முகாமில் தமிழர்கள் அவதி: இலங்கை அரசுக்கு ஐ.நா. எச்சரிக்கை

மீனு · மீனு Thu 1 Oct 2009 - 0:30

வவுனியா முகாம்களில் உள்ள தமிழர்களை விரைவில் மீண்டும் குடியமர்த்தா விடில் விபரீதம் ஏற்படும் என இலங்கை அரசு¢க்கு ஐ.நா. எச்சரிக்கை விடுத்துள்ளது. நியூயார்க்கில் நடைபெறும் ஐ.நா. சபை கூட்டத்தில் இலங்கை பிரதமர் ரட்ணஸ்ரீ விக்கிரம நாயக்கா கலந்து கொண்டார். அப்போது அவர் ஐ.நா. சபை பொதுச் செயலாளர் பான்-கி-மூனை சந்தித்து பேசினார்.

அப்போது போரின் போது இடம் பெயர்ந்து வவுனியா முகாம்களில் அடைத்து வைக்கப்பட்டுள்ள 3 லட்சம் தமிழர்கள் குறித்து விவாதிக்கப்பட்டது.

அப்போது முகாம்களில் உள்ள தமிழர்களை மீண்டும் அவர்களின் சொந்த ஊர் களில் குடியேற்றுவது துரிதப்படுத்த வேண்டும் என்பதை ஐ.நா. பொதுச் செயலாளர் பான்கி மூன் வலியுறுத்தினார்.

அவர்களின் குடியேற்றத்தை அரசு தவறும் பட்சத்தில் முகாம்களில் மோசமான நிலைமை ஏற்படும். இதனால் அவர்கள் மேலும் அதிகரித்து கசப்புணர்வு ஏற்பட்டு விபரீத விளைவுகள் ஏற்படும் எனவும் எச்சரிக்கை விடுத்தார்.

மழைக்காலம் வருவதால் அதற்கு முன்னதாக இந்த பிரச்சினைக்கு தீர்வு காண்பது அவசியம் என்றும், வலியுறுத்தினர். வடபகுதி மக்களின் நம் பிக்கையை பெற்றுக்கொள்வது முக்கியம். இதனை பெற தவறினால் நல்லெண்ணத்தை உருவாக்கும் முயற்சிகளில் பாதிப்பு ஏற்படும் என்றும் கூறினார்.

இதற்கு பதில் அளித்த பிரதமர் ரட்ணஸ்ரீ விக்கிரம நாயக்க “அரசு ஏற்கனவே உறுதியளித்தப்படி முகாம்களில் உள்ள இடம் பெயர்ந்த மக்கள் அனைவரும் மீண்டும் குடியமர்த்தப்படுவார்கள் என உறுதி அளித்தார். இதற்கு வெளிநாட்டு உதவிகள் தேவை, என்றும் அவர் தெரிவித்தார்

**சிவா** · **சிவா** Thu 1 Oct 2009 - 0:31

மீனு wrote:
அவர்களின் குடியேற்றத்தை அரசு தவறும் பட்சத்தில் முகாம்களில் மோசமான நிலைமை ஏற்படும். இதனால் அவர்கள் மேலும் அதிகரித்து கசப்புணர்வு ஏற்பட்டு விபரீத விளைவுகள் ஏற்படும் எனவும் எச்சரிக்கை விடுத்தார்.