சென்னை அருகே வாயு கசிவினால் பலர் பாதிப்பு

**இளமாறன்** · **இளமாறன்** Mon Jan 30, 2012 12:29 am

சென்னை: சென்னையில் உர தொழிற்சாலையில் இருந்து வெளியேறிய விஷவாயுவினால் பரபரப்பு ஏற்பட்டது. சென்னை எண்ணூர் அருகே தனியார் உர தொழிற்சாலை உள்ளது. இத்தொழிற்சாலையிலிருந்து இன்று திடீரென விஷ வாயு கசிவு ஏற்பட்டதாக கூறப்படுகிறது. இதனால் இப்பகுதி வாசிகள், பீதியடைந்தனர். மேலும் அவர்களுக்கு கண்எரிச்சல் , மூச்சு திணறல் ஏற்பட்டதாகவும் கூறப்படுகிறது. விஷவாயு கசிவு குறித்து உரிய நேரத்தில் தகவல் தெரிவிக்கப்பட்டதால், நிலைமை கட்டுப்படுத்தப்பட்டுள்ளதாக தகவல்கள் தெரிவிக்கின்றன.

தினமலர்

அசுரன் · அசுரன் Mon Jan 30, 2012 12:30 am

ஐய்யோ இது எப்போ? மணலி ஆபத்தான பகுதியாச்சே MFL

**இளமாறன்** · **இளமாறன்** Mon Jan 30, 2012 12:58 am

அசுரன் wrote:ஐய்யோ இது எப்போ? மணலி ஆபத்தான பகுதியாச்சே MFL

இன்று வந்த செய்தி தான் அசுரன் சோகம்

**இளமாறன்** · **இளமாறன்** Mon Jan 30, 2012 1:31 am

திருவொற்றியூர், ஜன. 29-

எண்ணூர் கடற்கரை விரைவுச்சாலையில் சின்ன குப்பம் அருகே தனியாருக்கு சொந்தமான உரத் தொழிற்சாலை உள்ளது.

இந்த உரத் தொழிற்சாலையிலிருந்து இன்று காலை 11 மணியளவில் அம்மோனியா நெடியுடன் கலந்த புகை அளவுக்கதிகமாக வெளியேறியது. இந்த வாயு கசிவால் எண்ணூர் கத்திவாக்கம் பஜார், நேரு நகர், சிவன்படை வீதி உள்ளிட்ட பகுதிகளில் தெருக்களில் நடந்து சென்று கொண்டிருந்த பொதுமக்களுக்கு கண் எரிச்சல் ஏற்பட்டது.

வயதானவர்கள், நோயாளிகள், சிறியோர்களுக்கும் மூச்சு திணறல் ஏற்பட்டது. உடனடியாக வீட்டிற்குள் சென்று முகத்தில் ஈரத்துணியை கட்டிக் கொண்டு ஜன்னல் கதவுகளை மூடிவிட்டு பாதுகாப்பாக வீட்டிற்குள் இருந்தனர்.

தொடர்ந்து நெடி அதிகமாக வரவே பயந்துபோன பொதுமக்கள் தொழிற்சாலை நிர்வாகத்திற்கு தகவல் கொடுத்தனர். இதனையடுத்து தொழிற்சாலை நிர்வாகம் உடனடியாக செயல்பட்டு புகையின் அளவை குறைத்தனர். இதனையடுத்து சகஜ நிலைக்கு திரும்பியது.

அடிக்கடி இதுபோன்று தொழிற்சாலையிலிருந்து வெளியேறும் அம்மோனியா நெடியுடன் வரும் புகையினால் மூச்சுதிணறல், கண் எரிச்சல் போன்றவை ஏற்படுகிறது. இதனை நிரந்தரமாக தடுக்க தொழிற்சாலை நிர்வாகமும் அரசும் நடவடிக்கை எடுக்க வேண்டு மென அப்பகுதி மக்கள் அரசுக்கு கோரிக்கை விடுத்துள்ளனர்.
மாலைமலர்

Sponsored content · Sponsored content

சென்னை அருகே வாயு கசிவினால் பலர் பாதிப்பு

சென்னை அருகே வாயு கசிவினால் பலர் பாதிப்பு

Re: சென்னை அருகே வாயு கசிவினால் பலர் பாதிப்பு

Re: சென்னை அருகே வாயு கசிவினால் பலர் பாதிப்பு

Re: சென்னை அருகே வாயு கசிவினால் பலர் பாதிப்பு

Re: சென்னை அருகே வாயு கசிவினால் பலர் பாதிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக