மூங்கில் தாவரங்கள்

by **ரா.ரா3275** Wed Jan 18, 2012 1:32 am

எங்களுக்கும்
பாரம் சுமக்கத் தெரியும்-
ஏறிக் கொள்ளுங்கள்

எங்களுக்கும்
வளையத் தெரியும்-
ஏறி ஊஞ்சலாடுங்கள்

எங்களுக்கும்
அமைதி காக்கத் தெரியும்-
அடிமைகளாக்குங்கள்

எங்களுக்கும்
வாசிக்கத் தெரியும்-
கெட்ட வார்த்தைகளைக்
கற்றுக் கொடுங்கள்

எங்களுக்கும்
கைகளுண்டு-
விலங்கிடுங்கள்

எங்களுக்கும்
குரல்வளையுண்டு-
அறுத்துவிடுங்கள்

எங்களுக்கும்
சுவாசமுண்டு-
நிறுத்திவிடுங்கள்

எது வேண்டுமானாலும்
இப்போதே
செய்துகொள்ளுங்கள்
எங்களைக்கொண்டு

இறுதியாய் ஒரு செய்தி:

உண்மையில் நாங்கள்
தாவரங்கள்-
மூங்கில் தாவரங்கள்

முடிந்தவரைக் குனியும்
மூங்கில் தாவரங்கள்
ஓர்நாள்
முழுதாய் நிமிர்ந்தால்

உங்கள்
முகம் கிழிந்து-சதைப் பிய்ந்து...
.....................

உண்மையில் நாங்கள்
தாவரங்கள்-
மூங்கில் தாவரங்கள்!

by **சிவா** Wed Jan 18, 2012 4:54 am

அருமையான கவிதை! சூப்பருங்க

by **ரா.ரா3275** Wed Jan 18, 2012 3:36 pm

நன்றி சிவா avarkale...

by **ஜாஹீதாபானு** Wed Jan 18, 2012 3:39 pm

நச்சென்று வரிகள் அனைத்தும் அருமை சூப்பருங்க

by **ரா.ரா3275** Wed Jan 18, 2012 3:47 pm

ஜாஹீதாபானு wrote:நச்சென்று வரிகள் அனைத்தும் அருமை

by கவினா Sun Jan 22, 2012 8:32 pm

எப்படி ராரா உங்களால் இப்படி ஒரு அருமையான கவிதையை எழுதிவிட்டு இவ்வளவு அடக்கமாய் இருக்க முடிகிறது?
உண்மையிலேய அற்புதம் ராரா.
வாழ்த்துக்கள்

வாஞ்சையுடன் சுந்தரபாண்டி

by Guest Sun Jan 22, 2012 8:37 pm

அருமை .. தமிழில் பெயர் மாற்றம் செய்து கொள்ளலாமே !

by **இளமாறன்** Mon Jan 23, 2012 12:37 am

ஓர்நாள்
முழுதாய் நிமிர்ந்தால்

உங்கள்
முகம் கிழிந்து-சதைப் பிய்ந்து..

நல்ல கவிதை என்றாவது ஒரு நாள் விடியும் சூப்பருங்க

by **ரா.ரா3275** Mon Jan 23, 2012 8:19 pm

சுந்தரபாண்டி wrote:எப்படி ராரா உங்களால் இப்படி ஒரு அருமையான கவிதையை எழுதிவிட்டு இவ்வளவு அடக்கமாய் இருக்க முடிகிறது?
உண்மையிலேய அற்புதம் ராரா.
வாழ்த்துக்கள்

வாஞ்சையுடன் சுந்தரபாண்டி

நன்றி சுந்தரபாண்டி அவர்களே...

அடக்கமா?...எனக்கும் அதற்கும் சம்பந்தமில்லை நண்பரே...
அமைதி என்று வேண்டுமெனில் சொல்லிக்கொள்ளலாம்...
(சரியான திமிர் என்பது இதுதானே?)