கருணாநிதி வீட்டைவிட்டு வனவாசம் போனால்தான் ....!

கருணாநிதி வீட்டைவிட்டு வனவாசம் போனால்தான் ....!

கருணாநிதி குடும்பத்தின் சமீபகால நடவடிக்கைகள் டில்லியில் தி.மு.க.-வுக்கு சிக்கலை ஏற்படுத்தும் விதத்தில் இருப்பதாக டில்லி அரசியல் வட்டாரங்களில் கூறப்படுகிறது. தி.மு.க.-வுடன் உறவைத் தொடரத்தான் வேண்டுமா என்று காங்கிரஸ் மேல்மட்டத்தில் குரல்கள் எழத் தொடங்கியிருப்பதாகத் தெரிகின்றது
இதற்கு தி.மு.க.-வின் சில வற்புறுத்தல்களும் காரணம் என்கிறார்கள் டில்லி விஷயம் அறிந்தவர்கள்.

தி.மு.க. வற்புறுத்தல் என்ன?
வெளிப்படையான தி.மு.க. – காங்கிரஸ் உறவில் சலனம் ஏதும் இல்லாமல் இருப்பதுபோல தோன்றினாலும், உள்ளே விவகாரம் இழுபறியில் உள்ளது. கனிமொழிக்கு ஜாமீன் கிடைத்தபின், தமக்கு உரிய இரு மத்திய அமைச்சர் பதவிகளையும் கேட்டு வற்புறுத்தத் தொடங்கியுள்ளது தி.மு.க. அதுவும், தி.மு.க. வைத்திருந்த அதே துறைகளைக் கொடுக்க வேண்டும் என்ற கோரிக்கை சென்னையில் இருந்து போயிருப்பதாக தெரிகின்றது.

இது காங்கிரஸ் மேலிடத்துக்கு கட்டோடு பிடிக்கவில்லை.
சமீபத்தில் மத்திய நிதி அமைச்சர் பிரணாப் முகர்ஜி சென்னை வந்திருந்தார். அவர் எப்போது சென்னை வந்தாலும் கருணாநிதியைச் சந்திப்பது வழக்கம். வந்தவர் தனிப்பட்ட விஜயமாக வரவில்லை. சில பொது நிகழ்ச்சிகளிலும் காங்கிரஸ் சார்பில் கலந்து கொண்டார். ஆனால் கருணாநிதியைச் சந்திக்காமல் டில்லி திரும்பிவிட்டார்.

பிரணாப் முகர்ஜியின் நடவடிக்கை கோபாலபுரத்தை திகைக்க வைத்தது. ஆனால் கருணாநிதி ரியாக்ஷன் ஏதும் காட்டவில்லை. அது தற்செயலாக நடந்தது என்று விட்டுவிடலாம் என்று தம்மை தாமே சமாதானம் செய்து கொண்டார்.

ஆனால், காங்கிரஸ் தலைமையில் உத்தரவின்படியே பிரணாப் பாராமுகமாக திரும்பிச் சென்றார் என்று தி.மு.க. புள்ளி ஒருவரிடம் டில்லி இப்போது நேரடியாகவே சொல்லிவிட்டது. அரசியலில் இப்படியான பாராமுகம் ஒன்றில் தொடங்குவதுதான் பிரிவு.

தி.மு.க. உள்விவகாரம் அறிந்தவர்கள், மத்தியில் அமைச்சுகளை கோருவதில் கலைஞருக்கு விருப்பம் இல்லை என்கிறார்கள். கனிமொழிக்கு தற்போது கிடைத்திருப்பது வெறும் ஜாமீன்தான். கேஸ் முடியும்வரை மத்திய அரசுக்கு நெருக்கடி கொடுக்காமல் இருப்போம் என்பது அவரது விருப்பம். ஆனால், ராசாத்தி அம்மாள் தரப்பு, ஏற்கனவே இரு அமைச்சுப் பதவிகளையும் தமக்கு உதவி செய்தவர்களுக்கு பெற்றுத் தருவதாக வாக்குறுதி கொடுத்துவிட்டது.

அவர்கள் இருவரை ரெக்கமென்ட் செய்தால், ஸ்டாலின் தரப்பு சும்மா இருப்பார்களா? அவர்கள் தம் பங்குக்கு வேறு இருவரைச் சுட்டிக் காட்டுகிறார்கள். இவர்கள் இழுத்த இழுப்பில் சிக்கிக்கொண்ட கருணாநிதி, இரு அமைச்சுப் பதவிகளை தி.மு.க.-வுக்கு கொடுக்க வேண்டும் என்று வற்புறுத்த வேண்டியதாகி விட்டது. வற்புறுத்தியும் விட்டார்.இதிலுள்ள மற்றொரு விசேஷம், இவர்கள் வைத்திருக்கும் பட்டியலில் இருப்பவர்கள், டில்லியால் ஏற்கனவே ‘நோ’ சொல்லப்பட்டு ஒதுக்கப்பட்ட ஆட்கள்!

போகிற போக்கில், கருணாநிதி வீட்டைவிட்டு வனவாசம் போனால்தான், ஒழுங்காக கட்சி நடத்தலாம் போலிருக்கிறதே!

தகவல் பகிர்வு - தமிழ் வாரஇதழ் செய்திகள் - நன்றி http://viruvirupu.com/congress-plans-to-stay-away-from-dmk/13379/

யப்பா..இந்த அரசியல்வாதிகள் எப்போ என்ன செய்வாங்காண்ணு கணிக்கவே முடியாது.....