ரயில் குஞ்சுகள்

**ரா.ரா3275** · **ரா.ரா3275** Wed 18 Jan 2012 - 20:21

தெரிந்துகொண்டேன்
அந்த ரயிலடி வந்ததும்
ரயில் பயணம்-ஒரு
ரகசிய சுகமென்று

ஓர் இருக்கையில் அமர்ந்து
எதிர் இருக்கையில்
இருகால் நீட்டி
தொங்கும் படுக்கையில்
தூங்காமல் தூங்கி
ஜன்னலில் கைவைத்து
சாயாமல் சாய்ந்து
இப்படியும் அப்படியும்
ஆடாமல் ஆடி
அடடா!
அது ஓர் ஆனந்த சுகம்!

அர்த்தம் விளங்கும்
ஆனந்த சுகம் இருக்கட்டும்
ரயில் பயணம்-ஒரு
ரகசிய சுகம்
அதெப்படி?

ரயில் பயணத்தின்
ரகசியம் உடைத்தவர்களே!
சொல்லுங்கள்...
இந்தக் கேள்விக்கு
என்ன பதில்?

எதிரெதிர் இருக்கைகளை
இணைத்து
முகம் பார்த்து அமர்ந்தீர்களே
அதுவா?

உன் சுடிதாருக்குள் புகுந்ததால்
சூடாய் வெளிவந்ததே தென்றல்
அதுவா?

உன் சிவந்த உதடுகளை-நீ
சுழித்துச் சிரிக்க
சுளுக்கிக் கொண்டதே அவனுக்கு
அதுவா?

உன்
சந்தனக் குங்கும அழகு
ஆணிவேர்வரை அசைத்ததே அவனை
அதுவா?

உன் கணுக்கால் கொலுசு
அவன் பாதத்தை ஸ்பரிஷித்ததே
அதுவா?

காமத்தை வழித்துவிட்டுக்
காதலை நிரப்பிக் கொண்டனவே
உங்கள் கண்கள்
அதுவா?

பேசாமல் பேசும்
ஒப்பந்தத்தை
உறுதி செய்தீர்களே
அதுவா?

அவனுக்கு நீ
மலை காட்டி மகிழ்ந்தாயே
அதுவா?

இடையில் எதிர்ப்பட்டதே
அந்த நதி-
அதனிரு கரைகளிலிருக்கும்
தாவரதேசங்கள்
உங்களுக்குத் தலைவணங்கினவே
அதுவா?

இந்தப் பயணநெருக்கம்
இறவாமல் இருக்கவேண்டுமென
இறைஞ்சினீர்களே
அதுவா?

இந்த முப்பது நிமிடப்
பயணத்தில்
நீங்கள் உங்கள்
மூலம் உணர்ந்தீர்களே
அதுவா?

“எது
அந்த ரகசிய சுகம்?”
இப்படி கேட்கும் உலகம்

சொல்லிவிடாதீர்கள்
ஜோடிப் புறாக்களே!
நீங்கள் சொல்லாமல்
போனால்தான்-அதன்
அர்த்தம் அடர்த்திகொள்ளும்!

(சென்னையில் இருந்து மேட்டுப்பாளையம் சென்றபொழுது
WEST COAST விரைவு ரயிலில் காட்பாடியில் ஏறி ஜோலார்பேட்டையில்
இறங்கியவர்கள் அந்த ஜோடிப்புறாக்கள்)

கார்த்திக்.எம்.ஆர் · 26/11/2011

அருமையான கவிதை அண்ணா.. புன்னகை

ஒரு காதல் பயணம்.. புன்னகை

முப்பது நிமிடத்தில் முடியும் பயணத்தில்
முடிவில்லா ஒரு உறவு சூப்பருங்க

**ரா.ரா3275** · **ரா.ரா3275** Wed 18 Jan 2012 - 20:55

கார்த்திக்.எம்.ஆர் wrote:அருமையான கவிதை அண்ணா..
ஒரு காதல் பயணம்..
முப்பது நிமிடத்தில் முடியும் பயணத்தில்
முடிவில்லா ஒரு உறவு

நன்றி தம்பி கார்த்திக்...

**ரா.ரா3275** · **ரா.ரா3275** Wed 18 Jan 2012 - 23:02

அந்த ஜோடிப்புறாக்கள் எங்கிருந்தாலும் அதே சந்தோஷத்தோடு இருக்க என் வாழ்த்துகள்

அசுரன் · அசுரன் Wed 18 Jan 2012 - 23:55

அடேய்ங்கப்பா 30 தே நிமிடத்தில் ஒரு செட்டு ஜோடி புறாக்கள் ரெடியாயிடுச்சி... அற்புதமான கவிதை வரிகள் ராரா... பாராட்டுகள்.

**ரா.ரா3275** · **ரா.ரா3275** Thu 19 Jan 2012 - 0:00

அசுரன் wrote:அடேய்ங்கப்பா 30 தே நிமிடத்தில் ஒரு செட்டு ஜோடி புறாக்கள் ரெடியாயிடுச்சி... அற்புதமான கவிதை வரிகள் ராரா... பாராட்டுகள்.

அவர்கள் பயண நேரமே 30 நிமிடம்தான்...நான் பார்த்ததும் அவ்வளவுதான்...அந்த அன்னியோன்யம் என்னை ஈர்த்தது...
நன்றி அசுரன் அவர்களே...

**இளமாறன்** · **இளமாறன்** Thu 19 Jan 2012 - 0:21

அழகான கவிதை அன்பு மலர்

அந்த இயற்க்கை காற்று கூட சுடுகிறதே ஒன்னும் புரியல

**ரா.ரா3275** · **ரா.ரா3275** Thu 19 Jan 2012 - 0:24

இளமாறன் wrote:அழகான கவிதை

அந்த இயற்க்கை காற்று கூட சுடுகிறதே

நன்றி இளமாறன் அவர்களே...
காதல் என்றால் காற்றும் சூடாகும்தானே?...

**இளமாறன்** · **இளமாறன்** Thu 19 Jan 2012 - 0:29

RaRa3275 wrote:
இளமாறன் wrote:அழகான கவிதை

அந்த இயற்க்கை காற்று கூட சுடுகிறதே

நன்றி இளமாறன் அவர்களே...
காதல் என்றால் காற்றும் சூடாகும்தானே?...

உங்கள் பொறாமை கொண்ட மனது தென்றலை சுட வைத்து விட்டதோ சிரி

**ரா.ரா3275** · **ரா.ரா3275** Thu 19 Jan 2012 - 0:37

இளமாறன் wrote:
RaRa3275 wrote:
இளமாறன் wrote:அழகான கவிதை

அந்த இயற்க்கை காற்று கூட சுடுகிறதே

நன்றி இளமாறன் அவர்களே...
காதல் என்றால் காற்றும் சூடாகும்தானே?...

உங்கள் பொறாமை கொண்ட மனது தென்றலை சுட வைத்து விட்டதோ

ஹாஹா...பொறாமையா?...எனக்கா?...
ஆமா...லைட்ட்ட்டா...
ஓகே!!!!

Sponsored content · Sponsored content

ரயில் குஞ்சுகள்

ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

Re: ரயில் குஞ்சுகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக