அபிஷேக்பச்சன் கால்ஷீட் இந்திக்கு போகும் ரஜினி மகள்

by **பிரசன்னா** Thu Jan 19, 2012 3:21 pm

அபிஷேக்பச்சன் கால்ஷீட் இந்திக்கு போகும் ரஜினி மகள்

அக்கா தங்கை ரெண்டு பேரில் யார் புலி, யார் புளியோதரை என்கிற நிரூபிக்கிற நேரம்வந்துவிட்டது. தங்கை சவுந்தர்யா புலி வேக பாய்ச்சல் காட்டிக் கொண்டிருக்கும்போது அமைதியாக தன் குழந்தைக்கு தாலாட்டு பாடிக் கொண்டிருந்தவர் ஐஸ்வர்யா.

இப்போது சவுந்தர்யாவை எங்கே என்றே காணோம். (சுல்தான் வரும்போது பார்த்துக் கொள்ளலாம்) ஐஸ்வர்யாவின் மேளம்தான் ஊரெல்லாம் முழங்கிக் கொண்டிருக்கிறது. அதுவும் ஆர்ப்பாட்டமான கொலவெறியோடு...

அபிஷேக்பச்சன் கால்ஷீட் இந்திக்கு போகும் ரஜினி மகள் Aishwarya_dhanush02

அபிஷேக்பச்சன் கால்ஷீட் இந்திக்கு போகும் ரஜினி மகள் Aishwarya_dhanush02

ஐஸ்வர்யா இயக்கிக் கொண்டிருக்கும் 3 படத்தின் பாடல்களுக்கு உள்ளூரில் ஊறுகாய் வியாபாரிகள் கூட கண்டனம் தெரிவித்து விட்டார்கள். ஆனால், மும்பை மற்றும் வெளிநாட்டில் இப்பாடலை ஜீராவில் ஊற வைத்து செமத்தியாக மென்று கொண்டிருக்கிறார்கள். அப்படி இந்த பாடலில் விழுந்தவர்தான் ஆறடி உயர அமிதாப்பின் செல்ல மகன் அபிஷேக் பச்சன். ஐஸ்வர்யாவை மும்பைக்கே வரவழைத்து கதை கேட்டாராம். தான் இயக்கிக் கொண்டிருக்கும் 3 படத்தின் கதையை அபிஷேக் பச்சனுக்கு சொல்லியிருக்கிறார் இவரும்.

இதே படத்தை இந்தியில் ரீமேக் செய்யலாம். நீங்களே இயக்குங்கள். ஆனால் ஒரு கண்டிஷன், இந்த கொலவெறி பாட்டு அந்த இந்தி ரீமேக்கிலும் இருக்கணும் என்றாராம் அவர். ஒரே படம், அதுவும் இன்னும் வெளிவரக்கூட இல்லை. அதற்குள் மும்பை ஏரியாவில் இவருக்கு வைக்கப்பட்டிருக்கும் வரவேற்பு வளைவு, தமிழ்சினிமாக்காரர்களை அதிர்ச்சியோடு கவனிக்க வைத்திருக்கிறது.

தெரிஞ்சு அடிச்சா தாளம். தெரியாமல் அடிச்சா கிழிஞ்சுதுடா மேளம்...

தகவல் பகிர்வு - தமிழ் வாரஇதழ் செய்திகள்