சசிகலா குரூப் பணம் ஆந்திரா ஊடாக செல்வது இப்படித்தான்!

**பிரசன்னா** · **பிரசன்னா** Tue Jan 17, 2012 3:58 pm

சசிகலா குரூப் பணம் ஆந்திரா ஊடாக செல்வது இப்படித்தான்!

சசிகலா குரூப் ஆட்கள் சிலரது இடங்களில் அதிகாரபூர்வமற்ற ரெயிடுகள் நடாத்தப்பட்டது தொடர்பாக எழுதியிருந்தோம். சசிகலா அன்டு கோ வெளியேற்றப்பட்ட உடனே சில தினங்களுக்கு அப்படியான ரெயிடுகள் நடந்தன. ஆனால், சம்மந்தப்பட்டவர்கள் உஷாராகி விட்டார்கள். இவர்கள் கில்லாடித்தனமாக வேலை செய்தால், அவர்கள் கில்லாடிக்கு கில்லாடியாக வேலையைக் காட்டுகிறார்கள்.

இன்றைய தேதியில் எந்த ரெயிடு நடத்தினாலும், பெரிதாக பலன் கிடைக்காது!

சசிகலா சின்டிகேட் தொடர்புடைய ஓரிரு இடங்களில் ரெயிடு நடந்து சில பொருட்கள் கைப்பற்றப்பட்ட உடனேயே, நடராஜன் அதிரடியாக வேறு ஒரு ஏற்பாட்டை செய்து விட்டதாக சொல்கிறார்கள். அவரது நெருங்கிய வட்டத்தில் உள்ள ஒரு ஆந்திர மாநில எம்.பி. மூலமாக புதிய பாதை போட்டுவிட்டார் என்று கூறப்படுகிறது.

ரொக்கமாக இருந்தவை தமிழகத்தில் இருந்து ஆந்திர எல்லைக்குள் போய்விட்டதாக தெரியவருகிறது. தற்போது தமிழகத்தில் உள்ளவை பெரும்பாலும் அசையாச் சொத்துக்கள்தான். அவையும் வேறு யாருக்காவது கைமாறி விடலாம்.

ஆந்திர மாநில எம்.பி. ஒரு டாக்டர் என்று வைத்துக் கொள்ளுங்களேன். இவரது ‘நாடு கடந்த பிசினெஸ்’ ஆந்திர மாநில உளவுத்துறையில் நன்கு அறியப்பட்ட ஒன்று என்றாலும், அதை யாரும் தடுக்க முடியாதபடி அங்கு அரசியல் நிலைமை உள்ளது. இந்த பிசினெஸ்ஸின் சிறப்பு அம்சமே, இந்தியாவில் இருந்து ஹவாலா முறையில் பணம் வெளிநாட்டுக்கு செல்வதில்லை. வெளிநாட்டு பணத்தை (டாலர் அல்லது யூரோ) இந்தியாவிலேயே கட்டுக் கட்டாக கொடுத்து விடுவார்கள்.

இந்த லிங்க் மூலமாகவே சசிகலா குரூப்பின் பணம் தற்போது பாதுகாக்கப்படுகிறது என்பதே எமக்கு கிடைத்த தகவல். அவர்களிடமிருந்த ரொக்கத்தில் கணிசமான தொகை இப்போது இந்திய ரூபாவாக இல்லை என்கிறார்கள்.

கட்சியில் இருந்து வெளியேற்றப்பட்ட இருவர் ஆந்திராவில் உள்ள எம்.பி.-யின் பண்ணை வீடு ஒன்றில் பாதுகாப்பாக உள்ளனர். தமிழக ரிஜிஸ்ட்ரேஷனுடன் கூடிய மூன்று கார்களும் ஆந்திர பண்ணை வீட்டில் பார்க் செய்யப்பட்டுள்ளன.

வெளிநாட்டுப் பணமாக மாற்றப்பட்ட தொகை ஹைதராபாத்தில் இருந்து நள்ளிரவுக்கு சற்றுமுன் கிளம்பும் வெளிநாட்டு விமானம் ஒன்றில் இந்தியாவை விட்டு வெளியேறுவதாக தெரிகிறது. விமானம் எந்த நாட்டுக்குச் செல்கிறது என்று எழுதுவதால் எமக்குத்தான் சிக்கல், வேண்டுமானால் தட இலக்கத்தைத் தருகிறோம், நீங்களே சொந்தமாக தெரிந்து கொள்ளுங்கள். ஹைதராபாத்தில் இருந்து நள்ளிரவுக்கு சற்றுமுன் புறப்படும், தட இலக்கம் 330 உடைய விமானம் அது.

அந்த மாநில எம்.பி.-யின் ஆசி இருப்பதாலும், எம்.பி.-க்கு ஆந்திராவிலும், டில்லியிலும் செல்வாக்கு இருப்பதாலும், கரன்சி ட்ரான்ஸ்ஃபர் சுறுசுறுப்பாக நடக்கிறது என்கிறார்கள்!

தகவல் பகிர்வு - http://viruvirupu.com

சசிகலா குரூப் பணம் ஆந்திரா ஊடாக செல்வது இப்படித்தான்!

சசிகலா குரூப் பணம் ஆந்திரா ஊடாக செல்வது இப்படித்தான்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக