வடகொரியாவில் செல்போன் பயன்பாட்டுக்கு தடை- 'போர்க்குற்றமாக' அறிவிப்பு!

by **இளமாறன்** Mon Jan 30, 2012 12:36 pm

லண்டன்: வடகொரியா தனது நாட்டுக்குள் செல்போன்களை பயன்படுத்துவதை "போர்க் குற்றமாக" அறிவித்துள்ளது. செல்போன்களை யாராவது பயன்படுத்தினால் போர்க்குற்றவாளியாக கருதி உரிய நடவடிக்கை எடுக்கப்படும் அந்நாடு எச்சரித்துள்ளதாக ஊடக தகவல்கள் வெளியாகியுள்ளன.

எகிப்து, லிபியா, துனிசியா நாடுகளில் நீண்டகாலமாக ஆட்சி நடத்திய அதிபர்களுக்கு எதிராக நிகழ்ந்த கிளர்ச்சி வடகொரியாவில் ஏற்பட்டுவிடக் கூடாது என்பதற்காக இத்தகைய கட்டுப்பாடுகள் விதிக்கப்பட்டுள்ளதாக கூறப்படுகிறது.

வெளிநாடுகளில் உள்ள வடகொரிய அரசுக்கு எதிரான அதிருப்தியாளர்களுக்கு நாட்டில் நடைபெறும் நிகழ்வுகளை எவரும் தகவல் அனுப்பிவிடக் கூடாது என்பதற்காக இத்தகைய தடை விதிக்கப்பட்டுள்ளதாகவும் அச்செய்தியில் கூறப்பட்டுள்ளது.

இதேபோல் நாட்டை விட்டு வெளியேறி தென்கொரியாவில் அடைக்கலம் கோருவோருக்கு வெளியில் இருந்து தகவல்கள் கிடைப்பதையும் தடுக்கும் நோக்கத்தில் வடகொரிய அரசு இந்நடவடிக்கை மேற்கொண்டுள்ளதாகத் தெரிகிறது.

இருப்பினும் அண்டை நாடான சீனாவுக்குள் அகதிகளாக செல்வோரின் எண்ணிக்கை தொடர்ந்து அதிகரித்து வருவதையடுத்து வடகொரிய அரசு இத்தகைய தடையை விதித்துள்ளதாகவும் கூறப்படுகிறது.

தட்ஸ் தமிழ்

by யினியவன் Mon Jan 30, 2012 12:54 pm

இவங்க ந்யூக்ளியர் வெபன்ஸ் பண்றத உலகமே தடை செய்ய துடிக்குது.
இவங்க செல்போன நாட்டுக் குள்ளயே தடை பண்றாங்களா?
இந்த நாட்டு மக்கள் தான் பாவம் - இது போல் சர்வாதிகார அரசின் போக்கினால்.

by **இளமாறன்** Mon Jan 30, 2012 12:57 pm

சர்வாதிகாரம் வெளியே போய் விட கூடாது என்பதர்க்காக தான் சிரி

by யினியவன் Mon Jan 30, 2012 1:00 pm

இப்போதைக்கு சர்வாதிகாரம் போவாது ஆனா சீக்கிரம் சர்வமும் போயிடும்.

by **பிரசன்னா** Mon Jan 30, 2012 1:19 pm

கொலவெறி wrote:இப்போதைக்கு சர்வாதிகாரம் போவாது ஆனா சீக்கிரம் சர்வமும் போயிடும்.

by யினியவன் Mon Jan 30, 2012 4:08 pm

பிரசன்னா wrote:
கொலவெறி wrote:இப்போதைக்கு சர்வாதிகாரம் போவாது ஆனா சீக்கிரம் சர்வமும் போயிடும்.

பிரசன்னா - சர்வாதிகார தலைவர்களின் சர்வமும் போய்விடும் என்று சொன்னேன்.

by **பிரசன்னா** Mon Jan 30, 2012 4:14 pm

கொலவெறி wrote:
பிரசன்னா wrote:
கொலவெறி wrote:இப்போதைக்கு சர்வாதிகாரம் போவாது ஆனா சீக்கிரம் சர்வமும் போயிடும்.

பிரசன்னா - சர்வாதிகார தலைவர்களின் சர்வமும் போய்விடும் என்று சொன்னேன்.

போகட்டும் போகட்டும்... சூப்பருங்க

by மகா பிரபு Mon Jan 30, 2012 5:31 pm

இதுக்கு எல்லா செல் டவரையும் அணைத்துவிட்டால் முடிந்தது அல்லாவா.

by **மாணிக்கம் நடேசன்** Mon Jan 30, 2012 5:53 pm

சீக்கிரம் அந்த நாட்டுக்குள்ளேயே உள் நாட்டு கலவரம் வெடிக்கும்.
சரவாதிகாரம் அடியோடு அழியும்.
இப்படி மைனா ஜோசியம் சொல்லுகிறது..

by **சிவா** Mon Jan 30, 2012 10:02 pm

இந்தச் செய்தியில் ஓரளவே உண்மையுள்ளது. முழுவதுமாக செல்போன் பயன்பாடு தடை செய்யப்படவில்லை. முழுமையாக தடை செய்வதென்றால் செல்போன் நிறுவனங்களின் சேவையை நிறுத்திவிட்டாலே போதுமானதுதானே. ஏன் மக்களை போர்க் குற்றவாளிகளாக்க வேண்டும்.

தீய சக்திகளுடன் மக்கள் தொடர்பு கொண்டால் அவர்கள் போர்க்குற்றவாளிகளாக தண்டிக்கப்படுவார்கள்.

சீனத் தயாரிப்புப் போன் மற்றும் அரசால் அங்கீகரிக்கப்படாத போன்களை மக்கள் பயன்படுத்தப்படக் கூடாது.

செல்போன்களிலிருந்து வெளிநாடுகளுக்குத் தொடர்பு கொள்ளும் சேவை துண்டிக்கப்பட்டுள்ளது.

இதுதான் சரியான செய்தி என நினைக்கிறேன்.