அன்புள்ள அம்மாவுக்கு

by கவினா Fri Jan 27, 2012 4:11 pm

குறைந்துபோகாத
உங்கள் கோபத்திற்காளான
உங்கள் அன்பு மகன்
எழுதி கொள்வது . . .

அவளோடு
நான் தொடங்கிய வாழ்விற்காக
நீங்களென்னை
மன்னிக்க போவதில்லை.

நானும்
உங்களிடம்
மன்னிப்பு கேட்க போவதில்லை.

ஏனெனில்
குற்றங்கள்தான்
மன்னிப்பை தேடும்.

யாருக்காகவும்
நான்
உங்களை இழக்க முடியாதம்மா.
அவளையும்தான்.

அவள் உங்களை போலவே
அன்பானவள் அம்மா.
அழகானவள்.

அவள்
என்னோடு
சதைகளையும் பங்குபோடும்
இரண்டாவது தாயம்மா.
அவள்
இன்னொரு நீயம்மா.

அவள்
என்னைவிட இளையவளானது
காலத்தின் குற்றமம்மா.

நானும் அவளும்
வெவ்வேறு மதங்களில் பிறந்தது
சிருஷ்டி பட்டறையில்
நடந்த தவறம்மா.

by **பிஜிராமன்** Fri Jan 27, 2012 4:13 pm

அவள்
என்னைவிட இளையவளானது
காலத்தின் குற்றமம்மா.

அருமையான் கடிதம் அம்மாவிற்கு..........

மேலுள்ள விஷயம் பொருத்தமாக தானே உள்ளது..........ரொம்ப இளையவளாக இருக்கிறார்களா.........

by கவினா Fri Jan 27, 2012 4:20 pm

பிஜிராமன் wrote:
அவள்
என்னைவிட இளையவளானது
காலத்தின் குற்றமம்மா.

அருமையான் கடிதம் அம்மாவிற்கு..........

மேலுள்ள விஷயம் பொருத்தமாக தானே உள்ளது..........ரொம்ப இளையவளாக இருக்கிறார்களா.........

அதன் பொருள் அதுவில்லை தோழரே.
அவள் என்னைவிட முதியவளாக பிறந்திருந்தால்
என் தாயாக இருந்திருப்பாள்.
இளையவளாக பிறந்ததினால்
என் மனைவியாகிவிட்டால்
என்பதே அதன் பொருள்.
நன்றி நண்பரே

வாஞ்சையுடன் சுந்தரபாண்டி

by **பிஜிராமன்** Fri Jan 27, 2012 4:22 pm

அதன் பொருள் அதுவில்லை தோழரே.
அவள் என்னைவிட முதியவளாக பிறந்திருந்தால்
என் தாயாக இருந்திருப்பாள்.
இளையவளாக பிறந்ததினால்
என் மனைவியாகிவிட்டால்
என்பதே அதன் பொருள்.
நன்றி நண்பரே

இந்த மூன்று வரியில், இப்படி ஒரு பொருள் பொதிந்திருக்கும் என்று நான் நினைத்துக் கூட பார்க்கவில்லை......நன்றிகள் நண்பா.....