புலவர் காளமேகத்தின் திறமை

by அசுரன் Sun 29 Jan 2012 - 13:16

முகநூலில் நண்பர் பகிர்ந்தது

தமிழின் "க' என்ற எழுத்து வரி மட்டுமே கொண்ட பாடலை காளமேகத்தைப் பாடச்சொல்ல, காளமேகம் காண்பவர் ஆச்சர்யப்பட, பாடலை அருவியெனக் கொட்டுகிறார்.

காக்கைக்கா காகூகை கூகைக்கா காகாக்கை
கோக்குக்கூ காக்கைக்குக் கொக்கொக்க - கைக்கைக்குக்
காக்கைக்குக் கைக்கைக்கா கா.

(கூகை - ஆந்தை. காக்கையானது பகலில் கூகையை (ஆந்தையை) வெல்ல முடியும். கூகையானது இரவில் காக்கையை வெல்லமுடியும். கோ எனும் அரசன் பகைவரிடத்திலிருந்து தம் நாட்டை இரவில் ஆந்தையைப் போலவும், பகலில் காக்கையைப் போலவும் காக்கவேண்டும். எதிரியின் பலவீனமறிந்து, கொக்கு காத்திருப்பது போல தக்க நேரம் வரும் காத்திருந்து தாக்க வேண்டும். தகுதியற்ற காலம் எனில் தகுதியான அரசனுக்குக் கூட (கைக்கு ஐக்கு ஆகா) கையாலாகிவிடக்கூடும்).

அதே போல 'த' எனும் எழுத்து வரிசை மட்டும் கொண்ட பாடலை ஒருவர் பாடச் சொல்கிறார். கார்மேகமானது கொட்டும் மழையைப் போல பாடலைக் கொட்டுகின்றார் காளமேகம்.

தத்தித்தா தூதுதி தாதூதித் தத்துதி
துத்தித் துதைதி துதைதத்தா தாதுதி
தித்தித்த தித்தித்த தாதெது தித்தித்த
தெத்தாதோ தித்தித்த தாது?

தத்தி தாவி பூவிலிருக்கும் தாதுவாகிய மகரந்தத் தூளை திண்ணும் வண்டே, ஒரு பூவினுள் உள்ள தாதுவை உண்ட பின் மீண்டும் ஒரு பூவினுக்குள் சென்று தாதெடுத்து உண்ணுகிறாய், உனக்கு (எத்தாது) எந்தப் பூவிலுள்ள தேன் (இனித்தது) தித்தித்தது?) என்னே அழகிய விதத்தில் பாடியுள்ளார்?!

by **ந.கார்த்தி** Sun 29 Jan 2012 - 13:18

அருமை பகிர்வுக்கு நன்றி அண்ணா

by **பிஜிராமன்** Sun 29 Jan 2012 - 13:28

முதல் la இருக்குற செயுலா ஏற்கனவே படிச்சிருக்கேன்.....ஆனா ரெண்டாவது செய்யுள், தலை சுத்த வைகிதூ........எவ்ளோ பெரிய புலவர்.....ஆத்தாடி ஆத்தி......மேலும் தகவலை மின்சாரம் தடை பட்டு வந்த பின் கூறுகிறேன் சார்....

by சதாசிவம் Sun 29 Jan 2012 - 13:38

அருமையான தகவல்.
தமிழின் தனித்தன்மையை, சிறப்பை உணர்த்த இந்த சில பாடல்களே போதும்.

சூப்பருங்க

by அசுரன் Sun 29 Jan 2012 - 13:50

சதாசிவம் wrote:அருமையான தகவல்.
தமிழின் தனித்தன்மையை, சிறப்பை உணர்த்த இந்த சில பாடல்களே போதும்.

மிக்க நன்றி சதாசிவம்

by சார்லஸ் mc Sun 29 Jan 2012 - 16:19

இந்த பாடலை சிறு வயதில‌ேய‌ே எனது தமிழாசிாியா் மதலை முத்த அவா்கள் சொல்லி தந்ததை நினைவுபடத்தி விட்டீா்கள். காலையில் எழுந்ததும் 10 வாய்விட்டு திக்குவாய் குறைபாடு உள்ளவா்கள் சொல்ல வ‌ேண்டும் என 2 ஆம் வகுப்பில் படித்த போதே (பீலா விடாதீங்க... என நினைப்பது பூிகிறது. சிலஃபஸ் இல்லையென்றாலும்... பொது அறிவுக்கு சொல்வது சாாின் வ‌ேலை) சொன்னது நினைவுக்கு வருகிறது. அதை மீண்டும் நினைக்கும்படி செய்த உங்களுக்கு என்நன்றிகள். புலவர் காளமேகத்தின் திறமை 678642

by **பிஜிராமன்** Sun 29 Jan 2012 - 16:22

சதாசிவம் ஐயா, கூறியது போல், தமிழின் சிறப்பிற்கும் தமிழறிஞர்களின் உயர்ந்த எண்ணத்திற்கும் இவையே உதாரணங்கள்........

மிக்க நன்றிகள் சார்.........அருமையான பகிர்வு........ மகிழ்ச்சி