வருத்தம்

கவினா · கவினா Tue 17 Jan 2012 - 18:33

First topic message reminder :

வீட்டுக்குள் நுழைந்ததுமே
தங்கச்சி கத்துவாள்.
"அம்மா
அண்ணன் வந்திரிச்சி"

அடுக்களையிலிருந்து
தனது ஈரக்கைகளை
முந்தானையால் துடைத்தபடி
ஓடிவரும் அம்மா
சோர்ந்தயென் முகத்தை பார்த்ததுமே
கேட்பாள்
"என்னய்யா ஆச்சு இண்டர்வியு"

கிடைக்கவில்லையென்பதாய்
பிதுங்குமென் உதடுகளை பார்த்து
எல்லாமுகத்திலும் சோகம்படியும்.

"இந்த வேலை இல்லன்னாயென்ன
அடுத்த வேல கண்டிப்பா கெடைக்கும்
வருத்தபடாம
வேற வேலைக்கு ட்ரை பண்ணு" -என
என் தோளில்
கை போடுவார் அப்பா.

"ம்ம் என்ன பண்றது
உனக்கு இந்த வேல கெடச்சிட்டா
அடுத்த வருஷமாச்சும்
இவ கல்யாணத்த முடிச்சிரலான்னு
நெனச்சேன்.
தள்ளிகிட்டே போகுது.
பாவம். நீயென்ன பண்ணுவ.
மனச மட்டும் தளர விட்ராதய்யா" -என
என் தாடையை பிடித்து
கெஞ்சுவாள் அம்மா.

"போனா போகட்டும் விடுண்ணா
நீ வா சாப்புடலாம்" - என
என் கையை பிடித்து
இழுப்பாள் தங்கை.

இவர்களுக்கு எப்படி புரிய வைப்பேன்.
நான் கொண்டிருக்கும் வருத்தம்
கிடைக்காமல் போன
வேலை குறித்தல்ல
இன்று கடற்கரைக்கு வராமல்போன
காதலியை நினைத்தென்று.

கவினா · கவினா Tue 17 Jan 2012 - 23:12

அசுரன் wrote:ஓ அவரா நீங்க! அப்போ உடனே சங்கத்துல சேர்ந்துடுங்க (தமாசு) சராசரி இளைஞனின் மனதை படம்பிடித்து காட்டியமைக்கு பாராட்டுகள்

ஆம் அவரேதான் நான்.
காதல்
எப்படியெல்லாம்
ஒரு மனிதனின் கண்களைப் பொத்தி
கண்ணாமூச்சி ஆடுகிறது
என்பதை
சொல்லவந்த கவிஞன்தான் நான்.
பாராட்டி எழுதிய உங்கள் பண்பிற்கு என் நெஞ்சார்ந்த நன்றி.

வாஞ்சையுடன் சுந்தரபாண்டி

கவினா · கவினா Tue 17 Jan 2012 - 23:15

சார்லஸ் mc wrote:கிடப்பதெல்லாம் கிடக்கட்டும். கிழவியை தூக்கி மனையில் வை - என்ற பழமொழி போல இருக்கிறது.
குடும்பத்தில் உள்ளவா்களின் நம்பிக்கையை தகா்ப்பது போல இருக்கிறது இந்த வாலிபனின் செயல்.
இன்றைய வாலிபா்களின் நிலையை கவிஞா் எடுத்த சொல்லியிரக்கிறாா்.
ஆரம்பம் முடிவு

ஆம்
இளைஞர்கள் போகும்பாதை
இப்படி சமூக அக்கறை,
குடும்ப அக்கறை இன்றி
உள்ளதே
என்ற என் ஏக்கம்தான்
இந்த கவிதை.
நன்றி தோழரே.

வாஞ்சையுடன் சுந்தரபாண்டி

கவினா · கவினா Fri 20 Jan 2012 - 22:59

வை.பாலாஜி wrote:அருமையான கவிதை ...

நன்றி நண்பரே

வாஞ்சையுடன் சுந்தரபாண்டி

hega · hega Sat 21 Jan 2012 - 5:06

யதார்த்த வாழ்வை உணராது கனவுலக மாயையில் சிக்கித்தவிக்கும் இன்றைய வாலிபனின் உண்மை நிலையை கடைசி வரிகளில் வெளிபடுத்தி இருகிறீர்கள்.

பாராட்டுக்கள்.

கவினா · கவினா Sat 21 Jan 2012 - 9:49

hega wrote:யதார்த்த வாழ்வை உணராது கனவுலக மாயையில் சிக்கித்தவிக்கும் இன்றைய வாலிபனின் உண்மை நிலையை கடைசி வரிகளில் வெளிபடுத்தி இருகிறீர்கள்.

பாராட்டுக்கள்.

பாராட்டிய அன்பு நெஞ்சத்திற்கு
என் நெஞ்சார்ந்த நன்றிகள்.

வாஞ்சையுடன் சுந்தரபாண்டி

கவினா · கவினா Sat 21 Jan 2012 - 9:54

RaRa3275 wrote:முடிவு கண்டிக்கத்தக்கதாய் இருக்கிறது...
ஆனால் செய்நேர்த்தி நன்றாக இருக்கிறது...
காதல் தப்பில்ல..
ஆனா அதுக்காக அலையறது சுத்தமாய் வீண்...

அந்த இளைஞனின் மீது
எனக்கு இருந்த அதே கோபத்தை
நீங்களும் வெளிப் படுத்தி இருக்கிறீர்கள்.
நன்றி.

வாஞ்சையுடன் சுந்தரபாண்டி

Sponsored content · Sponsored content

வருத்தம்

வருத்தம்

Re: வருத்தம்

Re: வருத்தம்

Re: வருத்தம்

Re: வருத்தம்

Re: வருத்தம்

Re: வருத்தம்

Re: வருத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக