பிச்சை எடுத்து ஆசிரியைக்கு படிக்க விரும்பும் பெண்!!

by முஹைதீன் Sun Jan 29, 2012 1:51 pm

பிச்சை எடுத்து ஆசிரியைக்கு படிக்க விரும்பும் பெண்!!

எதிர்காலத்தில் ஆசிரியையாக வேண்டும் என்ற லட்சியம் கொண்ட இளம்பெண், கேரளாவில் சுற்றுலா பயணிகளிடம் பிச்சை எடுத்து வருகிறார்.

ஆந்திர மாநிலம் புட்டபர்த்தியைச் சேர்ந்தவர் நரசிம்மலு. கட்டடத்
தொழிலாளி. இவரது மனைவி ரஞ்சனம்மா. உடல் நலக்குறைவால் சிகிச்சை பெற்று
வருகிறார். இத்தம்பதியருக்கு மூன்று மகள்கள். இவர்களில் இருவருக்கு
திருமணமாகி விட்டது. மூன்றாவது மகள் சிராவணா, 17. பிளஸ் 2 தேர்வில்
1000த்திற்கு 752 மதிப்பெண் பெற்றுள்ள இவர், ஆசிரியையாக விரும்பினார்.

ஆனால், கட்டடத் தொழிலாளியான அவரது தந்தை வேலைக்குச் செல்லாமல்,
நோயாளி மனைவியை கவனித்து வருகிறார். சிராவணாவை படிக்க வைக்க அவரது
பெற்றோரால் முடியவில்லை. இதையடுத்து அவர் அதே பகுதியைச் சேர்ந்த கங்கலுப்பா
என்ற வாலிபருடன், கேரள மாநிலம் ஆலப்புழாவுக்கு பத்து நாட்களுக்கு முன்
வந்தார். அங்கு கடற்கரையோரம் ஒரு குடிசையில் தங்கி, அங்கு வரும் சுற்றுலா
பயணிகள் உட்பட பலரிடம் பிச்சை எடுத்து வருகிறார்.

அவர் ஆலப்புழா அரசு மருத்துவமனை முன் பிச்சை எடுக்கும்போது, சமூக
ஆர்வலர் ஒருவர் இது குறித்து போலீசுக்கு தகவல் கொடுத்தார். போலீசார்
விரைந்து வந்து, அவரை பிடித்துச் சென்று மகளிர் இல்லத்தில் கொண்டு
சேர்த்தனர்.

ஆங்கிலம் மற்றும் தெலுங்கில் சரளமாக பேசத் தெரிந்த சிராவணா கூறியதாவது:
பிளஸ் 2 தேர்வில், அதிக மதிப்பெண் பெற்று தேர்ச்சிபெற்றாலும், முதலில்
நர்சிங் படிக்க விரும்பினேன். ஆனால், இடது தோளில் உள்ள பிரச்னை காரணமாக,
அக்கல்வியை தவிர்த்து விட்டு, ஆசிரியை கல்வி கற்க விரும்பினேன்.

ஆனால், ஆசிரியை பணி என்பது எளிதானது அல்ல என்பதை உணர்ந்தேன். எனது
சொந்த ஊரில் இருந்து கங்கலுப்பா என்பவருடன் இங்கு வந்தேன். அவரும் இங்கு
பிச்சை எடுத்து வருகிறார். கடற்கரையோரம் ஆந்திராவைச் சேர்ந்த சிலர் தங்கி
உள்ளனர். அவர்களுடன் நானும் தங்கியிருந்தேன்.

சில ஆண்டுகளுக்கு முன் என் தந்தையுடன் இங்கு வந்துள்ளேன். அப்போது
அவர் இங்கு கட்டடத் தொழிலாளியாக வேலை பார்த்தார். ஒன்பது நாட்கள் பிச்சை
எடுத்ததில் 2,834 ரூபாய் கிடைத்தது. இந்த பணத்தை சேகரித்து மேற்கொண்டு
படிக்க முயற்சிப்பேன்' என்றார்.
http://viyapu.com/news_detail.php?cid=5403

by யினியவன் Sun Jan 29, 2012 2:00 pm

அறிவுப் பசி அடங்க பிச்சை எடுக்கும் பெண்ணின் முயற்சி பாராட்ட தக்கது.

ஆனால் தனி ஒருவனுக்கு உணவில்லையெனில் ஜகத்தினை அழித்திடுவோம்ன்னு சொன்னான் பாரதி அன்று - இன்றோ கல்வி வேண்டி பிச்சை எடுக்கும் நிலை தானன்றோ வேதனை தருவது.

by **இளமாறன்** Sun Jan 29, 2012 2:02 pm

ஒன்பது நாட்கள் பிச்சை
எடுத்ததில் 2,834 ரூபாய் கிடைத்தது. இந்த பணத்தை சேகரித்து மேற்கொண்டு
படிக்க முயற்சிப்பேன்' என்றார்.

முயற்சி பாராட்டத்தக்கது படியுங்கள் சூப்பருங்க

by அசுரன் Sun Jan 29, 2012 2:10 pm

கொலவெறி wrote:அறிவுப் பசி அடங்க பிச்சை எடுக்கும் பெண்ணின் முயற்சி பாராட்ட தக்கது.

ஆனால் தனி ஒருவனுக்கு உணவில்லையெனில் ஜகத்தினை அழித்திடுவோம்ன்னு சொன்னான் பாரதி அன்று - இன்றோ கல்வி வேண்டி பிச்சை எடுக்கும் நிலை தானன்றோ வேதனை தருவது.

அனைவருக்கும் உணவு சட்டம், அனைவருக்கும் கல்வி சட்டம் போடுற புண்ணியவான்க அது செயல்படுதான்னு பார்க்க மாட்டானுங்களா? எல்லா சட்டமும் ஏட்டளவில்... ஆனால வருவான வரித்துறை மட்டும் சரியா வேலைய செஞ்சி நாலனா எட்டணா வாங்குறவங்க கிட்ட விற்பனை வழியாகவும், 10000 20000 சம்பாதிப்பவர்களிடம் தொழிலாளர் (Employer) மூலமாகவும் வரியை சரியா வசூலித்து தங்கள் டப்பாக்களை நிரப்பிக்கிறாங்க.

இந்த பெண்ணின் முயற்சி பாராட்டுதலுக்கு உரியது.

by பது Sun Jan 29, 2012 2:16 pm

இலங்கையில் இந்தப்பெண் இருந்திருந்தா இலவசமாகவே படிச்சிருக்கும் ஏன்னா இலங்கயில் இலவசகல்வி அமுலில் உள்ளது முயற்சி வெற்றி அளிக்கும் கடவுளை பிரார்த்திக்கிறேன்

by **ந.கார்த்தி** Sun Jan 29, 2012 2:17 pm

by யினியவன் Sun Jan 29, 2012 2:17 pm

அசுரன் wrote:
கொலவெறி wrote:அறிவுப் பசி அடங்க பிச்சை எடுக்கும் பெண்ணின் முயற்சி பாராட்ட தக்கது.

ஆனால் தனி ஒருவனுக்கு உணவில்லையெனில் ஜகத்தினை அழித்திடுவோம்ன்னு சொன்னான் பாரதி அன்று - இன்றோ கல்வி வேண்டி பிச்சை எடுக்கும் நிலை தானன்றோ வேதனை தருவது.
அனைவருக்கும் உணவு சட்டம், அனைவருக்கும் கல்வி சட்டம் போடுற புண்ணியவான்க அது செயல்படுதான்னு பார்க்க மாட்டானுங்களா? எல்லா சட்டமும் ஏட்டளவில்... ஆனால வருவான வரித்துறை மட்டும் சரியா வேலைய செஞ்சி நாலனா எட்டணா வாங்குறவங்க கிட்ட விற்பனை வழியாகவும், 10000 20000 சம்பாதிப்பவர்களிடம் தொழிலாளர் (Employer) மூலமாகவும் வரியை சரியா வசூலித்து தங்கள் டப்பாக்களை நிரப்பிக்கிறாங்க.

இந்த பெண்ணின் முயற்சி பாராட்டுதலுக்கு உரியது.

சட்டம் கொண்டுவர நினைப்பவனை
கட்டம் கட்டி வெளியேற்றி விடுவார்களே
கிராதக ஓட்டுப் பிச்சை எடுத்து வயிறு வளர்க்கும்
பதவி மோகக் கயவர்கள் கூட்டம்.

by Sponsored content

பிச்சை எடுத்து ஆசிரியைக்கு படிக்க விரும்பும் பெண்!!

பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!

Re: பிச்சை எடுத்து ஆசிரியைக்கு படிக்க விரும்பும் பெண்!!