ஆழ்கடலில் மீன்களை தேடிச் செல்ல மீனவர்களுக்கு தடை

நாகப்பட்டினம் : இலங்கை கடற்படையினரால், தமிழக மீனவர்கள் சிறை பிடிக்கப்படும் நிலை தொடர்வதால், கடலில் மீன்பிடிக்கச் செல்லும் மீனவர்களுக்கு கட்டுப்பாடு விதிக்கப்பட்டுள்ளது. இதனால், மீனவர்கள் அதிர்ச்சி அடைந்துள்ளனர். தமிழக மீனவர்கள் மீது, இலங்கை கடற்படை நடத்தும் தாக்குதல் மற்றும் சிறைபிடிப்பு, சமீப காலமாக தொடர்கதையாக உள்ளது. கடந்த 24ம் தேதி, தமிழக மீனவர்களின் படகுகளைச் சுற்றி வளைத்த இலங்கை கடற்படையினர், ஆறு படகுகளையும் அதிலிருந்த, 43 மீனவர்களையும் பிடித்துச் சென்றனர். மத்திய, மாநில அரசுகளின் வலியுறுத்தலால், 6 படகுகளும், 43 மீனவர்களும் விடுதலை செய்யப்பட்டனர். அவர்கள், நேற்று முன்தினம் இரவு, நாகை திரும்பினர்.

இலங்கை கடற்படையினரின் நடவடிக்கையால், அதிர்ச்சியடைந்துள்ள நாகை அக்கரைப்பேட்டை கிராம மீனவர்கள், நேற்று முன்தினம் இரவு கூட்டம் நடத்தினர். இதில், மீனவர்கள் மீன்களை தேடி ஆழ்கடல் பகுதிக்குப் செல்லும் போது, இலங்கை கடற்படையினரின் தாக்குதலுக்கு ஆளாவதோடு, எல்லை தாண்டுகிறார்கள் என்ற குற்றச்சாட்டும் எழுகிறது. எனவே, மீனவர்கள் மீன்களை தேடி கடலில் நீண்ட தூரம் செல்லக் கூடாது. மீறி செல்லும் படகுகளுக்கு, கடலில் மீன்பிடிக்க ஒரு வாரம் தடை விதிப்பதோடு, படகு உரிமையாளர், ஒரு லட்ச ரூபாய் அபராதம் செலுத்த வேண்டும் என்று, கூட்டத்தில் எச்சரிக்கப்பட்டுள்ளது. இதனால், மீன்பிடித் தொழில் கேள்விக்குறியாக மாறும் நிலை ஏற்படும் என்பதால், மீனவர்கள் அதிர்ச்சி அடைந்துள்ளனர்.

தினமலர்

தினமலர் ஒரு புரளி பத்திரிக்கை, இது அநியாயமான செய்தி. உண்மையா என்று பொருத்திருந்து பார்ப்போம். இல்லைன்னா

அசுரன் wrote:தினமலர் ஒரு புரளி பத்திரிக்கை, இது அநியாயமான செய்தி. உண்மையா என்று பொருத்திருந்து பார்ப்போம். இல்லைன்னா

எந்த பத்திரிக்கை நடுநிலைமையோடு செய்தி வெளியிடுகிறது ???

இளமாறன் wrote:

அசுரன் wrote:தினமலர் ஒரு புரளி பத்திரிக்கை, இது அநியாயமான செய்தி. உண்மையா என்று பொருத்திருந்து பார்ப்போம். இல்லைன்னா

எந்த பத்திரிக்கை நடுநிலைமையோடு செய்தி வெளியிடுகிறது ???

உண்மைதான். எல்லாருமே ப்ராடுகள்