கருங்காலி என சொல்லகாரணம் என்ன?

செல்ல கணேஷ் · செல்ல கணேஷ் Mon Jan 16, 2012 7:59 pm

மர வகைகளில் உள்ள கருங்காலி மட்டுமே, துரோகத்தின் அடையாளமாக சொல்லபடுவதன் காரணம் அறிதலே இந்த இடுகையின் நோக்கம்.
கோடரி போன்ற மரம் வெட்டுகிற ஆயுதங்களுக்கு எல்லாம் மிக சிறந்த முறையில் கைப்பிடி செய்ய உகந்த மரம் தான்
கருங்காலி மரம். வேறு எந்த வகையையும் விட அதிகம் பயன் படுவதும் இந்த மரம் தான். ஒரு மரத்தின் வகையே மொத்த மரங்களை வீழ்த்துவதற்கு துணை புரிவதால் இந்த அவப்பெயர் கருங்காலியை பற்றிக்கொண்டது.
அதானாலேயே கூடவே இருந்து துரோகம் செய்த மனிதர்களையும் கருங்காலி என அழைக்கும் பழக்கம் உள்ளது.
கருங்காலி இந்த அவப்பெயருடனேயே பல நூற்றாண்டுகளாய் சுமையோடு வாழ்கிறது. மனிதனே ஒருமரத்தை தன் தேவைக்கு பயன் படுத்தி அந்த மரத்திற்கும் ஒரு நீங்க அவப்பெயரை கொடுத்து இழிவும் செய்வது தான் வருந்துதலுக்கு உரியது. இப்போதெல்லாம் கருங்காலி என யாராவது, யார் சொன்னாலும், கருங்காலி மரம் நம்மை நன்றி கேட்ட துரோகி என்று என்றேனும் சொல்லிவிடுமோ என்ற அச்சம் நெருடுகிறது.

மகா பிரபு · மகா பிரபு Mon Jan 16, 2012 8:36 pm

நல்ல தகவல். இப்படி பல வார்த்தைகளை காரணம் அறியாமலேயே நாம் உபயோகபடுத்துகிறோம். அறிய தந்தமைக்கு நன்றி நண்பா. :வணக்கம்:

**Dr.சுந்தரராஜ் தயாளன்** · 03/09/2011

நன்று....

அடுத்து, கொடிய விடம் இருந்தாலும்கூட நல்ல பாம்பு என்று ஏன் சொல்கிறோம்? ஏதாவது காரணம் இருக்குமானால் தெரியப்படுத்துங்கள் புன்னகை

அசுரன் · அசுரன் Mon Jan 16, 2012 11:15 pm

Dr.சுந்தரராஜ் தயாளன் wrote:நன்று.... அடுத்து, கொடிய விடம் இருந்தாலும்கூட நல்ல பாம்பு என்று ஏன் சொல்கிறோம்? ஏதாவது காரணம் இருக்குமானால் தெரியப்படுத்துங்கள்

சிறப்பான கேள்வி இது.... கருங்காலி அருமையான பெயர் காரணம் தந்த நண்பருக்கு நன்றிகள்

சார்லஸ் mc · சார்லஸ் mc Mon Jan 16, 2012 11:21 pm

Dr.சுந்தரராஜ் தயாளன் wrote:நன்று.... அடுத்து, கொடிய விடம் இருந்தாலும்கூட நல்ல பாம்பு என்று ஏன் சொல்கிறோம்? ஏதாவது காரணம் இருக்குமானால் தெரியப்படுத்துங்கள்

நாம் அதை தொந்தரவு தரும் வரை அது நம்மை எதுவும் செய்யாது - என்பதினால் அதை நல்ல பாம்பு என்று சொல்வாா்களோ?!!

கருங்காலிக்கு நல்ல விளக்கம் தந்த நண்பருக்கு நன்றி.

**இளமாறன்** · **இளமாறன்** Mon Jan 16, 2012 11:22 pm

நன்றி புது தகவல் பெற்று கொண்டேன் அன்பு மலர்

**கோவிந்தராஜ்** · 20/02/2011

நன்றி !

கவினா · கவினா Tue Jan 17, 2012 10:11 am

Dr.சுந்தரராஜ் தயாளன் wrote:நன்று.... அடுத்து, கொடிய விடம் இருந்தாலும்கூட நல்ல பாம்பு என்று ஏன் சொல்கிறோம்? ஏதாவது காரணம் இருக்குமானால் தெரியப்படுத்துங்கள்

நல்லபாம்பு என்பதற்கு அது நல்ல இயல்பை உடைய பாம்பு என்று பொருளில்லை.கருப்பு நிற பாம்பு என்றுதான் பொருள்.தமிழில் நல்ல என்றால் கருத்த என்றும் பொருள் இருக்கிறது.இந்த தகவலை உறுதி செய்ய இன்னுமொரு உதாரணமும் தர முடியும். மோசமான விளைவுகளையே ஏற்படுத்தும் எண்ணெய்க்கு ஏன் நல்லெண்ணெய் என்று பெயர் வந்தது?
ஏனென்றால் கருத்த நிறத்தை உடைய எள்ளிலிருந்து எடுக்கப்படுவதால்.
என்வே நல்ல பாம்பு , நல்லெண்ணெய் ஆகியவற்றின் உண்மையான பொருள் அவை கருப்பு நிறத்தை உடையவை என்பதுதான்.

நல்லதொரு கேள்வியை எழுப்பிய உங்களுக்கு என் வாழ்த்துக்கள்.

வாஞ்சையுடன் சுந்தரபாண்டி

**சிவா** · **சிவா** Tue Jan 17, 2012 10:16 am

கருங்காலி விளக்கம் நன்று. ஆனால் இந்த மரத்தை வெட்டினால் உட்பகுதி கருமை நிறம் படிந்ததாக இருக்கும். அதாவது வைரம் பாய்ந்த மரம் என்று கூறுவார்கள். இதனாலும் இப்பெயர் வந்திருக்கலாம்.

நல்ல என்பதற்கு தமிழில் கொடிய அல்லது மோசமான என்று அர்த்தம்.

நல்ல மழை = விடாமல் பல மணி நேரங்கள் மழை பெய்து பல அழிவுகள் ஏற்பட்டால் இவ்வாறு சொல்கிறோம்.

நல்ல அடி = ஒருவனை பல சேர்ந்து அடித்துக் காயப்படுத்தினால் இவ்வாறு அழைக்கிறோம்.

நல்ல பாம்பு = கடித்தவுடன் மரணம் தான் ஏற்படுகிறது. இதனால் தான் நல்ல பாம்பு என அழைக்கப்படுகிறது.

(இது சரியா என தமிழறிஞர்கள் உறுதிப்படுத்தவும்)

மகா பிரபு · மகா பிரபு Tue Jan 17, 2012 10:24 am

ஒரு மோசமான குணநலன்களை கொண்டுள்ள நபரை நல்ல அல்லது சரியான ஆளுயா நீ என திட்டுவார்கள்.

Sponsored content · Sponsored content

கருங்காலி என சொல்லகாரணம் என்ன?

கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

Re: கருங்காலி என சொல்லகாரணம் என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக