சிவகுமார், சூர்யா, கார்த்தி ரூ 25 லட்சம் நிவாரண நிதி!

**ந.கார்த்தி** · **ந.கார்த்தி** Sun 29 Jan 2012 - 18:27

சென்னை: பிரபல நடிகர் சிவகுமார் மற்றும் அவரது மகன்களும் முன்னணி நடிகர்களுமான சூர்யா மற்றும் கார்த்தி ஆகியோர் முதல்வர் ஜெயலலிதாவிடம் தானே நிவாரண நிதியாக ரூ 25 லட்சம் வழங்கினர்.

தலைமைச் செயலகத்தில் இன்று இந்த நிதியை நேரில் வழங்கினர் சிவகுமார் குடும்பத்தினர்.

தானே புயல் பாதித்த கடலூர் மற்றும் விழுப்புரம் மக்களின் துயர் துடைக்க அனைத்து தரப்பினரும் பெரும் நிதி உதவியை முதல்வர் நிவாரண நிதிக்காக வழங்கிவருகின்றனர். இதுவரை ரூ 53 கோடி அளவுக்கு நிதி வழங்கப்பட்டுள்ளது.

இன்னும் பலர் மனமார உதவி அளித்து வருகிறார்கள். அந்த வகையில், நடிகர் சிவகுமார் குடும்பமும் இன்று ரூ 25 லட்சம் வழங்கியது.

இதுகுறித்து தமிழக அரசு வெளியிட்டுள்ள செய்திக் குறிப்பில், “நடிகர்கள் சிவகுமார், அவரது மகன்கள் நடிகர்கள் சூர்யா மற்றும் கார்த்தி ஆகியோர், தானே புயல் நிவாரண நிதிக்காக ரூ 25 லட்சத்துக்கான காசோலையை இன்று காலை தலைமைச் செயலகத்தில் முதல்வர் ஜெயலலிதாவிடம் வழங்கினர்,” என்று குறிப்பிட்டுள்ளது.
தமிழ் சினிமா

உதயசுதா · உதயசுதா Sun 29 Jan 2012 - 18:29

ஏம்ப்பா தினசரிகளில் தான் இந்த சினிமா காரங்களுக்கு முக்கியத்துவம் கொடுத்து செய்தி போடுராங்கன்னா இங்கயுமா.
இந்த மாதிரி ஒன்றுக்கும் ஆகாத சினிமா செய்திகளை தவிர்த்தால் என்னா?

**பிஜிராமன்** · **பிஜிராமன்** Sun 29 Jan 2012 - 18:44

இதுக்கு பேசாம அந்த தானே புயலே அந்த 25 லசத்த அடிச்சிட்டு போயிருக்கலாம்.........

தம்பி வெங்கி · தம்பி வெங்கி Sun 29 Jan 2012 - 20:24

நண்பரே சிவகுமார் குடும்பத்தினர் குடுத்த 25 லட்சம் பெரிது அல்ல . கோடி வைதிருந்தாலும் மற்றவர்களுக்கு உதவ முன்வர வேண்டும் . அவருக்கு முன்னால் எந்த சினிமா நடிகரும் நிதி கொடுக்கவில்லை என்பது குறிப்பிடதக்கது .

நன்றி
வெங்கடேஷ்

**பிஜிராமன்** · **பிஜிராமன்** Sun 29 Jan 2012 - 20:31

linuxvenky wrote:நண்பரே சிவகுமார் குடும்பத்தினர் குடுத்த 25 லட்சம் பெரிது அல்ல . கோடி வைதிருந்தாலும் மற்றவர்களுக்கு உதவ முன்வர வேண்டும் . அவருக்கு முன்னால் எந்த சினிமா நடிகரும் நிதி கொடுக்கவில்லை என்பது குறிப்பிடதக்கது .

நன்றி
வெங்கடேஷ்

ஆம், நண்பா, எனக்கு அவர்களின் சமூக அக்கறை பற்றி நன்கு தெரியும், அகரம் போன்ற சிறப்பான செயல்களை செய்துகொண்டு வருகின்றனர்.

ஆனால், நம் அரசிடம் இருந்து வரும் நிவாரண உதவிகள் ஏற்கனவே சரியானவர்களை போய் சேருவதில்லை, அப்படி இருக்கும் பொழுது யென் இவர்கள் கொண்டு போயி அவர்களிடம் தருகிறார்கள் அதற்கு இவர்களாகவே நேரடியாக உதைவி செய்யலாமே என்ற ஒரு ஆதங்கம் தான்.