கருணாநிதி டாக்டருக்கு செம வார்னிங், “மவனே எட்டிப் பார்க்கிறீரா?

கருணாநிதி டாக்டருக்கு செம வார்னிங், “மவனே எட்டிப் பார்க்கிறீரா?

தி.மு.க.-பா.ம.க. தேன்நிலவு நிஜமாகவே முறிந்து விட்டது என்பதை தி.மு.க. தலைவர் கருணாநிதி வாயால் மட்டும் சொல்லவில்லை, செயலிலும் காட்டியிருக்கிறார். “பா.ம.க. மாநில துணைத் தலைவர் ஏழுமலை தலைமையில், இரண்டாயிரத்திற்கும் மேற்பட்ட பா.ம.க.வினர், தி.மு.க.-வில் இணைந்தனர்” என்ற செய்தி, தி.மு.க.-வால் வெளியிடப்பட்டுள்ளது.

இணைந்ததாகக் கூறப்படும் 2000 பேரும் நிஜமாகவே பா.ம.க. ஆட்கள்தானா என்பதை விட்டுவிடுவோம். அந்தக் கூட்டத்தில், அ.தி.மு.க., தே.மு.தி.க., விடுதலை சிறுத்தைகள், புரட்சி பாரதம் ஆகிய கட்சியைச் சேர்ந்தவர்களும், ஓடோடி வந்து தி.மு.க.-வில் இணைந்தார்கள் என்றும் கூறப்பட்டது.அமெரிக்காவில் ஒபாமாவின் Democratic Party-யில் இருந்து தி.மு.க.-வில் இணைந்து கொள்ள யாரும் வந்ததாக அறிவிக்கப்படவில்லை.

இணைந்தவர்கள் நிஜமாக எந்தக் கட்சி என்பதெல்லாம் அரசியலுக்கு தேவையற்ற விஷயம். அரசியலுக்கு தேவையான விஷயம் என்னவென்றால், இவர்கள் பா.ம.க.-வில் இருந்து வந்துள்ளார்கள் என்று கலைஞர் ஹைலைட் பண்ணி பேசியிருப்பதுதான். இதன்மூலம் பா.ம.க.-வுக்கு ‘ஏதோ’ ஒரு எச்சரிக்கையை கொடுக்கிறார் அவர்.

“பா.ம.க.,வுடன், கடந்த பல ஆண்டுகளாக தி.மு.க., தோழமையோடு இருந்துள்ளது. இடையில் ஏற்பட்ட வேறுபாடு காரணமாக இப்போது பிரிந்து நிற்கிறது. பா.ம.க., நிறுவனர் ராமதாஸ் என் இயக்கத்தையே இழித்துப் பேசியுள்ளார். என்னுடைய தலைவர்களை இழிவுபடுத்தினால் கூட பொறுத்துக் கொள்வேன். ஆனால், என் சமூகத்தை உருவாக்கிய திராவிட இயக்கத்தை இழிவுபடுத்தினால், நான் பொறுத்துக் கொள்ள மாட்டேன்” என்று பேசியிருக்கிறார் கலைஞர்.

பா.ம.க. சமீப காலமாக த.க. (தள்ளாடும் கட்சிகள்) வரிசையில் முதலிடத்தில் உள்ளது. பெரிய ஐயா, சின்ன ஐயா உட்பட கட்சி முக்கியஸ்தர்கள் சிலர் கிரிமினல் கேஸில் சிக்கிக் கொள்ள சான்ஸ் இருப்பதால், நடுக்கத்தில் உள்ளார்கள். அந்தக் கட்சி முக்கிய தலைவர்களில் கிரிமினல் கேஸ் விஷயத்தில் அச்சம் கொள்ளாத ஒரேயொரு தலைவர் மதிப்புக்குரிய காடுவெட்டி குரு அவர்கள் மட்டுமே. காரணம், அண்ணனுக்கு கிரிமினல் கேஸ் எல்லாம் மிகப் பரிச்சயமாக விஷயங்கள்.

‘படுத்துக் கொண்டே ஜெயிப்பது’ போல, சிரித்துக் கொண்டே ஜெயிலுக்குப் போய் வரும் நெஞ்சுறுதி படைத்தவர் கா.வெ.குரு. (அனுபவஸ்தர்)ஆனால், பெரிய ஐயா, சின்ன ஐயா வகையறா களி தின்று அறியாதவர்கள். அதிலிருந்து தப்ப அ.தி.மு.க. பக்கமாக தூது விட்டுக் கொண்டிருக்கிறார்கள் என்ற பேச்சு ஒன்று அடிபட்டுக் கொண்டிருந்தது. ஐயாக்கள் சிக்கியுள்ள கொலை கேஸ் சி.பி.ஐ.-யின் விசாரணையில் உள்ளது. சி.பி.ஐ. மத்திய அரசின் கட்டுப்பாட்டின்கீழ் உள்ளது. இருந்தாலும், கொலை கேஸில் ப்ரொசீட் பண்ணுவதற்கு தமிழக காவல்துறையின் கைவசம் உள்ள தடயங்கள் தேவை.

தமிழக அரசு மனது வைத்தால் அதை இழுத்தடிக்கலாம்.
வெளியே திராவிடக் கட்சிகளை மட்டம் தட்டிப் பேசிக்கொண்டு, மறைமுகமாக திராவிடக் கட்சிகளில் ஒன்றான அ.தி.மு.க.-வுக்கு டாக்டர் ஐயா தூது விட்டுக் கொண்டிருப்பது, தி.மு.க. தலைவர் கருணாநிதியை கடும் எரிச்சலடைய வைத்துவிட்டது என்கிறார்கள்.அதன் காரணமாக பா.ம.க. ஐயாவுக்கு ஒரு தட்டு தட்டவே, “பா.ம.க. மாநில துணைத் தலைவர் ஏழுமலை தலைமையில், இரண்டாயிரத்திற்கும் மேற்பட்ட பா.ம.க.வினர், தி.மு.க.-வில் இணைந்தனர்” என்ற செய்திக்கு முக்கியத்துவம் கொடுக்கப்பட்டதும், அந்த இணைப்பு விழாவில் தி.மு.க. தலைவர் கருணாநிதி, பொருளாளர் ஸ்டாலின், ஆகிய இருவருமே கலந்து கொண்டு, செய்திக்கு முக்கியத்துவம் ஏற்படுத்தியிருக்கிறார்கள்!

பா.ம.க. மெயின் தலைவருக்கே ஓட்டு விழுவதாக தெரியவில்லை. இந்த நிலையில், அக்கட்சியின் மாநில துணைத் தலைவர் ஏழுமலை என்பவர், தி.மு.க.-வில் இணைவதால் தி.மு.க. ஓகோ என்று உயரப் போகின்றது என்று அந்த ஏழுமலையே நம்ப மாட்டார். அப்படியிருந்தும், அவரை வரவேற்க தி.மு.க.-வின் தலைவர், பொருளாளர் இருவருமே நேரில் வந்ததுதான் ஏழுமலைக்கு அடித்த அதிஷ்டம்!

ஏழுமலை, ஏதாவது லாட்டரி டிக்கெட் எடுத்துப் பார்க்கலாம்!

தகவல் பகிர்வு - தமிழ் வாரஇதழ் செய்திகள்... நன்றி விறுவிறுப்பு...

இந்த பதிவு முன்பே இங்கு பதிவிட்டு இருந்தால் நீக்கி விடவும்... நன்றி