தினம் ஒரு தகவல்

by **Manik** Wed Sep 30, 2009 4:09 pm

First topic message reminder :

இந்த திரியில் உங்களுக்குத் தெரிந்த அரிதான தகவலை கொடுக்கலாம் அது ஈகரை நண்பர்களுக்கு மிகவும் பயனளிக்கும்.

தகவல் 1
இந்தியாவில் அதிக தூரம் செல்லக்கூடிய அரசு பேருந்து எது ?
கர்நாடகா STC , 2010 கி.மீ, 25 மணி நேரம் செல்லும். பெங்களூர் - மும்பை.

by ARR Fri Feb 04, 2011 12:10 pm

இதே நாளில் அன்று.. 04, பிப்ரவரி

சர்வதேச புற்றுநோய் தினம்
இலங்கை விடுதலை தினம்(1948)
இந்தியா முன்னாள் ஜனாதிபதி கே.ஆர்.நாராயணன் பிறந்த தினம்(1921)
இத்தாலிய தமிழறிஞர் வீரமாமுனிவர் இறந்த தினம்(1747)
முதல்முறையாக ரேடியம் ஈ என்ற செயற்கைக் கதிரியக்க மூலகம் உருவாக்கப்பட்டது(1936)

by ARR Fri Feb 04, 2011 12:12 pm

தற்காப்பு கலைகள்.
செயின் வழிப்பறி, தற்போது சர்வசாதாரணமாகி வருகிறது. பெண்களுக்குத்
தற்காப்புக்கலை மிகவும் அவசியமானதாகும். கராத்தே, குத்துச்சண்டை, குங்பூ,
சிலம்பாட்டம் ஆகியன வன்முறைக் கலைகள் அல்ல. பல்வேறு சண்டைக்கலைகள் குறித்த
தகவல் களை போட்டோக்கள், வீடியோ காட்சிகளுடன் www.fightingmaster.com என்ற வெப்சைட்டில் பெறலாம்.

by ARR Fri Feb 04, 2011 12:13 pm

நெல் சீசன்.

தென் மாவட்டங்களில், தற்போது நெல் சீசன் சிறப்பாக உள்ளது. அரசின் செம்மை
நெல் சாகுபடி திட்டம் நல்ல பலனளித்துள்ளது. தமிழகத்தில்
தேர்ந்தெடுக்கப்பட்ட நிலங்களில் மட்டுமே செம்மை நெல் சாகுபடி நடைபெறுகிறது.
ஆனால் அருணாசல பிரதேசம், அசாம் போன்ற மாநிலங்களில் 100 சதவீத நெல்
விவசாயமும், "செம்மை நெல்' சாகுபடியில் நடைபெறுகிறது. விவசாயிகளுக்கும்,
விற்பனை யாளர்களுக்கும் பலனளிக்கும் புதிய மாற்றங்களை yahoo groupsல்
"tamilnaduagriclub' என்ற வெப்சைட் குழுவில் இணைந்து அறியலாம்.

by ARR Fri Feb 04, 2011 12:14 pm

வாந்தியில் இருந்து வாசனை பொருள்.

திமிங்கலம் வாந்தி எடுக்கும் போது வெளிவரும் திரவம், அம்பர் என்ற
வாசனைப் பொருளாக மாறுகிறது. மீன்கள் மற்றும் கணவாய் மீன்களை திமிங்கலம்
உண்ணும் போது, அதன் கூரிய முட்கள் திமிங்கலத்தின் உணவுப் பாதையைக் குத்தி
விடும். இந்த முட்களை உணவுப் பாதையில் இருந்து வெளியே எடுப்பதற்காக,
திமிங்கலம் வாந்தி எடுக்க முயற்சி செய்யும். இவ்வாறு வாந்தி எடுக்கும்
போது, வெளிவரும் அடர்த்தியான திரவப் பொருள் உருண்டையே அம்பர் ஆகும். அம்பர்
உருண்டை கடல்நீரில் கரையாது. கடலில் மிதக்கும் போது எளிதாக இனம் காண
முடியாது. இதன் இயற்பியல் பண்பினால் இது கடல் நீரில் மிதக்கிறது. இதை
நெருப்பில் சூடாக்கினால் தான் மணம் கமழும். உலகில் கிடைக்கக்கூடிய உயர்ந்த
வாசனைப் பொருளாக இது உள்ளது. ஒரு கிலோ அம்பரின் விலை பல லட்ச ரூபாயாகும்.
நீரில் கரையாத அம்பர், ஆல்கஹாலில் கரைகிறது. ஆல்கஹாலில் கரைந்த அம்பரே
வாசனைத் திரவியமாகும்.

by ARR Fri Feb 04, 2011 12:14 pm

கட்டாய ஓட்டுக்கு "முன்மாதிரி மாநிலம்'.

ஜனவரி 25ல், வாக்காளர் தினம் கொண்டாடப் பட்டது. 18 வயது வந்த அனைவரும்,
வாக்காளர் அடையாள அட்டை பெற வேண்டும். தேர்தல் நாளன்று,
ஓட்டுச்சாவடிக்குச் சென்று கட்டாயம் ஓட்டளிக்க வேண்டும். ஓட்டுப்பதிவு
சதவீதத்தை அதிகரிக்க வேண்டும் போன்றவையே இதன் நோக்கங்களாகும். இதற்கு
முன்மாதிரியாக குஜராத் மாநிலம் ஓட்டுரிமையைக் கட்டாயம் ஆக்கியுள்ளது. இந்த
சட்டத்தின்படி வயது வந்தவர்கள் அனைவரும் தங்கள் ஓட்டுரிமையை கட்டாயமாக
பயன்படுத்த வேண்டும். வாக்காளர்கள் தங்களது ஓட்டுரிமையைப் பயன் படுத்த
தவறினால், தேர்தல் கமிஷன் அவருக்குரிய நோட்டீஸ் கொடுத்து ஓட்டு போடத்
தவறியவர் என்று அறிவிக்கப்படும். உலகில் இதுவரை 32 நாடுகள் ஓட்டுப் போடுவதை
கட்டாயமாக்கியுள்ளன. ஆனால் தற்போது 3 நாடுகள் மட்டுமே இந்தச் சட்டத்தை
வெற்றிகரமாக அமல் படுத்தியுள்ளன. ஆஸ்திரேலியாவில் 100 ஆண்டு களுக்கு
முன்னரே, ஓட்டுப் போடுவது கட்டாயம் ஆக்கப்பட்டு வெற்றிகரமாக நடந்து
வருகிறது.