எங்கள் ராணுவ பலத்தை பார்த்து இந்தியா பயப்பட தேவையில்லை - சீனா ஆறுதல்

எங்கள் ராணுவ பலத்தை பார்த்து இந்தியா பயப்பட தேவையில்லை - சீனா ஆறுதல்

பிஜிங், காஷ்மீர் பிரச்னைக்கு இந்தியாவும், பாகிஸ்தானும் பேச்சு மூலம் அமைதியான தீர்வு காண வேண்டும் என்றும், சீனாவின் ராணுவ பலத்தைப் பார்த்து இந்தியா அச்சப்படத் தேவையில்லை என்றும் சீன அமைச்சர் ஹுஷென்கயூ கூறினார்.

சீனாவின் 60வது நிறுவன நாள் அக்டோபர் 1ல் கொண்டாடப்படுகிறது. இதையட்டி, ராணுவ பலத்தை காட்ட நவீன அணு ஆயுதங்கள், மற்றும் ஏவுகணைகளுடன் பிஜிங்கில் பிரமாண்டமான ராணுவ அணிவகுப்பு நடக்கிறது.இதையட்டி சீன வெளியுறவுத் துறையில் ஆசிய விவகாரங்களுக்கு பொறுப்பு ஏற்கும் துணை வெளியுறவு அமைச்சர் ஹுஷென்கயூ பிஜிங்கில் சர்வதேச பத்திரிகையாளர்களுக்கு நேற்று பேட்டி அளித்தார். அப்போது அவர் கூறியதாவது:

சீனா ஒரு பரந்த நாடு. எங்கள் மக்கள் தொகை 1.3 பில்லியன். எனவே எங்களது பாதுகாப்புக்காக சில புதிய வகை ஆயுதங்களை வைத்துள்ளோம். எங்களது தேசிய ராணுவக் கொள்கை வெளிப்படையானது. 52 வகையான புதிய ஆயுதங்களை அக்டோபர் 1ம் தேதி பார்வைக்கு வைப்போம். மரபு ரீதியிலான அணு ஆயுதங்கள், அணு ஏவுகணைகள், ஜெட் விமானங்கள், ரேடார் கருவிகள், தரையில் இருந்து விண்ணில் பாய்ந்து தாக்கும் ஏவுகணைகள் போன்றவை ராணுவ அணிவகுப்பில் இடம் பெறும்.

இதைப் பார்த்து இந்தியா உட்பட எந்த அண்டை நாடும் அச்சப்படத் தேவையில்லை. இந்தியாவுக்கும் சீனாவுக்கும் இடையிலான அரசியல் நம்பிக்கை அதிகரித்துள்ளது. வரலாற்றில் விடப்பட்டுள்ள சில பிரச்னைகளுக்கு இரு தரப்பிலும் நட்பு ரீதியில் பேச்சு நடத்தி பரஸ்பர ஒத்துழைப்புடன் தீர்வு காண்போம். சீனாவில் ஆயுதங்கள் மிகவும் அதி நவீனமானவை அல்ல. விமானம் தாங்கி கப்பல் கூட எங்களிடம் கிடையாது.

பத்தாண்டுகளுக்கு முந்தைய இந்தியா-சீனா உறவை நினைத்துப் பார்ப்பது கஷ்டம் தான். ஆனால், இன்று இரு நாடுகளும் கூட்டாக போர் பயிற்சி செய்யலாம். இந்தியாவைத் தவிர எல்லா அண்டை நாடுகளுடனான எல்லைப் பிரச்னைக்கு தீர்வு கண்டு விட்டோம். வரலாற்றால் விடப்பட்ட இந்த எல்லைப் பிரச்னையை ஒரே இரவில் தீர்த்து விட முடியாது. ஆனால், இதற்கு தீர்வு காண முடியும் என்ற நம்பிக்கை எங்களுக்கு உள்ளது. இதற்கான பாதையை வரலாறு காட்டுகிறது என்றார்.

இந்தியாவுடனான எல்லைப் பிரச்னை குறித்து சீன அமைச்சர் பதிலளித்தபோது, பாகிஸ்தான் நிருபர் குறுக்கிட்டு, காஷ்மீர் பிரச்னைக்கு தீர்வு காண சீனா உதவுமா? என்று கேட்டார்.
இதற்கு சீன அமைச்சர் ஹூ பதில் அளிக்கையில், காஷ்மீர் பிரச்னையில் சீனா மத்தியஸ்தம் செய்யாது. காஷ்மீர் இரு தரப்பு பிரச்னை. இதற்கு இந்தியாவும், பாகிஸ்தானும் நட்பு அடிப்படையில் பேச்சு மூலம் தீர்வு காண வேண்டும். ஒரு நட்பு நாடு என்ற முறையில் எங்களது இரு அண்டை நாடுகளிடையே பேச்சில் முன்னேற்றம் ஏற்பட்டால் மகிழ்ச்சி அடைவோம். இதற்காக சீனா ஆக்கப்பூர்வமாக பணியாற்ற முடிந்தாலும் மகிழ்ச்சி தான் என்றார்.

என்ன இப்படி சப் என்று ஆகிவிட்டதே