ஏர்இந்தியா பைலட்டுகள் ஸ்டிரைக் வாபஸ்

கோவைசிவா · கோவைசிவா Wed Sep 30, 2009 3:58 pm

கடந்த நான்கு நாட்களாக நடந்து வந்த ஏர்இந்தியா ஸ்டிரைக்கை வாபஸ் பெறுவதாக அந்நிறுவன எக்ஸ்கியூடிவ் பைலட்களின் பிரதிநிதியான கேப்டன் வி.கே.பல்லா டில்லியில் நிருபர்களுக்கு அளித்‌த பேட்டியில் அறிவித்தார்.

மத்திய அரசு உறுதி : உற்பத்திசார் ஊக்கத்தொகையை ரத்து செய்யக்கூடாது என்ற பைலட்டுகள் ஸ்டிரைக்கை துவங்கினர். ஏர்இந்தியா நிர்வாகத்துடன் நடந்த பல கட்ட பேச்சுவார்த்தை பலனளிக்காத நிலையில் மத்திய அரசு தலையிட்டது. பைலட்டுகளின் கோரிக்கையை பரிசீலித்த மத்திய விமான போக்குவரத்து துறை அமைச்சர் பிரபுல் படேல் பைலட்டுகளுக்கு வழங்கப்படும் உற்பத்தி சார் ஊக்கத்தொகை ரத்து செய்யப்பட்டாது என உறுதியளித்துள்ளார். அவர் அளித்துள்ள உறுதியின் பேரில் ஸ்டிரைக் வாபஸ் பெறப்பட்டுள்ளது.

வருந்துகிறோம் : ஸ்டிரைக் காரணமாக ஏர்இந்தியா வாடிக்கையாளர்களுக்கு நேர்ந்த அசவுகரியத்துக்கு வருந்துகிறோம் என கேப்டன் பல்லா தெரிவித்துள்ளார். ஸ்டிரைக் வாபஸ் பெறப்பட்டுள்ளதால் அனைத்து பைலட்டுகளும் உடனடியாக பணிக்கு திரும்ப வேண்டும் எனவும் வேண்டுகோள் விடுத்தார். ஸ்டிரைக் விவகாரத்தை சுமூகமான தீர்வுக்கு கொண்டு வர உதவிய பிரதமர் மன்மோகன்சிங் , மத்திய அமைச்சர் பிரபுல் படேல் ஆகியோருக்கு பைலட்டுகள் சார்பில் மனமாற நன்றி தெரிவிப்பதாகவும் கூறினார்.

எதிர்பார்ப்பு : ஸ்டிரைக் வாபஸ் பெறப்பட்டுள்ளதால், இன்று மாலைக்குள் ஏர்இந்தியா விமான சேவை இயல்பு நிலைக்கு திரும்பும் என எதிர்பார்க்கப்படுகிறது.

ஏர்இந்தியா பைலட்டுகள் ஸ்டிரைக் வாபஸ்

ஏர்இந்தியா பைலட்டுகள் ஸ்டிரைக் வாபஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக