கவிதை பேசும் நேரமிது

**ரா.ரா3275** · **ரா.ரா3275** Fri Jan 27, 2012 12:09 pm

First topic message reminder :

கவிதைக்கான பாடுபொருள்
எது?
தினம் தினம் தேடியதில்..

காதல்

இதைச் சொன்னால்
எல்லோருக்கும் இஷ்டம்
முடவன்கூட முன்னூறு மைல்
தூரத்தை
மூன்று மணித்துளியில் கடப்பான்

அரசியல்

திட்டித் தீர்ப்பதற்கென்றே
தீட்டப்பட்டக் கெட்ட(?) வார்த்தை
இயலாமை(யை)க் குப்பையை
எல்லோரும் இந்தத் தொட்டியில்தான்
கொட்டுவர்

இயற்கை

பார்க்காத இடம்கூடப்
படம் பிடிக்கப்படும்
வார்த்தையில்

பூக்கள்

இதைப் பாடாவிட்டால்
எவனுக்கும் உயிர் இருக்காது

பெண்கள்

நிறைய கவிஞர்களின்
பிறப்பை சுமக்கும்
வெகுஜனத் தாய்

பூக்களால் அபிஷேகம்
ரத்தம்-புண்-ரணம்
துவேஷம் சுமப்பதும்
கவிதையில் பெண்கள்தான்

குழந்தைகள்

மொத்த உலகத்தையும்
பொக்கைச் சிரிப்பில்
பொட்டலம் கட்டிவிடும்
அநேக ஆனந்த விபத்துகளின்
காரணகர்த்தாக்கள்

இத்துணைப் பாடுபொருள்கள்
இருந்தும் கவிதை எழுத
எதுவும் கிடைக்கவில்லை

காரணம் தேடியபொழுது
காரி முகத்தில் உமிழ்ந்துவிட்டு
கவிதை சொன்னது:

பெண்மையும் வேண்டாம்
பேனா மையும் வேண்டாம்
உண்மை ஒன்று போதும்

எழுத்திலும்
எழுதுகிறவன் மனதிலும்
என் முகம் எப்போதும்
பிரகாசமாக...

**கா.ந.கல்யாணசுந்தரம்** · 28/02/2009

நல்லதொரு கவிதை
வல்லமை தந்திங்கு
வட்டமிடுகிறதே....அடடா......
ஈகரை செம்மொழிச் சோலையில்
செண்காந்தள் மலரொன்று
மணம்பரப்பி பூக்கிறதே....
வாசம் நுகர் வண்டினங்கள்
தேனருந்த இதழமர்ந்தது போதும்....
உங்களின் வாழ்த்தொலிகள்
முழங்கட்டும் வானதிர......ரா...ரா....ராவென்று!

அன்புடன், கா.ந.கல்யாணசுந்தரம்.

**ரா.ரா3275** · **ரா.ரா3275** Fri Feb 24, 2012 4:25 pm

கா.ந.கல்யாணசுந்தரம் wrote:நல்லதொரு கவிதை
வல்லமை தந்திங்கு
வட்டமிடுகிறதே....அடடா......
ஈகரை செம்மொழிச் சோலையில்
செண்காந்தள் மலரொன்று
மணம்பரப்பி பூக்கிறதே....
வாசம் நுகர் வண்டினங்கள்
தேனருந்த இதழமர்ந்தது போதும்....
உங்களின் வாழ்த்தொலிகள்
முழங்கட்டும் வானதிர......ரா...ரா....ராவென்று!

அன்புடன், கா.ந.கல்யாணசுந்தரம்.