உலகை வியக்க வைத்த மேதை!

உலகப் புகழ்பெற்ற அறிவியல் மேதை சர் ஐசக் நியூட்டன். ஒருநாளில் 18 மணி நேரத்துக்கும் அதிகமாக உழைத்தவர். ஏறத்தாழ 20 ஆண்டு காலமாகத் தான் செய்த ஆராய்ச்சிகளைப் பற்றிய அத்தனை குறிப்புகளையும் ஒரு பெரிய நோட்டுப் புத்தகத்தில் எழுதி வைத்திருந்தார்.

ஒருநாள் இரவு தம்முடைய சோதனைக்கூடத்தில் ஆராய்ச்சிப் பணிகளில் ஈடுபட்டிருந்தார்.

வெளிச்சத்துக்காக மெழுகுவர்த்தியைக் கொளுத்தி வைத்துக் கொண்டு மும்முரமாக ஆராய்ச்சியில் ஈடுபட்டிருந்தார். தனது முழு கவனமும் ஆராய்ச்சியிலிருந்ததால், மெழுகுவர்த்தியை தனது நோட்டுப் புத்தகத்தின் மீது வைத்துவிட்டதை மறந்தே போய்விட்டார்.

மெழுகுவர்த்தி கொஞ்சம் கொஞ்சமாகக் கரைந்து கொண்டே வந்தது. முற்றிலுமாகக் கரைந்து போன மெழுகுவர்த்தியின் நெருப்பு அந்த நோட்டுப் புத்தகத்தில் பட்டு புத்தகமும் எரிய ஆரம்பித்தது.

அப்போதும் நியூட்டன் அதைக் கவனிக்கவில்லை. ஆராய்ச்சியில் மூழ்கிப் போயிருந்தார்.

ஆய்வுக்குறிப்பு நோட்டுப் புத்தகம் முற்றிலுமாக எரிந்தே போய்விட்டது. வெறும் சாம்பல்தான் மிஞ்சியது.

20 ஆண்டு உழைப்பு கண் இமைக்கும் நேரத்தில் எரிந்து சாம்பலாகிப் போய்விட்டது!

நியூட்டன் இனிமேல் நிலைகுலைந்து போய்விடுவார். அவருக்குப் பைத்தியம்கூடப் பிடிக்கலாம் என்று முடிவுக்கு மற்றவர்கள் வந்தனர். அவர்களால் இந்த அதிர்ச்சியிலிருந்து மீளவே முடியவில்லை!

நியூட்டனோ, கொஞ்சமும் தடுமாற்றம் இல்லாமல் இருந்தார். தனது நோட்டுப் புத்தகம் எரிந்து போனது பற்றி சிறிதளவுகூட வருத்தம் கூட இல்லாதவராக இருந்தார்.

இந்நிகழ்ச்சியைப் பற்றிக் கேள்விப்பட்டு ஆறுதல் கூற வந்த நண்பர்களிடம்-

"ஒன்றும் கெட்டுப் போய்விடவில்லை! சில ஆண்டுகள் மறுபடியும் பாடுபட்டேனாகில் இழந்த குறிப்புகளை மீண்டும் தொகுத்து எழுதிவிடுவேன்' என்றார் நிதானமாக.

சொன்னது போலவே விடாமுயற்சியுடன் உழைத்தார்.

சில ஆண்டுகளில் அத்தனையையும் தொகுத்து எழுதிவைத்தார். அவருக்குத் தன் மீதிருந்த நம்பிக்கையும் உழைப்பின் வேர்வையும் அவரை உலகம் வியக்கும் மேதையாக்கியது.

முதல் முயற்சியில் உங்களுக்கு வெற்றி கிட்டவில்லையா? முயற்சி செய்வதை மட்டும் நிறுத்திவிடாதீர்கள்! வெற்றி கிட்டும் வரை முயற்சி செய்துகொண்டே இருங்கள். விடாமுயற்சியும் உழைப்பும் மன உறுதியும் இருந்தால் நீங்களும் நியூட்டனைப் போல சாதிக்கலாம்!

எம்.அமிர்தகெளரி

மேதைகள் மேதைகள்தான்.
இப்படி அவா்கள் சிந்தித்து பேசி, தீா்க்கமான முடிவெடுப்பதினால்தான் அாிய பொிய சாதனைகளை இவா்களால் சாதிக்க முடிகிறது.

நல்ல பதிவு

அனைவருக்கும் வணக்கம்
நல்ல பதிவு. அந்த நாயின் பெயர் டயமண்ட். அந்த நாயைப் பார்த்து சர் ஐஸக் ந்யூட்டன் சொன்ன வார்த்தைகள்" டயமண்ட்! நீ என்ன செய்தாய் தெரியுமா?" என்பதே.
என்றும் மாறா அன்புடன்
நந்திதா