கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!

by kitcha Wed Jan 18, 2012 5:42 pm

கள்ளக்குறிச்சி அருகே பொங்கல் கபடி போட்டியிலிருந்து வெளியேற்றப்பட்ட ஆத்திரத்தில், குடிநீர் கிணற்றில் விஷம் கலந்து கிராமத்தினரை கொல்ல முயன்ற, சம்பவம் பெரும் பரபரப்பை ஏற்படுத்தியுள்ளது.

விழுப்புரம் மாவட்டம், கள்ளக்குறிச்சி அடுத்த ரங்கநாதபுரத்தில் பொங்கல் பண்டிகையை முன்னிட்டு, கிராம அளவிலான கபடி போட்டிகள் நேற்று முன்தினம் நடந்தது.

மாரியம்மன் கோவில் முன் நடந்த போட்டியில் ராயபுரம், அணைகரைகோட்டாலம், மட்டியகுறிச்சி, ஆலத்தூர், நூரோலை, சிறுவங்கூர் உள்ளிட்ட, 30 கிராமங்களைச் சேர்ந்த அணியினர் பங்கேற்றனர்.

நேற்று முன்தினம் இரவு 8.30 மணிக்கு நூரோலை - சிறுவங்கூர் காலனி அணிகள் மோதின. அப்போது பிரச்னை ஏற்பட்டதால் கபடி போட்டியிலிருந்து இரு அணிகளும் வெளியேறுமாறு ஊர் பிரமுகர்கள் தெரிவித்துள்ளனர்.

இதையடுத்து நூரோலை அணியினர் கபடி போட்டியிலிருந்து வெளியேறினர். ஆனால், சிறுவங்கூர் காலனி அணி கேப்டன் பாஸ்கர் தலைமையிலான அணி வீரர்கள் சந்திரபோஸ், சூர்யா உள்ளிட்டோர் போட்டியிலிருந்து வெளியேற முடியாதென கூறி தகராறு செய்ததால் மோதல் உருவாகும் சூழல் ஏற்பட்டது.

இதன் பின் கபடி போட்டியிலிருந்து, சிறுவங்கூர் காலனி அணியினரும் வெளியேற்றப்பட்டனர். இதனால் ஆத்திரமடைந்த அந்த அணி வீரர்கள், நாளை ரங்கநாதபுரம் கிராமமே அழப்போகிறது என மிரட்டியுள்ளனர்.

ரங்கநாதபுரம் ஊர் மற்றும் காலனியில் உள்ள, 3,000 குடும்பத்தினருக்கு உள்ள இரண்டு குடிநீர் டேங்கிற்கு, ஊருக்கு செல்லும் வழியில் உள்ள கிணற்றில் இருந்து தண்ணீர் ஏற்றப்பட்டு வருகிறது.

வழக்கம் போல் டேங்க் ஆபரேட்டர் கொளஞ்சி நேற்று அதிகாலை 4.30 மணிக்கு 60 ஆயிரம் லிட்டர் கொள்ளளவு கொண்ட இரண்டு மேல்நிலை குடிநீர் தேக்க தொட்டிக்கும் பம்ப் செட் மூலம் தண்ணீர் நிரப்பியுள்ளார்.

அப்போது நீரேற்றும் குழாய் வால்வு பகுதியில் கசிந்த குடிநீரில், ஆபரேட்டர் கொளஞ்சி முகம் கழுவியுள்ளார். நீரில் மருந்து நாற்றம் வந்ததை கண்டு அதிர்ச்சியடைந்து அவர் மோட்டாரை நிறுத்திவிட்டு மக்களிடம் தகவல் தெரிவித்தார்.

கிணற்று பகுதியில் குவிந்த மக்கள், கிணற்றில் மருந்து ஊற்றியதன் அடையாளம் இரும்பு வளைகளில் இருப்பதை பார்த்து தேடினர்.

கிணற்றுக்கு அருகே உள்ள கரும்பு தோட்டத்தில் 250 மி., 500 மி., ஒரு லிட்டர் அளவு கொண்ட பூச்சி மருந்து டப்பாக்கள் மூன்றும், எலி மருந்து பாக்கெட் கவர்கள் மூன்றும் காலியாக கிடந்ததை கண்டுபிடித்தனர்.

கள்ளக்குறிச்சி போலீசார் விசாரணை நடத்தினர். கிணற்றில் இருந்த தண்ணீரை ஆய்வுக்காக எடுத்துச் சென்றனர்.

இதையடுத்து கிணற்றில் உள்ள தண்ணீர் முழுவதும் மூன்று மின் மோட்டார்கள் அமைத்து வெளியேற்றப்பட்டு வருகிறது.கபடி போட்டியிலிருந்து வெளியேற்றப்பட்ட ஆத்திரத்தில், சிறுவங்கூர் காலனி அணி வீரர்கள் கிணற்றில் விஷம் கலந்து ஊரையே அழிக்க முயற்சித்துள்ளதாக கிராம மக்கள் புகார் தெரிவித்தனர்.

கள்ளக்குறிச்சி போலீசார், கிணற்றில் விஷம் கலந்த சிறுவங்கூர் காலனியைச் சேர்ந்தவர்களைப் பிடித்து விசாரித்து வருகின்றனர்.

tamilcnn

by **ராஜா** Wed Jan 18, 2012 6:38 pm

கொய்யால .... நீங்க தாண்டா வீரத்தமிழன்.... என்ன கொடுமை சார் இது

அப்படியே காவிரியில் விஷத்த கலந்து கர்நாடக காரண கொன்னுடு , இந்தியபெருங்கடல்ல விஷத்த கலந்து இலங்கைய கொன்னுடு. இது தெரியாம போச்சே இவ்வளவு நாள் நம்ம ஆளுங்களுக்கு

by அசுரன் Wed Jan 18, 2012 9:45 pm

ராஜா wrote:கொய்யால .... நீங்க தாண்டா வீரத்தமிழன்....

அப்படியே காவிரியில் விஷத்த கலந்து கர்நாடக காரண கொன்னுடு , இந்தியபெருங்கடல்ல விஷத்த கலந்து இலங்கைய கொன்னுடு. இது தெரியாம போச்சே இவ்வளவு நாள் நம்ம ஆளுங்களுக்கு

செய்தியை விட உங்க பின்னூட்டம் படு சூப்பர்.. இதையே நானும் தட்டச்சலாமுனு வந்தா சியர்ஸ்

by Sponsored content

கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!

கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!

Re: கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!

Re: கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!

Re: கபடிப் போட்டியில் தகராற்றினால் கிணற்றில் விசம் கலந்து மக்களைக் கொல்ல சதி!!