அறுந்த செருப்பின் அழுகை

Anandaravi · Anandaravi Thu 19 Jan 2012 - 4:19

அறுந்த செருப்பின் அழுகை

கால் வலிக்க நடந்து
கடைக்குத்தான் வறீங்க
காசுகொடுத்து கச்சிதமா
காலுக்கு வாங்கித்தான் போறீங்க

பயணம் போகும் பக்கமெல்லாம்
பாரத்தத்தான் சுமக்கிறோம்
பணம்கொடுத்த நன்றிக்காக
பாதத்தையும் காக்கிறோம்

உழைப்புக்கும் உதாரணமாய்
உயர்வாக மதிக்கிறோம்
கல்லும்முள்ளும் காயம் பட்டு
கண்டதெல்லாம் மிதிக்கிறோம்

ஒற்றுமையை உணர்த்தவே
ஒன்றாக நடக்கிறோம்
வெயிலிலே வெந்து நொந்தாலும்
வெளியிலதானே கிடக்கிறோம்

திருமண வீடு திருவிழாவில்
திருடுதானே போகிறோம்
கால் மாறி போவதாலே
கடிச்சுதானே உணர்துறோம்

செருப்பா தெயுறோமுனு
பொறுப்பா பெயர் எடுக்கிறோம்
வெறுப்பாக மிதித்தாலும்
மறுக்காம மதித்து நடக்கிறோம்

வாசலிலே கிடந்தாலும்
வாழும் வரை தேயுறோம்
ஓரமாய் ஒதுக்கினாலும்
ஒரே இடத்தில்தானே கூடுறோம்

நாய் கடிச்சா விஷம் இறக்க
நாங்கதானே உதுவுறோம்
காதறுந்து போனாலே
கடைத்தேருவில்தானே கிடக்கிறோம்

நன்றி கேட்ட மனிதனாலே
நாதியற்று போகிறோம்
நடுவீதியிலே நாங்களும்தான்
நாய் கடித்து சாகுறோம்

.............ஆனந்தரவி