யாராலும் என்னை சாய்க்க முடியாது : கருணாநிதி கோபம்

by மகா பிரபு Wed Jan 18, 2012 3:57 pm

"" இயற்கையைத் தவிர, என்னை யாராலும் சாய்க்க முடியாது,'' என, தி.மு.க., தலைவர் கருணாநிதி கூறியுள்ளார். இதுகுறித்து அவர் நேற்று வெளியிட்ட அறிக்கை: வெற்றி, தோல்வி மாறி, மாறி வரக் கூடியவை. எம்.ஜி.ஆர்., காலத்தில் நாடாளுமன்றத் தேர்தலிலும், ஜெயலலிதா அ.தி.மு.க.,வுக்கு தலைமையேற்ற பின், 1996 மற்றும் 2006லும் சட்டசபை தேர்தல்களில் அ.தி.மு.க., படுதோல்விகளைச் சந்தித்துள்ளது. பர்கூர் தொகுதியில், ஜெயலலிதாவும் தோல்வியடைந்துள்ளார். எனவே, அ.தி.மு.க.,வை யாராலும் சாய்க்க முடியாது என ஜெயலலிதா கூறியிருப்பது உண்மைக்குப் புறம்பானது. என்னை, வேரோடு சாய்த்துவிட்டேன் என்றும் அவர் கூறியுள்ளார். இயற்கையைத் தவிர என்னை யாராலும் சாய்க்க முடியாது. தீயசக்தி என்று ஜெலலிதா என்னைக் குறிப்பிடுகிறார். அவருக்கு, ஈ.வெ.ரா., அண்ணாதுரை மற்றும் எம்.ஜி.ஆர்., ஆகியோர் என்னைப் பெருமைப்படுத்திக் கூறியவற்றை நினைவு கூறுகிறேன். எனவே, என்னைப் பற்றி ஜெயலலிதா கூறுவதை மக்கள் ஏற்கமாட்டார்கள்.

"என் குடும்பம், என் மனைவி, என் மக்கள்' என்று சுயநலமியாக நான் உள்ளேன் என, ஜெயலலிதா கூறியுள்ளார். ஆனால், "எனக்கு எல்லாமே என் உடற்பிறவா தோழிதான்' என, கூறிவிட்டு, கஷ்ட காலத்தில் எல்லாம் அவரோடு குடும்பம் நடத்திவிட்டு, வாழ்வு வந்ததும் விரட்டியடிக்கும் சுயநலமி, நான் அல்ல.

தானே புயலில் பாதிக்கப்பட்ட மக்களுக்கு, இரண்டு நாள்கள் காரில் சென்று ஆறுதல் கூறினேன். ஆனால், ஜெயலலிதாவைப் போல ஹெலிகாப்டரில் பயணம் செய்து, பத்தரை நிமிடத்தில் நிகழ்ச்சியை முடித்துத் திரும்பவில்லை. நகர்ப்புற வளர்ச்சித் திட்டத்துக்கு, 6,654 கோடி ரூபாய் ஒதுக்கி, அதில் முதல் கட்டமாக, 757 கோடி ரூபாயை முதல்வர் வழங்கியுள்ளார் என, புதிய அறிவிப்புகள் போல் செய்திகளை வெளியிடுகின்றனர். இத்திட்டம், தி.மு.க., ஆட்சியின் போதே, உலக வங்கி நிதியுதவியடன், 1,414 கோடி ரூபாயில் நகராட்சிகளின் அடிப்படை வசதித் திட்டங்கள் என, செயல்படுத்தப்படுகின்றன. பொதுவாக, நிதி நிலை அறிக்கையில் தான் திட்டங்கள் அறிவிக்கப்படும். பின்னர், அதற்கு அரசு ஆணைகள் வெளியிடப்படும். இந்நிலையில், ஏற்கனவே, அறிவித்த திட்டங்களை, புதிய திட்டங்கள் போல கூறுகின்றனர். தி.மு.க., ஆட்சியில் குடிசைகளை, கான்கிரீட் வீடுகளாக மாற்றும் திட்டம் அறிவித்து பணிகளும் தொடங்கப்பட்டன. இப்போது, அத்திட்டத்தை பசுமை வீடுகள் திட்டம் என அறிவித்து, 60 ஆயிரம் வீடுகள், இந்த நிதியாண்டி ல் கட்டப்படும் என கூறினர். ஆனால், ஏழு வீடுகளைத் தான் கட்டியுள்ளனர். இவ்வாறு கருணாநிதி கூறியுள்ளார்.

dinamalar

by யினியவன் Wed Jan 18, 2012 4:40 pm

கனிமொழி உங்கள சாச்சுப்புட்டாங்களே தலைவரே - மறந்துட்டீங்களா?
இல்ல சாஞ்சவன திரும்பவும் சாய்க்க முடியாதுன்னு சொல்ல வாரீகளா?

by **ராஜா** Wed Jan 18, 2012 4:48 pm

இதுக்கு மேல சாய்க்குறதுக்கு என்ன இருக்கு ??? என்ன கொடுமை சார் இது

by பாலாஜி Wed Jan 18, 2012 4:49 pm

உங்களால் தமிழன் சாய்ந்து கீழே விழுந்துவிட்டான் ..

by **இளமாறன்** Wed Jan 18, 2012 4:56 pm

கர்வம் ஓவரா இருக்கே .. இந்த வயதிலே இது எல்லாம் தேவை தானா சோகம்

by சார்லஸ் mc Wed Jan 18, 2012 5:18 pm

இளமாறன் wrote:கர்வம் ஓவரா இருக்கே .. இந்த வயதிலே இது எல்லாம் தேவை தானா

சாதனை செய்தவா்கள் சற்று கா்வம் படத்தானே செய்வாா்கள் நண்பரே.

by உதயசுதா Wed Jan 18, 2012 5:41 pm

சார்லஸ் mc wrote:
இளமாறன் wrote:கர்வம் ஓவரா இருக்கே .. இந்த வயதிலே இது எல்லாம் தேவை தானா

சாதனை செய்தவா்கள் சற்று கா்வம் படத்தானே செய்வாா்கள் நண்பரே.

ஆமாமா தமிழ்நாட்டுக்கு இவர் செய்த சாதனை அளப்பரியது சார்லஸ்.
அது மட்டுமா உண்ணாவிரதம் இருந்து இலங்கையில் நடந்த போரை நிறுத்தியவர்.இன்னும் எத்தனையோ சாதனைகள் செய்து இருக்கார் இல்ல.நாங்க மறந்துட்டோம். என்ன பண்றது சார்லஸ். அவரு செய்த சாதனைகள் ஒன்றா இரண்டா நினைவில் வைக்க.

by Guest Wed Jan 18, 2012 8:17 pm

என்னங்க பிரபு நகைசுவை பகுதியில் போட வேண்டியதை இங்கே போட்டு விட்டீர்களே சிரி

..

by அசுரன் Wed Jan 18, 2012 8:29 pm

நானும் கருணாவை ரொம்ப நம்பியவன்... அவரை ரொம்ப பிடிக்கும்... எனது அப்பாவிற்கு அவரை அளவுக்கு அதிகமாக பிடிக்கும், இறந்தால் அவர் மீது தி.மு.க கொடி போற்ற வேன்டும் என்று கேட்டவர். ஆனால் கடந்த ஆட்சியின் போது தி.மு.க தமிழக மக்களுக்கு நிறைய கொடுத்திருக்கிறது. அதே சமயம் நிறைய எடுத்திருக்கிறது. ஏனோ அவரை எனக்கு இந்த முறை பிடிக்கவில்லை... இனி அவர் ஆட்சி அதிகாரத்தில் அல்லது எந்த அதிகாரத்திலும் இருக்கக்கூடாது. இன்று நாம் கட்டண சேனல்களை காசு கொடுத்து பார்க்க காரணமான அவர்கள் வாழ்க.. சோகம்