முத்து

கார்த்தி · கார்த்தி Thu 3 Jan 2013 - 15:59

உங்களிடம் ஒரு கேள்வி. முத்து எங்கே பிறக்கும்.இது கூடத் தெரியாதா ? முத்து சிப்பியில் பிறக்கும்.சிப்பி கடலிலே கிடைக்கும். உண்மைதான். முத்து கடலில்தான் கிடைக்கும்.ஆனால் வேறு சில இடங்களிலும் முத்துகள் பிறக்கின்றன என்பது உங்களுக்குத் தெரியுமா ? ஆம் , கரும்பு, மூங்கில், யானைத் தந்தம், தேங்காய், காட்டுப்பன்றியின் கோடு போன்றவைகளிலும் முத்துகள் பிறக்கின்றன.இதில் யானை தந்தத்தில் பிறக்கின்ற முத்துகள் ஆனைமுத்து ,வேழமுத்து என்று அழைக்கப்படுகின்றது. ஆனைமுத்து யானையின் தந்ததுக்குள்ளும் தோன்றும்;ஆனைமுத்து யானையின் கடைவாய்ப் பல்லிலும் தோன்றும். வெள்ளி மற்றும் செப்புக்கலான மோதிரங்களில் பதிக்க ஆணைமுத்தைப் பயன்படுத்துவார்கள்.சங்க இலக்கியங்கள் கூட ஆனைமுத்துத் தொடர்புடை செய்திகள் கொட்டிக்கிடக்கின்றன. திருமுருகாற்றுப்படையில் நக்கீரர் குறிஞ்சி நிலத்தைப் பற்றிக் கூறும் பொழுது ''முத்துடை வான்கோடு தழீஇத் தத்துற்று'' என கூறியிருப்பார்.அதன் பொருள் முத்து உடை யானையில் தந்தம் அருவியில் மிதந்து வந்தது என்பதாகும்.

முத்து Sdsdfai