சுவடுகள்

கவினா · கவினா Sat Jan 28, 2012 2:31 pm

நீ
கடற்கரையோரம்
நடந்து சென்றதற்கு அடையாளமாய்
உனது காலடித்தடங்கள்.

உன் வீட்டிற்கு
வெள்ளையடித்ததற்கு அடையாளமாய்
தரையில் பரவியிருக்கும்
சுண்ணாம்புச் சிதறல்கள்.

பாம்புகூட
தான் ஊர்ந்து சென்றதற்கான
அடையாளங்களை விட்டுசெல்கிறது.

ஆனால்
நீ வாழ்ந்ததற்கு அடையாளமாய்
எந்த சுவடுகளை
விட்டுச் செல்ல போகிறாய்.

உனது பெயரால்
இந்த பூமிப்பந்தை
ஒரு அணு அளவேனும்
அசைத்துவிட்டு போ.

முள்காடாய் இருந்தாலும்
பரவாயில்லை.
ஒருமுறை
அழுத்தமாய் கால் பதி.
அவைகள் சாலைகளாகட்டும்.

கட்டை விரலில்
மைதடவிக் கொண்டு
பூமிபுத்தகத்தில்
ஓங்கி ஒரு முறை குத்து.

காலச்சக்கரம்
எவ்வளவு வேகமாக சுற்றினாலும்
உனது அந்த முத்திரை மட்டும்
அழியவே கூடாது.
அப்படிக்குத்து.

உனது மரணம்
எங்கள் இதயங்களில்
ஆணி அரைவதாய் இருக்கட்டும்.

அழுத்தமான
முத்திரைகள் மூலம்
மரணத்தை
மரணிக்கச் செய்.

ஆனால் ஒன்று
ஜன சமுத்திரத்தை விட்டு
மேலே பறந்து சென்று விடாதே.
முடிந்த மட்டிலும்
மக்களோடு மக்களாக
காலால் நடந்து செல்லவே
முயற்சி செய்.
அப்போதுதான்
சுவடுகள் பதிக்கமுடியும்.

மீண்டும் நினைவுபடுத்துகிறேன்.
போகும்போது
ஏதாவது
சுவடுகள் பதித்துவிட்டு போ.

**ஜாஹீதாபானு** · **ஜாஹீதாபானு** Sat Jan 28, 2012 2:36 pm

ரொம்ப அருமையா எழுதி இருக்கீங்க எப்படி இப்படியெல்லாம் சூப்பருங்க

**உமா** · **உமா** Sat Jan 28, 2012 2:38 pm

மீண்டும் நினைவுபடுத்துகிறேன்.
போகும்போது
ஏதாவது
சுவடுகள் பதித்துவிட்டு போ.

மிகவும் கருத்தான ஒரு சிந்தனை கவிதை இது. சுவடுகள் 224747944

முஹைதீன் · முஹைதீன் Sat Jan 28, 2012 2:39 pm

நல்ல இருக்கு சுவடுகள் 224747944

**பிஜிராமன்** · **பிஜிராமன்** Sat Jan 28, 2012 2:39 pm

நானும் அதனால் தான், நடக்கும் பொழுது, அழுத்தமாக காலை வைப்பேன்....

மிகவும் அருமையான கவிதை நண்பரே.......... மகிழ்ச்சி

அல்கெனா ரிஷி · அல்கெனா ரிஷி Sat Jan 28, 2012 3:34 pm

அருமையான கவிதை சூப்பருங்க

கவினா · கவினா Thu Feb 02, 2012 11:01 pm

கருத்தை பதிவு செய்த ஜாகீதாபானு, உமா, முகைதீன், பிஜி ராமன், அல்கெனா ரிஷி ஆகியோருக்கு என் நெஞ்சார்ந்த நன்றி.

வாஞ்சையுடன் சுந்தரபாண்டி

சார்லஸ் mc · சார்லஸ் mc Thu Feb 02, 2012 11:07 pm

அடடா ... இந்த கவிதை என் கண்ணில் படாமற் போயிற்றே...

கவிதை சுவடுகள் 224747944

அதனால் தான் ஈகரையில் சுவடுகளை தினமும் பதிக்கிறேன் ...

கவினா · கவினா Thu Feb 02, 2012 11:12 pm

சார்லஸ் mc wrote:அடடா ... இந்த கவிதை என் கண்ணில் படாமற் போயிற்றே...

கவிதை

அதனால் தான் ஈகரையில் சுவடுகளை தினமும் பதிக்கிறேன் ...

சுவடுகள் பதியுங்கள் நண்பரே.
அதுதானே வாழ்வின் நோக்கம்.

வாஞ்சையுடன் சுந்தரபாண்டி

அசுரன் · அசுரன் Thu Feb 02, 2012 11:18 pm

சுவடு பதிப்பது என்பது எதையாவது சாதிப்பது என்று பொருள்கொள்ளலாமா? கவிஞரே.... காலைதரையில் வை அப்போது தான் சுவடு பதிக்க முடியும். அருமையான வரிகள். பாராட்டுகள்

Sponsored content · Sponsored content

சுவடுகள்

சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

Re: சுவடுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக