திருப்பெயர் மோசடிகள்

**சாமி** · **சாமி** Sat Jan 28, 2012 8:57 am

First topic message reminder :

“திருத்தவத்துறைக்கு ஒரு சீட்டு கொடுப்பா” பேருந்தில் ஒரு தமிழ்க்குரல் தனியே ஒலித்தது.
“அந்த ஊருக்கு எல்லாம் இந்த வண்டி போகாதுங்க, இறங்குங்க கீழே!” திருச்சி பேருந்து நிலையத்தில் புறப்பட்டுக்கொண்டிருந்த ஒரு பேருந்தின் நடத்துனர் அலுத்துக்கொண்டார்.
“பெயர்பலகையில் லால்குடி என்று போட்டிருக்கிறதே”
“ஆமாம், லால்குடிக்கு போகும்”
“லால்குடிதான் திருத்தவத்துறை”
:அதெல்லாம் எனக்குத்தெரியாது. லால்குடின்னு தமிழ்ல சொல்ல வேண்டியதுதானே. அதைவிட்டுட்டு எதையெதையோ சொல்லிக்கிட்டு. ஏறுங்க! ஏறுங்க!
இந்தக்கூத்திற்கு என்ன சொல்ல? லால்குடி என்பது தமிழாம். திருத்தவத்துறை தமிழில்லையாம். இந்த நடத்துனரைக் குற்றம் சொல்வதற்கில்லை. நம்முடைய தமிழ்ப்பெயர்களெல்லாம் மெல்ல மெல்ல மறைந்து கொண்டிருக்கின்றன.
அவை எங்கே மறைந்தன?
நாம் அவற்றை மறக்கடிக்கச் செய்யப்பட்டோம்.
ஆம்!
வந்தேறிய வடமொழி வெறியர்கள் அரச செல்வாக்கினைப்பெற்று ஆலயங்களில் வீற்றிருக்கும் ஆண்டவனின் தூய தமிழ்ப்பெயர்களையே மாற்றி அமைத்தபோது ஊர்களின் பெயர் எம்மாத்திரம்?
திரு என்ற தமிழ்ச்சொல் மிகமேன்மையானது. திரு என்றால் “கண்டாரால் விரும்பப்படும் தெய்வத்தன்மை” என்று தொல்காப்பிய உரையாசிரியரான பேராசிரியர் கூறுகிறார். அதை எடுத்து விட்டு இப்போது எல்லா தலப்பெயர்களிலும் ஸ்ரீ என்று சேர்க்கிறோம். ஸ்ரீ (சிறீ) என்பது ‘திரு’ என்ற சொல்லிற்கு ஒப்பானதும் அல்ல; அதைவிட உயர்ந்ததும் அல்ல. “திரு” வை எடுத்து ஸ்ரீயைச்சேர்த்தால் சிரிக்கத்தான் தோன்றுகிறது.
9ஆம் நூற்றாண்டிற்கும் 15 ஆம் நூற்றாண்டிற்கும் இடையிலுள்ள காலத்தேதான் தலப்பெயர், சுவாமி பெயர், தேவிப் பெயர் பலவும் வடமொழியில் ஏற்பட்டுப்பின்னர் வழக்கிலும், நூல்களிலும் ஆளப்பட்டு வரலாயின.
தமிழ்ப்பெயர் = வடமொழிப்பெயர்
மறைக்காடு = வேதாரணியம்
முதுகுன்றம் = விருத்தாசலம்
ஆனைக்கா = கஜாரணியம்
தேன்மொழிப்பாவை = மதுரவசனாம்பிகை
திருவிடைமருதூர் = மத்தியார்ச்சுனம்
சொக்கநாதர் = சோமசுந்தரர்
அங்கயற்கண்ணி = மீனாட்சி
தில்லை = சிதம்பரம்
கூத்தரசர் = நடராசர்
ஆட்சிகொண்டநாதர் = பார்க்கபுரேஸ்வரர்
இளங்கிள்ளையம்மை = பாலசுகாம்பிகை (சுகம்=கிளி)
புற்றிடங்கொண்டார் = வன்மீகநாதர்
இருந்தாடழகர் = தியாகராயர்
ஆடானை நாதர் = அஜகஜேசுவரர்
அன்பாயியம்மை = சினேகவல்லி
திரு ஆக்கூர் = கஸ்யபுரம்
தான் தோன்றீசர் = சுயம்புநாதர்
வாளரங்கண்ணி = கட்கார நேத்திரி
அழகியர் = சுந்தரேசர்
அழகாம்பிகை = சுந்தராம்பிகை
பூங்குழலம்மை = சுகுந்த குந்தளாம்பிகை
அண்ணாமலையார் = அருணாசலேஸ்வரர்
உண்ணாமுலையம்மை = அபிதகுஜாம்பாள்
திருபெரும்புதூர் = ஸ்ரீபெரும்புதூர்
திருவரங்கம் = ஸ்ரீரங்கம்

இன்னும் எத்தனை எத்தனையோ!
மேலே கொடுக்கப்பட்ட சில பெயர்களிலே, தமிழ்ப் பெயர்களை உச்சரிக்கும்போது ஏற்படும் இயல்பான உணர்வும், நெகிழ்ச்சியும் வடமொழிப்பெயர்களில் இல்லை என்பது நடுநின்று ஆய்வார்க்கு நன்கு தெரியும்.

ஆனால் அபிதகுஜாம்பாள் என்று அர்ச்சனைக்குச் சங்கல்பம் செய்யும்போது அர்ச்சகர்கள் தங்கள் பிடிவாதத்தைக் கைவிட்டு எப்போது உண்ணாமுலையம்மை என்று சொல்லப்போகிறார்கள்?
சிதம்பரம் மறுபடியும் தில்லையாவது எப்போது?
ஸ்ரீரங்கம் மறுபடியும் திருவரங்கமாவது எப்போது?
விருத்தாசலம் முதுகுன்றமாவது எப்போது?
தூங்குகிறவன் தொடையில்தான் கயிறு திரிப்பார்கள் என்பார்கள். அப்படியானால் தமிழர்கள் தூங்கிக் கொண்டுதான் இருக்கிறார்களா?. அடப்பாவமே! இவர்கள் விழிப்படைவது எப்போது?
அதுவரை அவனருளாலே அவன் தாள் வணங்கி வேண்டுவோம்.
தமிழ்ச்சங்கம் கண்ட பெருமானே!
வேண்டத்தக்கது அறிவோய் நீ!
வேண்ட முழுதும் தருவோய் நீ!
( நன்றி : மு.பெ.ச அவர்கள் எழுதிய “ தமிழ் வேள்வி “ புத்தகம் ).

**பிஜிராமன்** · **பிஜிராமன்** Sat Jan 28, 2012 11:02 am

மகா பிரபு wrote:நன்றி சாமி. அதுபோல லால்குடி அருகே உள்ள கல்லக்குடி என்ற ஊர் தற்சமயம் டால்மியாபுரம் என்று மாறிவிட்டது.

டல்மியா கும் அந்த ஊருக்கும் என்ன சம்பந்தம் நா.......ஏதாச்சும் சிமெண்ட் ஃபேக்டரி இருக்கா.........

மகா பிரபு · மகா பிரபு Sat Jan 28, 2012 11:06 am

பிஜிராமன் wrote:
மகா பிரபு wrote:நன்றி சாமி. அதுபோல லால்குடி அருகே உள்ள கல்லக்குடி என்ற ஊர் தற்சமயம் டால்மியாபுரம் என்று மாறிவிட்டது.

டல்மியா கும் அந்த ஊருக்கும் என்ன சம்பந்தம் நா.......ஏதாச்சும் சிமெண்ட் ஃபேக்டரி இருக்கா.........

அதே தான். டால்மியா சிமென்ட். கலைஞர் பெயர் எடுத்ததே இந்த ஊரின் பெயரை மாற்ற தண்டவாளத்தில் தலை வைத்து போரடியததால் தான்.

**பிஜிராமன்** · **பிஜிராமன்** Sat Jan 28, 2012 11:09 am

அதே தான். டால்மியா சிமென்ட். கலைஞர் பெயர் எடுத்ததே இந்த ஊரின் பெயரை மாற்ற தண்டவாளத்தில் தலை வைத்து போரடியததால் தான்.

ஓ இவ்வளவு நடந்திருக்கா.............நம்ம ஆளுங்க, ஏதாச்சும் ஒண்ணா நிறைவேத்திக்க, ஊரு பேர மாத்தி, மத்தவன் பேர வைக்கிறது.......ரோட்டுக்கு பேரு வைக்கிறது............எல்லாம், தமிழர்களின் தலை எழுத்து தான்......

மகா பிரபு · மகா பிரபு Sat Jan 28, 2012 11:12 am

பிஜிராமன் wrote:
அதே தான். டால்மியா சிமென்ட். கலைஞர் பெயர் எடுத்ததே இந்த ஊரின் பெயரை மாற்ற தண்டவாளத்தில் தலை வைத்து போரடியததால் தான்.

ஓ இவ்வளவு நடந்திருக்கா.............நம்ம ஆளுங்க, ஏதாச்சும் ஒண்ணா நிறைவேத்திக்க, ஊரு பேர மாத்தி, மத்தவன் பேர வைக்கிறது.......ரோட்டுக்கு பேரு வைக்கிறது............எல்லாம், தமிழர்களின் தலை எழுத்து தான்......

உண்மைதான். பெயர் மாற்றுவது நமக்கு கைவந்த கலை.

**பிஜிராமன்** · **பிஜிராமன்** Sat Jan 28, 2012 11:15 am

உண்மைதான். பெயர் மாற்றுவது நமக்கு கைவந்த கலை.

அப்றம், இவ்வளவு வருஷம் தமிழ் நாட்டுல இருந்து, என்னத்த மாத்தூநானு கேட்டா.......இதை எல்லாம் சொல்லலாம்லா, வரலாறு மிக முக்கியம் அமைச்சரே........

**இளமாறன்** · **இளமாறன்** Sat Jan 28, 2012 1:01 pm

இப்படி பார்த்தால் நிறைய ஊர்களின் பெயர்கள் தமிழ் என்று வராது போல் இருக்கிறதே ... இன்னும் 20 வருடத்தில் தமிழ் இன்னும் மறக்கடிக்கபடும் என்ன கொடுமை சார் இது

**சாமி** · **சாமி** Sat Jan 28, 2012 4:08 pm

நன்றி நண்பரே. உங்களது படைப்புகளைப் படித்திருக்கிறேன். மிகவும் அருமையாக உள்ளது.
சாமி

ஆரூரன் · ஆரூரன் Sat Oct 20, 2012 12:35 pm

சாமி wrote: திரு என்ற தமிழ்ச்சொல் மிகமேன்மையானது. திரு என்றால் “கண்டாரால் விரும்பப்படும் தெய்வத்தன்மை” என்று தொல்காப்பிய உரையாசிரியரான பேராசிரியர் கூறுகிறார். அதை எடுத்து விட்டு இப்போது எல்லா தலப்பெயர்களிலும் ஸ்ரீ என்று சேர்க்கிறோம். ஸ்ரீ (சிறீ) என்பது ‘திரு’ என்ற சொல்லிற்கு ஒப்பானதும் அல்ல; அதைவிட உயர்ந்ததும் அல்ல. “திரு” வை எடுத்து ஸ்ரீயைச்சேர்த்தால் சிரிக்கத்தான் தோன்றுகிறது.

திருப்பெரும்புதூரை ஸ்ரீபெரும்புதூர் என்று போடுகிறார்களே? திருடன் என்பதற்கு ஸ்ரீடன் என்று சொல்வார்களா?

sureshyeskay · sureshyeskay Sat Oct 20, 2012 12:37 pm

அட்ரா சக்கை அட்ரா சக்கை

Sponsored content · Sponsored content

திருப்பெயர் மோசடிகள்

திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

Re: திருப்பெயர் மோசடிகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக