ஒரு ரூபாய் தராததால்நடத்துனர் கை உடைப்பு

by மகா பிரபு Sun Jan 22, 2012 7:51 am

கோவை:ஒரு ரூபாய் கொடுக்க மறுத்த, அரசு பஸ் நடத்துனரின் கையை, கோவை பயணி ஒருவர் பதம் பார்த்தார்.கடந்த 20ம் தேதி இரவு, காந்திபுரத்தில் இருந்து மருதமலைக்கு புறப்பட்ட, 70 எண் பஸ்சில், சாய்பாபா காலனியைச் சேர்ந்த மகேஷ், 47, பயணித்தார்; இவர், வேளாண் பல்கலைக் கழகத்திற்கு, 10 ரூபாய் நோட்டு கொடுத்து, ஒன்பது ரூபாய் டிக்கெட் எடுத்திருக்கிறார். ஒரு ரூபாய் மீதியை, நடத்துனர் பெரியசாமியிடம், மகேஷ் கேட்டுள்ளார். நடத்துனர், சில்லரை இல்லை எனக் கூறினார்.

இரவு 8.55 மணியளவில், சாய்பாபா கோவில் பஸ் ஸ்டாப்பில், இருவருக்கும் வாக்குவாதம் முற்றியது. ஆத்திரமடைந்த பயணி, தகாத வார்த்தையில் திட்டியதோடு, நடத்துனரின் வலது கையை முறுக்கினார். இதில், நடத்துனரின் கை உடைந்தது. அருகில் இருந்த தனியார் மருத்துவமனையில், நடத்துனர் சிகிச்சைக்காக சேர்க்கப்பட்டார்.சாய்பாபா காலனி போலீசார், மகேஷை கைது செய்து, விசாரிக்கின்றவர்.

dinamalar

by **பிஜிராமன்** Sun Jan 22, 2012 8:08 am

ஹா ஹா ஹா, இது நல்லா இருக்கே, இந்த மாதிரி பஞ்சத்துல அடி பட்டவங்களை எல்லாம் வேலைல வச்சா, மக்கள் நிலைமை ரொம்ப மோசம் தான்.

by இரா.பகவதி Sun Jan 22, 2012 9:40 am

1 ரூபாய்க்கு இந்த அடினா நம்ம அரசியல்வாதிகளுக்கும் எவளவு அடி கொடுக்கணும்

by யினியவன் Sun Jan 22, 2012 11:08 am

அட பரவாயில்லையே பெரிய பணக்காரர் போல இருக்கு - பஸ்ல எல்லாம் போறாரு ஆனா ஒத்த ரூபாய்க்காக கைய ஓடச்சுபுட்டாரே - வெரி சில்லி பணக்காரர்.

by **Manik** Sun Jan 22, 2012 12:06 pm

அட இதுக்கெல்லாம் விசாரணையா நம்ம காசை நடத்துனர் எப்படி இல்லைனு சொல்லலாம் அதை தட்டி கேட்டது பெருங்குற்றம் என்ன கொடுமைப்பா இது

by **ந.கார்த்தி** Sun Jan 22, 2012 12:16 pm

by **இளமாறன்** Sun Jan 22, 2012 2:01 pm

ஐந்து காசு ஐந்து காசு என தினமும் 5000 பேரு கிட்ட திருடுகிற ஆளுங்களா என்ன செய்யுறது ...இப்பொழுது ஐந்து காசு போயி ஒரு ரூபா திருடா ஆரம்பிக்கிறாங்க ...

by Guest Sun Jan 22, 2012 2:09 pm

கைய மட்டும் தான் உடச்சார ? சோகம்

by உதயசுதா Sun Jan 22, 2012 2:17 pm

ஒரு ரூபாய்க்கு கைய ஓடைச்சு இருக்காரே. இப்ப அந்த நடத்துனர் சிகிச்சை
செலவை யார் பார்த்துக்கறது? இந்த வழக்கு நீதி மன்றத்துக்கு போய் சிகிச்சை செலவை கைய உடைச்ச பயணி ஏத்துக்கணும்ன்னு தீர்ப்பு வந்தா என்ன செய்வார் இந்த பொது ஜனம்.

by **பிஜிராமன்** Sun Jan 22, 2012 2:19 pm

உதயசுதா wrote:ஒரு ரூபாய்க்கு கைய ஓடைச்சு இருக்காரே. இப்ப அந்த நடத்துனர் சிகிச்சை
செலவை யார் பார்த்துக்கறது? இந்த வழக்கு நீதி மன்றத்துக்கு போய் சிகிச்சை செலவை கைய உடைச்ச பயணி ஏத்துக்கணும்ன்னு தீர்ப்பு வந்தா என்ன செய்வார் இந்த பொது ஜனம்.

அக்கா, யாரும் ஒரு ரூபாய்க்காக கையை உடைக்கிற வரை போக மாட்டாங்க, அந்த ஒரு ரூபாயை வாங்குவதற்குள், அந்த நடத்துனரிடம் அந்த பயணி எவ்வளவு அவமானம் தரக் கூடிய சொற்களை பெற்றிருப்பார். நடத்துனர் தகாத வார்த்தைகளை பேசாமல் இந்த செயல் நடந்திருக்க வாய்ப்பு குறைவு தான்.