தமிழ் இணையத் தளத்தில் 1472 புத்தகம் பதிவேற்றம்

by **இளமாறன்** Wed Feb 01, 2012 2:42 am

சென்னை, ஜன.30-

கவர்னர் உரையில் கூறி இருப்பதாவது:-

தமிழ்மொழி வளர்ச்சிக்காகவும், தமிழர்களின் தொன்மையான பண்பாட்டைப் பாதுகாக்கவும் இந்த அரசு அனைத்து நடவடிக்கைக ளையும் எடுத்து வருகிறது. தமிழ் மொழியை மத்திய அரசின் ஆட்சி மொழிகளில் ஒன்றாக அறிவிக்க இந்த அரசு தொடர்ந்து வலியுறுத்தும்.

மூத்த தமிழ் அறிஞர்களுக்கு வழங்கப்பட்டு வந்த மாத ஓய்வூதியத்தை முதல்- அமைச்சர் ரூ. ஆயிரத்தில் இருந்து 2 ஆயிரம் என இருமடங்காக உயர்த்தி வழங்கியுள்ளார்கள். முந்தைய ஆளுநர் உரையில் தெரிவித்தவாறே திருக்குறள், தெரிந்தெடுக்கப்பட்ட பாரதியார் மற்றும் பாரதிதாசன் படைப்புகளை சீன மற்றும் அரேபிய மொழிகளில் மொழி பெயர்ப்பு செய்யும் பணிகள் நடைபெற்று வருகின்றன.

சிறந்த தமிழ் அறிஞர்களின் படைப்புகளைப் பாதுகாத்து, அவற்றை அனைவரிடத்தும் கொண்டு செல்லும் வகையில் நாட்டுடைமையாக்கப்பட்ட 1,472 புத்தகங்கள் தமிழ் இணைய பல்கலைக்கழக இணையதளத்தில் இந்த அரசால் பதிவேற்றம் செய்யப்பட்டுள்ளது.

இவ்வாறு அதில் கூறப்பட்டுள்ளது

மாலைமலர்