அழகான ஆபத்து!

கார்களில் தப்பான பாகங்களைப் பொருத்திவிட்டதாக அறிவித்து, விற்கப்பட்ட கார்களை மொத்தமாக ஆயிரக்கணக்கில் நிறுவனமே திரும்பப் பெறுவது வியாபார உலகில் அடிக்கடி நடக்கும் விஷயம். செல்போன் பேட்டரி வெடித்ததாக புகார் வந்ததை அடுத்து நோக்கியா நிறுவனம் லட்சக்கணக்கான பேட்டரிகளை திரும்பப் பெற்று புதிதாக வேறு கொடுத்தது!



இதை ‘அதே மாதிரி’ என்று சொல்லிவிட முடியாது. பெண்களின் உயிரோடு விளையாடிய கொடூர விவகாரம் என்று சொல்லலாம். பிறவிக் குறைபாடு காரணமாகவோ, விபத்திலோ மார்பக அழகை இழந்தவர்கள் ‘செயற்கை மார்பகம்’ பொருத்திக் கொள்கிறார்கள். சிலர் அழகுக்காகவும் இப்படிச் செய்கிறார்கள். ‘சிலிக்கான் ஜெல்’ எனப்படும் திரவம் அடைத்த பந்து போன்ற பொருளை உடலுக்குள் பொருத்திக்கொள்ளும் காஸ்மெடிக் சிகிச்சை இது. பிரான்ஸ் நிறுவனமான ‘பாலி இம்ப்ளான்ட் ப்ரோதீஸ்’ செய்த இப்படிப்பட்ட மூன்று லட்சம் ‘சிலிக்கான் ஜெல்’ கருவிகள் தரமற்றவை என இப்போது கண்டறியப்பட்டிருக்கிறது.

மருத்துவப் பயன்பாட்டுக்கான சிலிக்கானை பயன்படுத்தாமல், தொழிற்சாலை பயன்பாட்டுக்கான தரம் குறைந்த சிலிக்கானை பயன்படுத்தி இருக்கிறார்கள். இந்தக் கருவி உள்ளுக்குள் உடைந்து சிலிக்கான் திரவம் உடலில் கலந்தால் பெரும் ஆபத்து ஏற்படக்கூடும்! பல பெண்களுக்கு இப்படி கருவி உடைந்து திரவம் உள்ளே கசிவது சகஜமாம்!

இந்த 3 லட்சம் கருவிகளையும் ஐரோப்பிய மற்றும் தென் அமெரிக்க நாடுகளைச் சேர்ந்த பெண்கள் பொருத்திக் கொண்டி ருக்கிறார்கள். இங்கிலாந்தில் தான் அதிகம். 40 ஆயிரம் பேர்! பிரான்ஸில் இந்த நிறுவனத் தயாரிப்புகள் தடை செய்யப்பட்டு, இதைப் பொருத்திக்கொண்ட பெண்களுக்கு இலவசமாக அறுவை சிகிச்சை செய்து நீக்கப்படுகிறது. வெனிசூலாவும் இப்படிச் செய்கிறது. ஆனால் புதிய கருவி பொருத்திக்கொள்ளும் செலவை பெண்களே ஏற்றுக்கொள்ள வேண்டும். மற்ற நாடுகளிலும் ஆலோசனைகள் நடந்து வருகின்றன.

இவ்வளவு குழப்பங்களுக்கும் காரணமான அந்த நிறுவனம், இதுவரை பெண்களிடம் மன்னிப்பு கேட்கவில்லை. பிரான்ஸ் சுகாதாரத் துறை அதிகாரிகளை ‘கவனித்துவிட்டு’ இப்படிப்பட்ட தரமற்ற பொருளை 12 ஆண்டுகளாக விற்றிருக்கிறார்கள். இதனால், ‘சட்டவிதிகளைக் கடுமையாக்குங்கள்’ என பிரான்ஸை இதர நாடுகள் வலியுறுத்தி வருகின்றன.
- ரெமோ

தகவல் பகிர்வு - தமிழ் வாரஇதழ் செய்திகள்

அந்த அழகே ஆபத்து - அந்த அழகுக்கே ஆபத்தா? கஷ்ட காலம் தான்.

நம்ம இளமாறனுக்கும் இந்த பிரெஞ்சு கம்பெனிக்கும் தொடர்பு இருக்குமோ?

எதுல விளையாடுறதுன்னு ஒரு விவஸ்தையே இல்லை அவனுங்களுக்கு!

கொலவெறி wrote:அந்த அழகே ஆபத்து - அந்த அழகுக்கே ஆபத்தா? கஷ்ட காலம் தான்.

நம்ம இளமாறனுக்கும் இந்த பிரெஞ்சு கம்பெனிக்கும் தொடர்பு இருக்குமோ?

ஓசி ல திருப்பி வச்சு தரேனு சொல்லியாச்சே

இளமாறன் wrote:

கொலவெறி wrote:அந்த அழகே ஆபத்து - அந்த அழகுக்கே ஆபத்தா? கஷ்ட காலம் தான்.

நம்ம இளமாறனுக்கும் இந்த பிரெஞ்சு கம்பெனிக்கும் தொடர்பு இருக்குமோ?

ஓசி ல திருப்பி வச்சு தரேனு சொல்லியாச்சே

திருப்பி வக்கிறதுக்கு காசு கேக்குறானுங்களே!