கல்யாணசந்தை

by கவினா Wed Jan 25, 2012 4:42 pm

ஆத்தங்கரையெல்லாம்
பொடிநடையாய் அளந்துகாட்டி-நீ
ஆளான நாளன்று
தென்ன ஓல கட்டிவச்ச
ஐத்தமகன் பேசுறண்டி.

மாடுமேய்க்க போகையிலும்
மலருகுட்டி வாடின்னு
மார்மேல சொமந்துபோன
மாமன்மகன் கேக்குறண்டி.

நிலாவுக்கு போகனுன்னு
நீ நின்னு அடம்பிடிக்க
இன்னிக்கு நேரமாச்சு
நாளைக்கு விடிகால
நான்கூட்டி போறேன்னு
அன்னிக்கு நான்சொன்ன
ஆறுதலு நெனப்பிருக்கா?

பல்லக்கு தூக்கி உன்ன
பட்டியெல்லாம் சுத்திவந்தேன்-இப்ப
பட்டிக்காட்டு குப்பையின்னு
பாக்காம போறியேடி.

இஞ்சினியர் மாப்பிள்ளையின்
எமகாவில் சினிமாக்கு
எகத்தாளமா போயிவாற
ஏமாந்து போன-இந்த
இளிச்சவா மாமனுக்கு
என்ன பதில் சொல்லபோற?

ஆத்தங்கரையெல்லாம்
ஒன்ன தூக்கி சொமந்தேன்டி.
ஆத்தங்கரை மணலெல்லாம்
ஒம்மொகத்த வரைஞ்சேன்டி.
இப்ப அந்த கரையோரம்
எதையோ பேசி சிரிச்சிகிட்டு
இஞ்சினியர் மாப்பிள்ளையின்
இடுப்பசுத்தி கையபோட்டு
நீ நடந்து போகையிலே
சத்தியமா விம்மிவிம்மி
சாகத்தான் போறேன்டி-இல்ல
சாமியாரா ஆவேன்டி.

நம்ம ஊரு சந்தையில
காசுகாரன் கையிக்குத்தான்
காளமாடு போகுமடி-ஆனா
காசுபணம் கண்டதுமே
காதலுமா மாறுமடி?

முடிநரைச்சு போனாலும்
மூச்சு நின்னு போனாலும்
முதுமையிலே சிக்கிகிட்டு-நான்
மொடமாக ஆனாலும்
உன்னோடு நான் கொண்ட
முதல்காதல் மறையாது.
கண்ணத்தில் நீ பதிச்ச
முதல் முத்தம் கரையாது.

by மகா பிரபு Wed Jan 25, 2012 4:58 pm

சுந்தரபாண்டி wrote:நம்ம ஊரு சந்தையில
காசுகாரன் கையிக்குத்தான்
காளமாடு போகுமடி-ஆனா
காசுபணம் கண்டதுமே
காதலுமா மாறுமடி?

சாட்டையடி வார்த்தை.. சிறப்பான கவிதை. சொந்த அனுபவமா?

by யினியவன் Wed Jan 25, 2012 5:32 pm

முதல் காதல் மறையாது
முதல் முத்தம் கரையாது
மாமனுக்கு கண்ணீர் பெருகுது
நெஞ்ஜென்னவோ உருகுது மருகுது
பாவி மகளுக்கு இது போனதேன் தெரியாது?

by **பார்த்திபன்** Wed Jan 25, 2012 6:21 pm

மிகச் சிறந்த கவிதை. வெகுவாக ரசித்தேன்! பாராட்டுக்கள்! சூப்பருங்க

மிகவும் நன்று... அருமையிருக்கு

by **இளமாறன்** Thu Jan 26, 2012 12:16 am

கிராம ஒரு தலை காதல் நன்றாய் இருக்கிறது

வாழ்த்துக்கள் சூப்பருங்க

by **ரா.ரா3275** Thu Jan 26, 2012 12:31 am

ஒரு பொம்பள அழுதா அதுக்கு ஆயிரம் காரணம் இருக்கும்...
ஆனா ஒரு ஆம்பள அழுதா அதுக்கு ஒரே காரணம்தான் இருக்கும்...
அது பொம்பளையாதான் இருக்கும்...
சுந்தரபாண்டி கதறலிலும் பெண் சிரிப்பொலி கேட்கிறது...

by yarlpavanan Thu Jan 26, 2012 7:46 am

"நம்ம ஊரு சந்தையில
காசுகாரன் கையிக்குத்தான்
காளமாடு போகுமடி-ஆனா
காசுபணம் கண்டதுமே
காதலுமா மாறுமடி? "
என்ற வரிகளில்
உணர்வைப் பார்க்க முடிகிறதே!
கவிதை உள்ளத்தைத் தொடுகிறதே!

by சார்லஸ் mc Thu Jan 26, 2012 9:10 am

முடிநரைச்சு போனாலும்
மூச்சு நின்னு போனாலும்
முதுமையிலே சிக்கிகிட்டு-நான்
மொடமாக ஆனாலும்
உன்னோடு நான் கொண்ட
முதல்காதல் மறையாது.
கண்ணத்தில் நீ பதிச்ச
முதல் முத்தம் கரையாது.

இதுதான் ஒரு ஆண்மகனின் ஆழமான காதல் என்பதோ?!

ஆக... காதலில் ஆண்களை ஏமாற்றுவதில் நகரத்து பெண்களுக்கு கிராமத்து பெண்களும் சற்றும் சளைத்தவா்களல்ல என்பது இக் கவிதையின் மூலம் நிரூபணமாகிறது.

கவிதை சூப்பருங்க