பிள்ளை மனசு

by **ரா.ரா3275** Tue Jan 24, 2012 5:59 pm

கூரைக் கண்ணீரால்
குழிகளைக் கொப்பளிக்கும்
மண்வாசல் தாழ்வாரம்

வெண்ணிறப் பூக்களையும்
கோந்துப் பிசினையும்
சேர்ந்து சிந்தும்
முன்வாசல் முருங்கைமரம்

மார்கழியின் குளிர் காலைகளை
மேனி மீது இதமாய் அப்பும்
முன்புறத் திண்ணைகள்

தண்ணீர் இறைத்துத்
தலையோடு குளித்து மகிழ
வாளிக்கயிற்றோடு வாழும்
கிணற்று உருளை

இரவுக்காட்சியைப் பார்க்க ஏதுவாய்
திருட்டுத்தனமாய்ப்
படுக்கையைச் சுருட்டிவைக்கும்
கட்டைச் சுவர்

பங்கிடாமல் தின்பதற்காகப்
பப்பாளியாயைப்
பதுக்கிவைக்கும் வைக்கோல்போர்

கன்றுக் குட்டிகள் வாலாட்டித்
துள்ளியோடும்
மாட்டுத் தொழுவம்

கனகாம்பரமும்
மல்லிகையுமாகப்
புதர்மண்டிக் கிடக்கும்
தோட்டத்துச் செடிகள்

சிரிப்போடும் வெட்கத்தோடும்
அழகுப் பெண்களை
அழைத்துவரும்
மருதாணிச் செடிகள்

இதில்
எதுவுமே இல்லை இப்போது

வாசல் மண்ணைப்
புதைத்துவிட்ட
சிமெண்ட் தரை

தட்டாமலே பூக்கள்
கொட்டி
மனம் வழிந்த
தோட்டச் செடிகளுக்குப் பதிலாகத்
தொட்டிப் பூச்செடிகள்

தொட்டதற்கெல்லாம் சுவிட்சுகள்
எல்லாம்
எலக்ட்ரிகல் மற்றும் எலெக்ட்ரானிக்ஸ் மயம்

ப்ச்...
காலர் உயர்த்திக் காட்டும்
மாடர்ன் வீட்டில் என்ன
"......" இருக்கு?...
போங்கப்பா...

by **ஜாஹீதாபானு** Tue Jan 24, 2012 6:02 pm

கடைசி வரியில் அதிர்ச்சி குடுத்துட்டீங்க

கவிதை ரொம்ப ரொம்ப சூப்பர் அருமையிருக்கு

by யினியவன் Tue Jan 24, 2012 6:27 pm

மரபு கருதி பிள்ளை மனசோட அந்த வார்த்தையை ராரா ஸ்வாகா செய்துட்டார்.

பழயன போய் புதியன புகுந்தாலும் - பழயன நினைவுகள் அருமை நண்பா.

by **ரா.ரா3275** Tue Jan 24, 2012 6:42 pm

மரபும் மரியாதையும் கருதித்தான் பயன்படுத்தவில்லை...
இருந்தாலும் அந்தக் கோபத்தைக் காட்டவே மறைந்தது எழுத்து...
எனவே மன்னிக்கவும் நண்பர்களே...

by **ரா.ரா3275** Tue Jan 24, 2012 6:43 pm

நன்றி ஜாகீதாபானு அவர்களே...

by **ரா.ரா3275** Tue Jan 24, 2012 6:45 pm

நன்றி நண்பர் கொலவெறி அவர்களே...

by **ரா.ரா3275** Tue Jan 24, 2012 7:47 pm

எல்லோருக்கும் இருப்பதுதான் இந்த பிள்ளை மனசு...

by சார்லஸ் mc Tue Jan 24, 2012 9:42 pm

இன்னும் வரப்போகிற எதிா்கால சந்ததிக்கு நமக்கு கிடைத்த இந்த மாதிாியான அனுபவங்கள் முற்றிலும் இனி கிடைப்பது அாிதாகி விடும் என கருதகிறேன்.

கவிதை பிள்ளை மனசு 224747944