சமாவோ தீவில் சுனாமி அனர்த்தம் : 100க்கும் அதிகமானோர் பலி

by யாழவன் Wed Sep 30, 2009 4:27 pm

பசுபிக் பெருங்கடல் தீவான சமாவோவில் சுனாமி அனர்த்தம் ஏற்பட்டுள்ளது. இதில் 100க்கும் அதிகமானோர் பலியாகியுள்ளனர். பல கிராமங்கள் முற்றிலும் நாசமாகின.

மேலும், நூற்றுக்கணக்கானோர் படுகாயம் அடைந்துள்ளனர்.

பசுபிக் பெருங்கடலில் நியூசிலாந்துக்கு கிழக்கே இருக்கும் இந்த குட்டித் தீவின் தென் கிழக்கே 120 கி.மீ. தொலைவில் கடலுக்கடியில், இந்திய நேரப்படி நேற்று நள்ளிரவில் மாபெரும் நிலநடுக்கம் ஏற்பட்டது.

ரிக்டர் அளவுகோளில் 8.3 புள்ளிகள் அளவுக்குப் பதிவான இந்த நிலநடுக்கத்தால் மாபெரும் சுனாமி அலைகள் ஏற்பட்டன. இதில் கடலோரத்தில் உள்ள பகுதிகளில் ராட்சத அலைகள் புகுந்து வீடுகளைத் தரைமட்டமாக்கின. இதில் 100க்கும் அதிகமான மக்கள் பலியாகினர். மேலும் நூற்றுக்கணக்கானோரைக் காணவில்லை எனத் தெரிவிக்கப்படுகிறது.பல உடல்கள் மண்ணுக்குள் பாதி புதைந்த நிலையில் காணப்படுகின்றன. மேலும் பல உடல்கள் புதைந்து போயிருக்கலாம் எனக் கருதப்படுகிறது.

டோங்காவில் 5 பேர் பலி...

அருகில் இருக்கும் டோங்கா தீவிலும் சுனாமி தாக்கி 5 பேர் பலியானார்கள். மேலும், இந்த சுனாமி அலைகள் நியூசிலாந்து வரை வந்தன. அங்கு குறைந்த உயர சுனாமி அலையே வந்ததால் யாருக்கும் எந்த பாதிப்பும் ஏற்படவில்லை.

சமோவா தீவு அமெரிக்காவின் கட்டுப்பாட்டில் உள்ள நாடாகும்.

அமெரிக்க அதிபர் பராக் ஒபாமா அப்பகுதியில் சிக்கித் தவிக்கும் மக்களுக்கு தேவையான உதவிகளை வழங்க அமெரிக்க விமான படைக்கு உத்தரவிட்டுள்ளார். இதையடுத்து சி-130 ரக விமானங்கள் நிவாரணப் பொருட்களுடன் சமாவோ சென்றடைந்துள்ளன.

by **Manik** Wed Sep 30, 2009 4:28 pm

அப்ப நான் சொன்னது நடந்துருமோ

by யாழவன் Wed Sep 30, 2009 4:30 pm

என்ன சொன்னீங்க.

by **Manik** Wed Sep 30, 2009 4:40 pm

2013 ல இந்த உலகம் அழிஞ்சிரும்னு சொன்னாங்க........ அதுக்கு முன் நிகழ்வா இந்த டிசம்பர்ல மறுபடியும் சுனாமி மற்றும் வான்வழி ஆபத்துகள் அதிகம் வரும் அப்படி வந்தால் 2013ல் உலகம் அழிவது உறுதி என்று அறிந்தேன்.

by யாழவன் Wed Sep 30, 2009 4:41 pm

நல்ல விசயம் சொல்லி இருக்கிறிங்க

by **Manik** Wed Sep 30, 2009 4:42 pm

நல்ல விசயமா நிஜமாவா சொல்றீங்க

by யாழவன் Wed Sep 30, 2009 4:44 pm

இங்கிருந்து என்ன செய்கிறம்.அடி தடி தானே

by ரூபன் Wed Sep 30, 2009 4:50 pm

Manik wrote:2013 ல இந்த உலகம் அழிஞ்சிரும்னு சொன்னாங்க........ அதுக்கு முன் நிகழ்வா இந்த டிசம்பர்ல மறுபடியும் சுனாமி மற்றும் வான்வழி ஆபத்துகள் அதிகம் வரும் அப்படி வந்தால் 2013ல் உலகம் அழிவது உறுதி என்று அறிந்தேன்.

சும்மா இருங்கப்பா பீதியைகிளப்பிக்கிட்டு

by **Manik** Wed Sep 30, 2009 4:54 pm

ஆம் யாழவன் இருப்பதை விட இல்லாமல் இருப்பதே சிறந்தது என்று நினைக்கிறேன்.....

by ரூபன் Wed Sep 30, 2009 4:56 pm

எனது ஆசையும் இதுவே உலகமழிந்து மீண்டும் உருவாக வேண்டும் நல்ல சமுகம் உருவாகவேண்டும் எந்த இனம் மொழி மதம் பாகுபாடு இல்லாமல் ஒரே வர்க்கமாக இருக்கவேண்டும் என்பதுதான் எனது பெரிய ஆசை