கல்யாணசந்தை

கவினா · கவினா Wed Jan 25, 2012 4:42 pm

First topic message reminder :

ஆத்தங்கரையெல்லாம்
பொடிநடையாய் அளந்துகாட்டி-நீ
ஆளான நாளன்று
தென்ன ஓல கட்டிவச்ச
ஐத்தமகன் பேசுறண்டி.

மாடுமேய்க்க போகையிலும்
மலருகுட்டி வாடின்னு
மார்மேல சொமந்துபோன
மாமன்மகன் கேக்குறண்டி.

நிலாவுக்கு போகனுன்னு
நீ நின்னு அடம்பிடிக்க
இன்னிக்கு நேரமாச்சு
நாளைக்கு விடிகால
நான்கூட்டி போறேன்னு
அன்னிக்கு நான்சொன்ன
ஆறுதலு நெனப்பிருக்கா?

பல்லக்கு தூக்கி உன்ன
பட்டியெல்லாம் சுத்திவந்தேன்-இப்ப
பட்டிக்காட்டு குப்பையின்னு
பாக்காம போறியேடி.

இஞ்சினியர் மாப்பிள்ளையின்
எமகாவில் சினிமாக்கு
எகத்தாளமா போயிவாற
ஏமாந்து போன-இந்த
இளிச்சவா மாமனுக்கு
என்ன பதில் சொல்லபோற?

ஆத்தங்கரையெல்லாம்
ஒன்ன தூக்கி சொமந்தேன்டி.
ஆத்தங்கரை மணலெல்லாம்
ஒம்மொகத்த வரைஞ்சேன்டி.
இப்ப அந்த கரையோரம்
எதையோ பேசி சிரிச்சிகிட்டு
இஞ்சினியர் மாப்பிள்ளையின்
இடுப்பசுத்தி கையபோட்டு
நீ நடந்து போகையிலே
சத்தியமா விம்மிவிம்மி
சாகத்தான் போறேன்டி-இல்ல
சாமியாரா ஆவேன்டி.

நம்ம ஊரு சந்தையில
காசுகாரன் கையிக்குத்தான்
காளமாடு போகுமடி-ஆனா
காசுபணம் கண்டதுமே
காதலுமா மாறுமடி?

முடிநரைச்சு போனாலும்
மூச்சு நின்னு போனாலும்
முதுமையிலே சிக்கிகிட்டு-நான்
மொடமாக ஆனாலும்
உன்னோடு நான் கொண்ட
முதல்காதல் மறையாது.
கண்ணத்தில் நீ பதிச்ச
முதல் முத்தம் கரையாது.

**பிஜிராமன்** · **பிஜிராமன்** Fri Jan 27, 2012 10:03 am

மிகவும் அருயமையான உணர்வு பகிர்வு............ மகிழ்ச்சி

சதாசிவம் · சதாசிவம் Fri Jan 27, 2012 10:40 am

அழகிய உணர்வுப் பதிவு.
தொடருங்கள்......

செல்ல கணேஷ் · செல்ல கணேஷ் Fri Jan 27, 2012 2:36 pm

தோழமைக்கு,
உங்களின் கிராமிய நடை கவிதை மிக அருமை தோழரே!

**ஜாஹீதாபானு** · **ஜாஹீதாபானு** Fri Jan 27, 2012 2:53 pm

பல்லக்கு தூக்கி உன்ன
பட்டியெல்லாம் சுத்திவந்தேன்-இப்ப
பட்டிக்காட்டு குப்பையின்னு
பாக்காம போறியேடி.

இஞ்சினியர் மாப்பிள்ளையின்
எமகாவில் சினிமாக்கு
எகத்தாளமா போயிவாற
ஏமாந்து போன-இந்த
இளிச்சவா மாமனுக்கு
என்ன பதில் சொல்லபோற?

கவினா · கவினா Fri Feb 03, 2012 8:01 pm

மகா பிரபு wrote:
சுந்தரபாண்டி wrote:நம்ம ஊரு சந்தையில
காசுகாரன் கையிக்குத்தான்
காளமாடு போகுமடி-ஆனா
காசுபணம் கண்டதுமே
காதலுமா மாறுமடி?
சாட்டையடி வார்த்தை.. சிறப்பான கவிதை. சொந்த அனுபவமா?

என் சொந்த அனுபவம் இல்லை நண்பரே;நான் நொந்த அனுபவம்
வாழ்த்தியதற்கு நன்றி நண்பரே

வாஞ்சையுடன் சுந்தரபாண்டி

கவினா · கவினா Fri Feb 03, 2012 8:04 pm

கொலவெறி wrote:முதல் காதல் மறையாது
முதல் முத்தம் கரையாது
மாமனுக்கு கண்ணீர் பெருகுது
நெஞ்ஜென்னவோ உருகுது மருகுது
பாவி மகளுக்கு இது போனதேன் தெரியாது?

நன்றி நண்பரே

வாஞ்சையுடன் சுந்தரபாண்டி

கவினா · கவினா Fri Feb 03, 2012 8:07 pm

பார்த்திபன் wrote:மிகச் சிறந்த கவிதை. வெகுவாக ரசித்தேன்! பாராட்டுக்கள்!

நன்றி பார்த்திபன்

வாஞ்சையுடன் சுந்தரபாண்டி

கவினா · கவினா Fri Feb 03, 2012 8:11 pm

Dr.சுந்தரராஜ் தயாளன் wrote:மிகவும் நன்று...

நன்றி அய்யா

வாஞ்சையுடன் சுந்தரபாண்டி

கவினா · கவினா Fri Feb 03, 2012 8:19 pm

கருத்தைப் பதிவு செய்த ரா.ரா ,யார்ல்பாவணன், சார்லஸ், பிஜிராமன், சதாசிவம், செல்லகணேஷ், ஜாகீதாபானு ஆகிய அனைவருக்கும் என் நெஞ்சார்ந்த நன்றிகள்.

வாஞ்சையுடன் சுந்தரபாண்டி

Sponsored content · Sponsored content

கல்யாணசந்தை

கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

Re: கல்யாணசந்தை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக