டிப்ளோமா இன் கம்ப்யூட்டர் இன் அப்ளிகேஷன்

வாவ்....!!! பாராட்டுக்கள் சுதா.

(இதுவரை உங்களை எட்டாம் கிளாஸ் பெயில் என்று நினைத்திருந்தற்கு மன்னித்துக் கொள்ளுங்கள் )

மன்னிக்கனும் சிவா. இதுல பாராட்ட ஒன்றும் இல்லை.இதெல்லாம் விரும்பி படிச்சது இல்லை. என் மாமா துபாயில் இருந்து திரும்பி வந்து என்னை கல்யாணம் பண்ணும் வரை பெத்தவங்ககிட்ட இருந்து தப்பிக்க படிச்சது.ஆனா அந்த படிப்புகளையும் முழுமனதோடு படித்து முதல் வகுப்புல பாஸ் பண்ணி இருக்கேன்.அவ்வளவுதான்

எதிலும் முதலிடம் தான்... வாழ்த்துகள்...

by Sponsored content

எல்லா நாளும் நல்ல நாளே... தேவையான தகவல்கள்

எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்

Re: எல்லா நாளும் நல்ல நாளே... தேவையான தகவல்கள்